Hinsegin dagar í Reykjavík - 01.08.2014, Side 32

Hinsegin félagasamtök á Íslandi
LGBTI organisations in Iceland
Hinsegin dagar í Reykjavík / Reykjavik Pride
reykjavikpride.com – pride@reykjavikpride.com –
Facebook: reykjavikpride
Hinsegin dagar í Reykjavík – Reykjavík Pride eru sjálfstæð
sjálfboðaliðasamtök sem árlega skipuleggja Hinsegin daga
í Reykjavík aðra helgina í ágúst. Allir sem styðja markmið
hátíðarinnar og vilja vinna með félaginu geta gerst félagar með því
að greiða árgjaldið, 500 kr.

Samtökin ’78 – félag hinsegin fólks á Íslandi /
The National Queer Organisation of Iceland
samtokin78.is – skrifstofa@samtokin78.is – Facebook:
samtokin78
Samtökin ’78 eru elstu og stærstu samtök hinsegin fólks
á Íslandi og undir forystu þeirra hafa unnist miklir sigrar í
mannréttindamálum á liðnum árum. Markmið félagsins er tvíþætt:
Að vinna að baráttu- og hagsmunamálum hinsegin fólks í því
skyni að vinna því jafnrétti á við aðra á öllum sviðum þjóðlífsins
og að skapa félagslegan og menningarlegan vettvang til þess að
styrkja sjálfsvitund þess, samkennd og samstöðu um sérkenni sín.

Q – Félag hinsegin stúdenta / Q – Queer Student
Association
queer.is – queer@queer.is – Facebook: qfelag
Félag hinsegin stúdenta, Q, var stofnað í janúar 1999. Það heldur
uppi öflugu félagsstarfi meðal ungs fólks og hittist á Q-kvöldum
í félagsmiðstöð Samtakanna ’78. Eitt af markmiðum félagsins er að
vera sýnilegt afl innan háskólasamfélagsins á Íslandi og í forsvari þar
þegar málefni hinsegin fólks ber á góma. Félagið er virkur þátttakandi
í tveimur samtökum ungs fólks í Evrópu, ANSO og IGLYO.
Trans-Ísland / Trans Iceland
trans.samtokin78.is – transiceland@gmail.com – Facebook:
transisland
Trans-Ísland var stofnað árið 2007 og hefur að markmiði sínu að
skapa transfólki og fjölskyldum þess menningarlegan vettvang og
styrkja þannig sjálfsvitund þeirra, vinna að laga- og réttarbótum,
auka fræðslu og eiga samstarf við sambærileg samtök hérlendis og
erlendis. Fundir Trans-Íslands eru haldnir fyrsta miðvikudag hvers
mánaðar í félagsmiðstöð Samtakanna ’78.

Íþróttafélagið Styrmir / Styrmir Sport Club
ststyrmir@gmail.com – Facebook: styrmir.sport
Íþróttafélagið Styrmir var stofnað árið 2006 og er ein af
blómlegustu grasrótarhreyfingum hinsegin fólks á Íslandi. Félagið
heldur úti reglulegum æfingum í fótbolta, sundi og blaki og er
virkt í að halda stóra sem smáa íþróttaviðburði. Árlega taka félagar
þátt í íþróttamótum á erlendum og innlendum vettvangi og allir
eru hjartanlega velkomnir á æfingar félagsins, bæði byrjendur og
lengra komnir.

KMK – Konur með konum / Women with Women
kmkkonur@gmail.com – Facebook: kmk.sms
Konur með konum, KMK, varð til sem grasrótarhreyfing lesbía
laust fyrir 1990. Tilgangurinn er ekki síst að efla sýnileika lesbía,
styrkja samstöðu þeirra og gefa þeim tækifæri til að skemmta
sér á eigin forsendum. Stúlkurnar í KMK stunda íþróttir af kappi,
einkum blak, og hafa keppt á alþjóðlegum leikum.
Félag hinsegin foreldra / Association of Queer parents
gayforeldrar@gmail.com – Facebook: felag.foreldra
Félag hinsegin foreldra eru ein yngstu samtökin í flóru hinsegin
hreyfinga á Íslandi. Þau hafa það að markmiði að gera lífið
skemmtilegra fyrir börn sín, gefa þeim kost á að kynnast og miðla
reynslu af foreldrahlutverkinu.
Hinsegin kórinn / Reykjavík Queer Choir
hinseginkorinn.is – hinseginkorinn@hinseginkorinn.is – Facebook:
hinseginkorinn
Hinsegin kórinn var stofnaður síðsumars 2011. Markmið hans er
að vera fordómalaus vettvangur fólks til að hittast og njóta söngs
saman, vinna að þátttöku hinsegin fólks í menningarlífinu, vera
jákvæð fyrirmynd og stuðla að sýnileika hinsegin fólks. Markmiði
sínu hyggst kórinn meðal annars ná með reglubundnum æfingum,
tónleikum og söngferðum hér heima og erlendis. Kórinn er öllum
opinn að undangengnum raddprófum sem að jafnaði eru haldin við
upphaf haust- og vorannar.
HIN – Hinsegin Norðurland
hinsegin.net – hinsegin@hinsegin.net – Facebook: hinsegin
HIN - Hinsegin Norðurland eru fræðslu- og stuðningssamtök
staðsett á Akureyri. HIN sér um fræðslu um hinsegin málefni
fyrir grunn- og framhaldsskóla og stendur fyrir draggkeppni og
mörgum öðrum viðburðum ár hvert. Félagið fundar á 4. hæð í
félagsmiðstöðinni Rósenborg kl. 19:30 alla miðvikudaga og allir eru
velkomnir!
Intersex Ísland / Intersex Iceland
intersex@samtokin78.is
Samtökin Intersex Ísland voru stofnuð 27. júní 2014 og eru samtök
fyrir intersex einstaklinga, fjölskyldur þeirra og aðra aðstandendur. Þau
funda fyrsta þriðjudag í hverjum mánuði í húsnæði Samtakanna ‘78.

Hið íslenska Bangsavinafélag / Bears on Ice
www.bearsonice.org
Félag áhugamanna sem sér um árlega skipulagningu Bears on Ice,
sem fer fram 4.-7. september árið 2014. Viðburðurinn er opinn öllum
böngsum og vinum þeirra.

Útgefandi:
Hinsegin dagar í Reykjavík / Reykjavik Pride
Ritstjórn: Ásta Kristín Benediktsdóttir og Jón Kjartan Ágústsson
Textar: Ásta Kristín Benediktsdóttir, Björk Þorgrímsdóttir,
Elías Knörr, Eva Rún Snorradóttir, Hilmar Magnússon, Jóhanna
Sigurðardóttir, Jón Kjartan Ágústsson, Sjón, Sigurður Örn
Guðbjörnsson og Þorvaldur Kristinsson.
Auglýsingar: Hvíta húsið, Eva María Þórarinsdóttir Lange,
Gunnlaugur Bragi Björnsson og Kristín Sævarsdóttir.
Ljósmyndir: Birkir Jónsson, Dagur Gunnarsson, David Phelps,
Davíð Terrazas, Lalli Sig, HelgiR, Hreinn Hreinsson, Ragnheiður
Arngrímsdóttir, Alísa Kalyanova og Sigtryggur Ari Jóhannsson.
Teikningar á götukorti: Helga Kristjana Bjarnadóttir.
Merki Hinsegin daga: Aðalbjörg Þórðardóttir.
Hönnun dagskrárrits: Davíð Terrazas.
Prentvinnsla: Prentsmiðjan Oddi.

Stjórn og samstarfsnefnd um Hinsegin daga í Reykjavík
Fjölmargt fólk leggur hönd á plóg til að gera hátíð Hinsegin
daga að veruleika á hverju ári. Í stjórn Hinsegin daga í Reykjavík
2014–2015 sitja Eva María Þórarinsdóttir Lange, formaður, Baldvin
Kári Sveinbjörnsson, varaformaður, Kristín Sævarsdóttir, ritari,
Gunnlaugur Bragi Björnsson, gjaldkeri, og Jón Kjartan Ágústsson,
meðstjórnandi. Við hlið þeirra starfar samstarfsnefnd að verkefnum
ársins og þegar hátíðin nálgast kallar stjórn til tugi sjálfboðaliða
sem veita ómetanlega aðstoð.
TUESDAY, AUG 5:
EUROVISION PUB QUIZ
SATURDAY, AUG 9:
KIKI QUEER PARTY!
THURSDAY, AUG 7:
DJ J. JACKSON (CA)
WEDNESDAY, AUG 6:
QUEER CULTURE NIGHT
FRIDAY, AUG 8:
‘SHORE LEAVE’ DANCE
come,
have a kiki
come,
ve a kiki
,
a i i
reykjavik pride event:
entry: 1500 kr or Pride Pass
events every day during pride week
stay tuned! follow us on facebook:
www.facebook.com/kiki-queer-bar
62