Morgunblaðið - 21.10.2021, Síða 39

Í þessum mánuði eru liðin 30 ár
síðan Íslendingar urðu heimsmeist-
arar í bridge. Þetta var mikið afrek
og vakti alþjóðlega athygli. Fram
að því að Ísland vann titilinn höfðu
Bandaríkin og Ítalía nánast verið
áskrifendur að heimsmeistaratitl-
inum. Bridge er fyrsta hópíþróttin
þar sem Ísland hefur orðið heims-
meistari. Mikil umfjöllun var um
heimsmeistaramótið í Yokohama í
Japan 1991, taldist mér til að frétt-
ir af því hefðu ratað átta sinnum á
forsíðu DV, aðrir fjölmiðlar gerðu
þessu líka góð skil. RÚV með
Bjarna Fel í fararbroddi var með
beina lýsingu snemma morguns og
var aðdáunarvert hvernig Bjarna
tókst að gera þetta spennandi,
einkum síðustu þrjá dagana á með-
an úrslitaleikurinn við Pólland stóð
yfir. Morgunblaðið sendi blaða-
mann til Yokohama
og birti ítarlegar
fréttir á hverjum degi
í 14 daga af fram-
gangi Íslands við
græna borðið.
Þegar heimsmeist-
ararnir komu heim
fengu þeir höfðing-
legar móttökur, for-
sætisráðherra og ut-
anríkisráðherra tóku
á móti þeim í Leifs-
stöð og útvarpað var
frá móttökunni, þar
varð Bermúdaskálin
ódauðleg svo mjög að hún rataði í
áramótaskaup og nú síðast í hið
geysivinsæla leikhúsverk „9 líf
Bubba“ sem nú er sýnt í Borg-
arleikhúsinu. En hvernig má það
vera að tæplega 300.000 manna
þjóð þá hafi náð að vinna hina eft-
irsóttu Bermúdaskál? Svarið liggur
sennilega í undirbúningnum og það
var hugað vel að öllum smáatrið-
unum. Við vorum jú með hörkuspil-
ara sem höfðu öðlast góða reynslu
á alþjóðlegum vettvangi, þetta voru
þeir Guðlaugur R. Jóhannsson, Örn
Arnþórsson, Guðmundur Páll Arn-
arson, Þorlákur Jónsson, Aðal-
steinn Jörgensen og Jón Bald-
ursson, fyrirliði var
Björn Eysteinsson og
á honum hvíldi allur
undirbúningurinn með
góðri hjálp Helga heit-
ins Jóhannssonar.
Helgi var þá forseti
Bridgesambandsins og
fylgdi liðinu til Japans.
Þetta var og er enn
hörkulið, og það var
ekki bara hugað að
spilagetunni. Líkam-
legt úthald skiptir
miklu máli í svona
löngu móti og Björn fékk menn til
að mæta í nokkra mánuði í íþrótta-
salinn til æfinga, skokka úti í nátt-
úrunni og það var gengið á fjöll.
Jafnvel morguninn sem þeir fóru
til Japans var mætt um miðja nótt
í íþróttahús Garðabæjar til að að-
laga menn hinum mikla tímamun,
11 tímum. Einnig voru spilaðar
langar spilalotur, allt að 100 spil, til
að láta reyna á úthaldið. Í Japan
var Zia Mahmood, hinn heimsfrægi
bridgespilari og Íslandsvinur frá
Pakistan, til halds og trausts. Gaf
hann góð ráð og sagði meðal ann-
ars: „Það mun enginn muna hverjir
voru númer tvö, þið verðið að
vinna.“ Mönnum hljóp kapp í kinn
og þetta gekk eftir. Fyrsta sæti og
Bermúdskálin í höfn. Zia mætir á
Bridgehátíð í lok janúar í Hörpu.
Um aldamótin 2000 gengu
nokkrir Íslendingar á fund hins
fræga fjárfestis og næstríkasta
manns heims, mikils bridgespilara,
Warrens Buffetts, og kynntu hon-
um fjárfestingaráform, ekki leist
honum á þau. En sagði í lok sam-
tals: „Ég veit lítið um Ísland, eitt
veit ég þó, þið eruð góðir í bridge,
þið urðuð heimsmeistarar í Yoko-
hama 1991.“ Hróðurinn hefur bor-
ist víða.
Íslendingar heims-
meistarar í bridge
Eftir Jafet Ólafsson
Jafet S. Ólafsson
» „Það mun enginn
muna hverjir voru
númer tvö, þið verðið að
vinna.“ Mönnum hljóp
kapp í kinn og þetta gekk
eftir. Fyrsta sæti og
Bermúdaskálin í höfn.
Höfundur er forseti
Bridgesambands Íslands.
veigur@simnet.is
Íslensku heimsmeistararnir í bridge hampa Bermúdaskálinni í Yokohama.
39
MORGUNBLAÐIÐ FIMMTUDAGUR 21. OKTÓBER 2021
Spilað Mannlífið í miðbænum færist í aukana, enda styttist í aðventuna. Hljómsveitin Mandólín lék fyrir gesti bókabúðar Máls og menningar eitt kvöldið í vikunni.
Eggert
Það er húsnæðis-
skortur í Reykjavík.
Skorturinn hefur verið
viðvarandi og end-
urspeglast í mikilli
verðhækkun íbúða.
Ungt fólk kemur ekki
þaki yfir höfuðið og
fjölskyldur flytjast til
annarra sveitarfélaga.
Aðgöngumiðinn á hús-
næðismarkað er upp-
sprengdur.
Á borgarstjórnarfundi síðastlið-
inn þriðjudag felldi meirihluti borg-
arstjórnar tillögur okkar sjálfstæð-
ismanna um húsnæðisuppbyggingu
í Reykjavík. Gerði tillagan ráð fyrir
sérstakri flýtimeðferð til uppbygg-
ingar 3.000 íbúða að Keldum, í Úlf-
arsárdal og á BSÍ-reit. Tillagan var
ekki flutt að tilefnislausu.
Húsnæðis- og mannvirkjastofnun
hefur áætlað 30.000 íbúða þörf á
landsvísu næsta áratuginn. Fjölg-
unin verði meiri á fyrri hluta ára-
tugarins, og því þurfi uppbyggingu
3.500 íbúða árlega næstu árin.
Þörfin verði mest á höfuðborg-
arsvæðinu en þar sé jafnframt
mörg þúsund íbúða uppsöfnuð þörf.
Hver ber ábyrgð á þunganum?
Borgarstjóri gefur lítið fyrir
þörfina og segir óhugsandi að efla
byggð í Úlfarsárdal eða að Keldum.
Uppbyggingin myndi auka svo
mjög á umferð, að Miklabraut hefði
ekki undan. Umferðarþunginn er
raunverulegt vandamál – en hver
ber ábyrgð á þunganum?
Samfylking hefur haldið um
stjórnartauma borgarinnar frá
árinu 1994, með örstuttum und-
antekningum. Frá árinu 1994 eru
nú liðin 27 ár – það ætti að vera
drjúgur tími til að finna margvís-
legar lausnir við þunganum.
Hvers vegna hefur skipulagshalli
borgarinnar ekki verið leiðréttur?
Hvers vegna hafa ekki verið stigin
sannfærandi skref til að koma
stórum vinnustöðum austar í borg-
ina? Hvers vegna var Tækniskól-
anum ekki tryggð fýsileg lóð í aust-
urborginni? Hvers
vegna hefur stór-
fyrirtækjum og stofn-
unum sem nú flytja til
annarra sveitarfélaga,
ekki verið fundinn
staður austarlega í
borginni? Hvers vegna
hefur ekki náðst
árangur í viðræðum
við stærstu vinnustaði
borgarinnar um
breytilegt upphaf
vinnudagsins? Hvers
vegna hafa ekki verið kynntir
grænir hvatar fyrir fyrirtæki sem
bjóða fjarvinnu og létta um leið á
umferð?
Lausnirnar og tækifærin eru
fjölmörg – en þau hafa verið van-
nýtt.
Ákall á raunveru-
legar aðgerðir
Borgarstjóri segir umræðu um
húsnæðismál vera pólitískt útspil.
Það er sérkennilegt viðhorf þegar
húsnæðismál eru grundvallarmál í
lífi borgarbúa.
Við verðum að mæta húsnæðis-
þörfinni – bæði þeirri uppsöfnuðu
og þörfinni til framtíðar. Við verð-
um að skipuleggja ný svæði – sam-
hliða þéttingu byggðar á svæðum
sem hafa til þess svigrúm. Við
verðum að fjölga atvinnutækifær-
um austarlega – samhliða sam-
göngubótum og breyttum ferða-
venjum. Við þurfum ekki fleiri
viljayfirlýsingar og borða-
klippingar. Við þurfum raunveru-
legar aðgerðir.
Eftir Hildi
Björnsdóttur
»Borgarstjóri segir
umræðu um hús-
næðismál vera pólitískt
útspil. Það er sérkenni-
legt viðhorf þegar hús-
næðismál eru grundvall-
armál í lífi borgarbúa.
Hildur Björnsdóttir
Höfundur er borgarfulltrúi
Sjálfstæðisflokks.
hildurb@reykjavik.is
Húsnæðisskortur
í borginni