Morgunblaðið - 19.08.2021, Blaðsíða 22

22 FRÉTTIR
Innlent
MORGUNBLAÐIÐ FIMMTUDAGUR 19. ÁGÚST 2021
Álfheimum 74, 104 Rvk, sími 568 5170
Verið velkomin
Nýjar
haust-
vörur
Höskuldur Daði Magnússon
hdm@mbl.is
Við jaðar hins huggulega bæjar
Hafnarfjarðar er að finna iðnaðar-
svæði þar sem er sjá má ótrúlegt
magn af rusli og úrgangi. Sums stað-
ar gæti maður haldið að maður væri
kominn á tökustað bíómyndar en
annars staðar hálfbýður manni við.
Bíltúr um Helluhverfið til móts við
álverið í Straumsvík er í það minnsta
ævintýri líkastur eins og ljósmyndari
Morgunblaðsis komst að í vikunni.
„Margir sem safna þessu drasli“
„Þetta er auðvitað iðnaðarhverfi
en það er samt hægt að ætlast til að
menn gangi vel um,“ segir Hörður
Þorsteinsson, framkvæmdastjóri
Heilbrigðiseftirlits Hafnarfjarðar,
Garðabæjar og Kópavogs.
Hann segir aðspurður að vissulega
komi annað slagið kvartanir og mál
sem tengjast umræddu iðn-
aðarhverfi inn á borð eftirlitsins. „Ís-
lendingar virðast elska bílhræ. Þau
eru um allar koppagrundir og í iðn-
aðarhverfunum. Það eru margir að
safna þessu drasli. Við hirðum bílhræ
sem eru utan lóðamarka en við eig-
um erfitt með að fara inn á lóðir hjá
fyrirtækjum. Við hvetjum hins vegar
til þess að eitthvað sé gert í málunum
ef ástandið veldur slysahættu eða
verulegu lýti. Alltaf þegar við fáum
kvartanir förum við á staðinn. Svo
sendum við viðkomandi gjarnan bréf
og hvetjum til þess að tekið verði til.
Við sendum svolítið af bréfum,“ segir
hann.
Margir safna brotajárni
Hörður segir að margir hafi heim-
ild til að safna brotajárni á lóðum sín-
um. Hins vegar gildi strangar reglur
um slíka starfsemi og fylgst sé með
henni. „Þetta er samt stundum erfitt
að eiga við því hvar eiga vondir að
vera?“ spyr Hörður.
Hræ Gömul bílhræ og rútur bera fyrir augu vegfarenda til móts við álverið í Straumsvík. Grill Einhvern tímann var þetta grill sjálfsagt í toppstandi.
Litríkt Sjá má ryðgaða gáma en sums staðar ná blóm að lífga upp á svæðið.
„Íslendingar virð-
ast elska bílhræ“
Morgunblaðið/Eggert
Sviðsmynd Einhver gæti haldið að hann væri kominn á tökustað kvikmyndar. Sú er sannarlega ekki raunin.