Strandapósturinn - 01.06.1977, Qupperneq 81

Egill Halldórsson:
Á feðra
slóðum
Ég er sonur Halldórs Jónssonar, sonar Jóns Guðmundssonar
sem var bóndi að Þorpum í Steingrímsfirði og Elínborgar
Benediktsdóttur konu hans.
Pabbi flutti ungur frá Þorpum að Króksfjarðarnesi, var þar í
nokkur ár, en fluttist svo til Dýrafjarðar, þar sem hann stundaði
nám í vélsmiðju Guðmundar J. Sigurðssonar og við það fyrirtæki
vann hann meðan kraftarnir entust.
Oft leitaði hugurinn á æskuslóðirnar og oft sagði hann mér
sögur þaðan, þegar ég var lítill, mest voru það veiðisögur og oft
var byssan einhvers staðar með í förinni. Afi var slyngur með
byssuna og færði hún oft björg í bú.
Býsna vel fylgdist pabbi með öllu sem gerðist í Steingríms-
firðinum því um árabil kom Benedikt Grímsson bóndi á
Kirkjubóli á hverju hausti vegna kjötmats og á síðari árum kom
Benedikt Þorvaldsson með honum. Dvöldu þeir á heimili pabba
meðan þeir höfðu hér viðdvöl, svo þarna var um reglulegan
frændafund að ræða. Þetta voru stundir sem hlakkað var til allt
árið og þurfti þá pabbi margs að spyrja.
Ég hafði komið til Steingrímsfjarðar á síldveiðum, verið með
79