Morgunblaðið - 09.09.2021, Síða 41

MORGUNBLAÐIÐ FIMMTUDAGUR 9. SEPTEMBER 2021
Undirföt • Náttföt • Sundföt • Strandfatnaður
50% afsláttur
af allri útsöluvöru
Bláu húsin v/Faxafen • Sími 553 7355
Vefverslun: selena.is
ÚTSALA
Alley Cats
19.995 kr.
St. 41- 47,5
withMemory
Foam
SMÁRALIND - KRINGLAN - SKÓR.IS
FRÁBÆRIR FYRIR
HAUSTIÐ!
Rósa Margrét Tryggvadóttir
rosa@mbl.is
Stefán John Stefánsson og Katrín
Bjarkadóttir eru sjálfskipaðir
draugabanar Íslands en þau halda úti
hlaðvarpinu Draugasögur Podcast
ásamt nýja hlaðvarpinu Sannar ís-
lenskar draugasögur en bæði hlað-
vörpin eru nú með topp fimm vinsæl-
ustu hlaðvörpunum hér á landi. Það
er því greinilegt að Íslendingar hafa
áhuga á málefninu en Stefán, sem
ræddi um málefnið í Síðdegis-
þættinum í vikunni, segir Íslendinga
upp til hópa vera næma fyrir hinu
yfirnáttúrulega. Saman hafa þau
Katrín ferðast víða í leit að draugum
og yfirnáttúrulegum öflum, sem þau
segjast sannarlega hafa fundið og
fullyrða að þau hafi sannanir fyrir því.
Stefán segist sjálfur vera fremur
skeptískur og lítið næmur fyrir því
andlega en Katrín sé mjög næm fyrir
því.
„Ég þarf að fá vísindalegar sann-
anir. Bara „concrete evidence“. Þá er
ég bara með fullt af tækjum og tólum
til að fá sannanir fyrir þessu. Það er
þess vegna sem okkur hefur gengið
svona vel og fólk fylgist með okkur og
skoðar sönnunargögnin sem við höf-
um náð í í gegnum tíðina,“ sagði Stef-
án en meðal tækja sem þau nota til að
finna anda eru EMF-mælar sem
nema rafsegulbylgjur.
„Andar eru sagðir vera búnir til úr
slíkum rafsegulbylgjum. Þannig að ef
þú ert í fjallakofa þar sem er hvorki
rennandi vatn, rafmagn né síma-
samband og mælirinn fer á fullt og þú
sérð enga fljúgandi örbylgjuofna þá
getur þú mögulega túlkað það þannig
að það sé eitthvað skrítið á seyði. Það
er allavega eitthvað sem við getum
ekki útskýrt,“ útskýrði Stefán.
„Fólk býst við að sjá einhverja
hvíta veru. Örugglega fljúgandi og
örugglega með lak yfir sér. Það bara
er ekki þannig. Það eru raddir og
vitsmunaleg svör við spurningum
sem þú spyrð,“ sagði hann.
Skemmtilegasta tækið sem parið
kveðst nota til að finna anda er svo-
kölluð „structured light“-myndavél
sem er í raun myndavél fyrir XBOX-
leikjatölvur en hún á að virka vel til
að sjá drauga að sögn Stefáns.
„Við erum með ótal sönnunargögn
frá Höfða, Hvítárnesskála og Fram-
haldsskólanum á Laugum,“ sagði
Stefán.
Einu sinni verið hræddur
Stefán sagðist aðspurður aðeins
einu sinni hafa verið smeykur í
draugaleiðangri, en Katrín sé oftar
hræddari. Það var í leiðangri parsins í
Höfða, en þar hefur verið talinn einna
mestur draugagangur í húsi á Íslandi,
þar sem þau létu læsa sig inni í 12
tíma. Í þessum tiltekna leiðangri
heyrðu þau vel í anda sem kynnti sig
með nafni og svaraði spurningum
parsins skilmerkilega en upptaka er
til af þessu fyrir áskrifendur Drauga-
sagna Podcast á Patreon.
„Þetta er fjögurra mínútna löng
upptaka þar sem hún [andinn] er að
svara spurningum og segja eitthvað.
Eftir það, þegar hún hættir að tala og
segir „búið!“ og ég slekk á tækjunum,
þá var ég svona: „Guð minn góður,
hvað var að gerast?“ Þá viðurkenni
ég að ég bakkaði rólega út úr her-
berginu.
Stefán er þó á því að yfirleitt sé
ekkert að óttast.
Margir upplifi fordóma
„Þetta er bara eitthvað sem er því
miður ansi misskilið og yfirleitt týnt
og í mörgum tilfellum fast en það er
bara frábært að við séum að opna
umræðuna um þetta,“ sagði hann.
Þau fá þó reglulega prest í heimsókn
á heimili þeirra til að koma í veg fyrir
að þau taki eitthvað óæskilegt með
sér heim.
„Okkur finnst þetta skipta svo
miklu máli. Við erum svo mörg sem
erum að upplifa þetta og alls staðar
mætir þetta fólk sem verður fyrir
þessu svo miklum fordómum. Við
þurfum að „normalísera“ það,“ sagði
Stefán.
„Erum með ótal
sönnunargögn“
Stefán John Stefánsson og Katrín Bjarkadóttir
halda úti hlaðvörpunum Draugasögur Podcast og
Sannar íslenskar draugasögur en saman hafa þau
ferðast víða með tæki og tól og safnað sönnunum
um tilvist drauga og yfirnáttúrulegra afla.
Rannsakendur Stefán og Katrín hafa farið á marga staði sem þekktir eru
fyrir draugagang og safna þaðan sönnunargögnum um tilvist drauga.
„Draugasögur Podcast fjallar um
staði víðs vegar um heim sem þekkt-
ir eru fyrir reimleika.
Auk þess tökum við fyrir íslenska
staði sem við heimsækjum, og búum
til myndefni um þau ferðalög,“ segir
Katrín, annar þáttastjórnandi í hlað-
varpinu Draugasögur Podcast. Hún
segir að hún og unnusti hennar og
annar þáttastjórnandi hlaðvarpsins,
Stefán John, hafi farið víða og náð
áhugaverðum sönnunargögnum um
líf eftir dauðann. Katrín deildi sínum
uppáhaldshlaðvörpum með K100.
Crime Junkie
„Þetta hlaðvarpið sem kynnti mig
fyrir hlaðvarpsheiminum. Þarna
ræða Ashley Flowers og Brit um hin
og þessi glæpa-
mál. Þær koma
sér alltaf strax að
efninu og segja
sögurnar vel. Ég
er að sjálfsögðu
áskrifandi á Pat-
reon, og er búin
að hlusta á sögurnar þeirra örugg-
lega fimm sinnum af því að ég fæ
ekki nóg.“
Somone Knows Something
„Í þessu hlaðvarpi kafar rann-
sóknarblaðamaðurinn David Ridgen
í óhugguleg og
stundum óþægi-
leg mál. Hann
mætir á staðinn,
talar við fjöl-
skylduna og
kemst oft að hlut-
um sem ekki einu
sinni lögreglan
veit af. Hann hefur góðan talanda og
fer vel yfir öll smáatriði sem mér
finnst mikilvægt.
Dr. Death
„Þetta er hlaðvarpssería frá Won-
dery sem tekur fyrir lækna sem
drepa. Virkilega áhugavert hlaðvarp
sem ég væri til í að hlusta á allan
daginn. Laura
Beil segir sög-
urnar vel og tekur
fyrir einn lækni í
hverri seríu og fer
yfir hans sögu frá
byrjun til enda
ásamt því að tala við sjúklinga hans,
sem voru það heppnir að lifa af.“
Illverk
„Ég nefni að sjálfsögðu kollega
minn, hana Ingu Kristjáns, sem er
með hlaðvarpið
Illverk. Inga ger-
ir hlutina virki-
lega vel og það
skín í gegn
hversu metn-
aðarfull hún er
þegar kemur að
málum sem hún tekur fyrir og það
skilar sér í hverjum þætti.“
Normið
Eina hlaðvarpið sem ég hlusta á
sem er ekki „True Crime“. Það er
þægilegt að hlusta á stelpurnar í
Norminu hvenær
sem er og þær
koma manni alltaf
í gott skap.“
Katrín nefndi
einnig nokkur
önnur hlaðvörp
sem eru í uppá-
haldi hjá henni en þau voru Man In
the Window og Bad Batch frá Won-
dery. Það síðarnefnda sagði hún að
væri fullkomið fyrir fólk sem vantaði
eitthvað til að „hámhlusta“ á akk-
úrat núna.
Katrín Bjarkadóttir í Draugasögur Podcast gefur álit
Fimm áhugaverð hlaðvörp
Katrín Bjarkadóttir er annar hlaðvarpsstjórnandi vinsæla og óhugnanlega
hlaðvarpsins Draugasögur Podcast. K100 fékk hana til að deila því með les-
endum hvaða fimm hlaðvörp væru í uppáhaldi hjá henni um þessar mundir.