Morgunblaðið - 19.08.2021, Blaðsíða 30

30 UMRÆÐAN
MORGUNBLAÐIÐ FIMMTUDAGUR 19. ÁGÚST 2021
Ekkert stjórnmálaafl á lengri
sögu í náttúruvernd en Sjálf-
stæðisflokkurinn. Það er óum-
deilt. Rafvæðing þéttbýlis, hita-
veita í stað kolakyndingar,
uppbygging flutningskerfa raf-
orku eru allt verkefni sem lutu
stjórn eða voru ákveðin af sjálf-
stæðismönnum í ríkisstjórn og
sveitarstjórnum. Á þeirri löngu
vegferð leit Sjálfstæðisflokk-
urinn aldrei til baka og enn má
setja stefnuna í eitt orð: ÁFRAM!
Ísland til fyrirmyndar
Engin verkefni í umhverfismálum hafa
sett Ísland framar í loftslagsmálum en sjálf-
bær orkunotkun Íslendinga. Frá árinu 1990
hefur hlutfall endurnýjanlegra orkugjafa
verið í kringum 85% en stefna Evrópusam-
bandsins er að hlutfall endurnýjanlegrar
orku í sambandinu, sem er 30%, hafi aukist
um 5% árið 2050. Ísland er í öðru sæti þeg-
ar kemur að fjölda rafbíla miðað við höfða-
tölu. Þar er keppt við Evrópuþjóðir sem
hlaða rafbíla með raforku sem framleidd er
úr kolaorku. Fiskiskipafloti Íslendinga hef-
ur farið á undan með góðu fordæmi og
minnkað jarðefnaeldsneytisnotkun frá árinu
2005 um 40% miðað við útflutt verðmæti. Ef
aðrar þjóðir í heiminum væru á sama stað
og við Íslendingar í losun kolefnis væri eng-
in umræða um loftslagsmál í heiminum. Við
erum til fyrirmyndar en ætlum að gera bet-
ur.
Grænt atvinnulíf fyrir unga fólkið
Ábyrgð okkar í loftslagsmálum er að taka
þátt með öðrum þjóðum í minni losun kol-
efnis. Að sama skapi er það
mikilvægt framlag okkar til
loftslagsmála í heiminum að
nýta endurnýjanlega óbeislaða
orku sem við höfum yfir að
ráða. Í því felst ekki alhæfing
að það eigi að virkja allt sem
virkja má. Í þessum atriðum
skiptir framlag Íslands miklu
máli, þótt árangur þjóða
heimsins velti ekki á framlagi
Íslands. Atvinnutækifæri fram-
tíðarinnar eiga að skapa fjöl-
breytt, vel launuð störf við
framleiðslu í grænu atvinnulífi,
eins og vetnisframleiðslu sem þarf mikla
orku og þekkingu. Lífsgæði unga fólksins
okkar byggjast á forystu Íslands í umhverf-
isvænni atvinnustarfsemi, hreinleika lands-
ins, gjöfulum fiskimiðum og heilbrigðum
landbúnaði.
Sköpum framtíð
Allt tal um að eina hlutverk Íslendinga sé
að leggja okkar af mörkum til minni los-
unar er rangt. Hlutverk okkar er ekki síður
mikilvægt í því að nýta endurnýjanlega
orkugjafa til að skapa framtíð fyrir unga
fólkið í landinu með fjölbreyttri grænni at-
vinnustarfsemi og fjölbreyttum störfum.
Orkan og tækifæri
komandi kynslóða
Eftir Ásmund
Friðriksson
»Engin verkefni í umhverf-
ismálum hafa sett Ísland
framar í loftslagsmálum en
sjálfbær orkunotkun Íslend-
inga.
Ásmundur Friðriksson
Höfundur er þingmaður Sjálfstæðisflokksins
asmundurf@althingi.is.
Alþjóðadagur hjálparstarfs-
manna er í dag, en þá minn-
umst við þeirra hjálparstarfs-
manna sem látið hafa lífið við
störf sín. Þessi dagur, 19.
ágúst, var valinn því á þessum
degi létust 22 hjálparstarfs-
menn í sprengingu í höf-
uðstöðvum SÞ í Bagdad árið
2003. Þrátt fyrir samdrátt í
hjálparstarfi á síðasta ári
vegna heimsfaraldurs létust
108 hjálparstarfsmenn við störf sín, 242
slösuðust alvarlega og 125 var rænt.
Áætlað er að yfir hálf milljón manna
starfi við þróunar- og mannúðarstörf í
heiminum. Þá eru ekki taldar þær milljónir
sjálfboðaliða sem verja tíma sínum í að
hjálpa náunganum.
Það sem knýr flest fólk áfram í hjálp-
arstarfi er hversu gefandi það er að hjálpa
öðrum. Gamla máltækið „það er sælla að
gefa en þiggja“ lýsir því hugarástandi sem
við hjálparstarfsfólk upplifum og er sú víta-
mínsprauta sem heldur okkur gangandi í
gegnum erfiðleikana.
Mín hjálparstarfssaga hófst árið 1990
þegar ég skráði mig sem sjálfboðaliða hjá
Rauða krossinum. Þar tók ég þátt í að
styðja ungmenni sem voru gestir Rauða-
kross-hússins við Tjarnargötu fyrir krakka
sem ekki gátu búið heima hjá sér vegna
ýmissa ástæðna. Þaðan lá leið í Hjálparsveit
skáta í Hafnarfirði og í svæðisstjórn björg-
unarsveita á höfuðborgarsvæðinu.
Reynsla mín í aðgerðastjórnun innan
björgunarsveitanna varð til þess að ég varð
hluti af sérstöku viðbragðsteymi Sameinuðu
þjóðanna árið 2005 og einn af stjórnendum
íslensku Alþjóðabjörgunarsveitarinnar.
Tveimur árum síðar bauðst mér starf tengt
alþjóðlegu hjálparstarfi og tók ég þátt í að-
gerðum víða um heim; t.a.m. eftir jarð-
skjálfta á Haítí og Nepal, felli-
bylji á Púertó Ríkó og
Mósambík auk þess að taka
þátt í baráttunni gegn ebólu í
Vestur-Afríku. Á þeim tveim-
ur áratugum sem ég hef tekið
þátt í hjálparstarfi hef ég séð
með eigin augum hversu mik-
ilvæg þessi starfsemi er og
hvað við Íslendingar, þessi
litla þjóð, getum lagt mikið af
mörkum.
Þörfin fyrir hjálparstarfs-
fólk hefur sjaldan verið eins
mikil og nú. Hamfarahlýnun
orsakar sterkari storma, lengri þurrka,
stærri skógarelda og meiri flóð. Aukin
þéttbýlismyndun gerir jarðskjálfta ban-
vænni. Flóknari og lengri stríð, eins og í
Afganistan, Jemen og Sýrlandi, orsaka
fólksflótta og erfiðara aðgengi að fólki í
neyð.
Á sama tíma eru mörg ríkari ríki heims
að skera niður fjármagn til þróunar- og
neyðaraðstoðar til þess að nýta fjármagnið
frekar í að takast á við krísur heima fyrir.
Það er þó skammgóður vermir. Minni
stuðningur eykur neyð fólks sem leiðir svo
til meiri óstöðugleika, átaka og fólksflótta
síðar meir. Íslendingar eiga ekki að láta
sitt eftir liggja heldur gefa af sér, hvort
sem það er í formi peninga, mannauðs eða
hinnar gríðarlegu þekkingar okkar á þessu
sviði.
Eftir Gísla Rafn
Ólafsson
Gísli Rafn Ólafsson
» Á þeim tveimur áratugum
sem ég hef tekið þátt í
hjálparstarfi hef ég séð með
eigin augum hversu mikilvæg
þessi starfsemi er
Höfundur er frambjóðandi Pírata.
gisli.rafn@piratar.is
Svo aðrir megi lifa