Strandapósturinn - 01.06.1977, Page 83

„Þorpagilið“
Þarna fékk ég að sjá það besta skot sem ég hef séð um ævina.
Þarna var ekki um neitt annað að ræða, beðið þangað til best
visaði við að skjóta fram í holið óvarið.
Um morguninn þegar ég vaknaði, endurnærður eftir góðan
nætursvefn og draumur næturinnar var ljóslifandi fyrir hug-
skotssjónum minum, fannst mér ég hafa hlotið ríkuleg laun
ferðarinnar norður.
Ég hef oft hugsað um þennan draum síðan og að afi skyldi fá
að setja á svið fyrir mig atvik margra áratuga gömul, því ég hef
aldrei efast um að það hafi verið hann sem var í tófuhúsinu.
Mér hefur oft síðar á lífsleiðinni verið hugsað til þessarar
ferðar minnar í Steingrímsfjörð. Ég held, að ef ekki hefði verið
tófuskytteríið með afa, hefði ferðin ekki haft hálft gildi fyrir mig.
Ég er oft búinn að koma norður síðan og hef haft það fyrir
reglu að nema staðar á heiðinni, þegar Steingrímsfjörðurinn er
að lokast og alltaf hefur mér fundist eitthvað verða eftir af mér
fyrir norðan. Römm er sú taug . . .
6
81