Morgunblaðið - 09.12.2021, Qupperneq 41

41
MORGUNBLAÐIÐ FIMMTUDAGUR 9. DESEMBER 2021
Jólalegt Lystigarður Hafnfirðinga í Hellisgerði er kominn í jólabúning og gaman að koma þar við, einkum er skyggja tekur. Jólaljósin í trjánum auka enn við birtuna og gefa lífinu lit.
Unnur Karen
Kannski er dig-
urbarkalegt að kalla
smáborgina Reykjavík
heimsborg. Hún er í
það minnsta ekki stór-
borg. En í smáborg-
arlífinu slær heims-
borgarhjarta.
Tækifærin til framfara
óþrjótandi.
Reykjavík stendur á
spennandi umrót-
stímum sem kalla munu á breyt-
ingar. Tækniframfarir, fólksfjölgun
og loftslagsbreytingar munu setja
mark sitt á viðfangsefni framtíðar. Á
vordögum gefst borgarbúum kostur
á að kjósa sér nýja borgarstjórn. Við
þau tímamót þarf Sjálfstæðisflokkur
að byggja á framtíðarsýn sem sam-
einar fólk á öllum aldri – á öllum
sviðum mannlífsins. Framtíðarsýn
sem varðveitir sérkenni Reykjavíkur
en gætir þess að borgin þróist í takt
við aðrar vestrænar borgir – og verði
ekki undir í samkeppni um ungt fólk
og atgervi. Framtíðarsýn sem trygg-
ir fólki og fyrirtækjum farsælan far-
veg til vaxtar og framfara.
Ég gef kost á mér til að leiða lista
Sjálfstæðisflokks í komandi kosn-
ingum. Það geri ég af brennandi eld-
móði fyrir sjálfstæðisstefnunni og
trú minni á höfuðborg sem býður lif-
andi borgarumhverfi, jöfn tækifæri
og fjölbreytta kosti í frjálsu sam-
félagi – þar sem sameiginleg framtíð
er viðfangsefnið.
Grunnskólar sem virka
Ég trúi því að sérhvert barn hafi
eitthvað mikilvægt fram að færa – að
eitt verðugasta verkefni skólakerf-
isins verði ávallt að tryggja öllum
börnum jöfn tækifæri til að leita
hæfileika sinna – og efla með þeim
sjálfstraust til að skapa úr hæfi-
leikum sínum tækifæri og verðmæti.
Það byggist á trú minni
á einstaklinginn og
samfélag þar sem eng-
inn er skilinn eftir.
Ég tel rétt að borgin
setji sér markmið um
framúrskarandi grunn-
skóla. Ég vil tryggja
fjölbreytt námsmat og
styðja betur við sjálf-
stætt starfandi skóla.
Jafnframt vil ég að höf-
uðborgin vinni að því
markmiði, að koma ís-
lensku skólakerfi í röð
10 fremstu innan OECD fyrir árið
2040. Borgin taki forystu og leiði
stórstíg framfaraskref í mennta-
málum – ábyrgð höfuðborgarinnar
er mikil og hana þarf að axla af al-
vöru og metnaði.
Leikskólaþjónusta sem virkar
Biðlistavandi leikskólabarna er
flestum kunnur og hefur reynst fjöl-
skyldufólki áralöng flækja í daglegu
amstri. Yfir 16 ára tímabil hefur
Samfylking lofað öllum börnum leik-
skólavist við 12-18 mánaða aldur. Illa
gengur að stytta biðlista og nú, 16
árum síðar, er meðalaldur barna við
inngöngu í borgarrekna leikskóla 29
mánuðir.
Ég vil setja fjölskyldumálin í for-
gang. Skapa borg sem býður trausta
og áreiðanlega daggæslu eða leik-
skólavist strax í kjölfar fæðing-
arorlofs. Það er mikilvægt jafnrétt-
ismál.
Samgöngur sem virka
Samgönguvandi borgarinnar hef-
ur farið vaxandi og leitt af sér víð-
tæka sóun fjármuna og lífsgæða.
Leysa þarf vandann með fjárfest-
ingu í fjölbreyttum samgöngu-
kostum. Ég vil vinna áfram að sam-
göngusáttmála
höfuðborgarsvæðisins sem byggist á
því að farþegum almennings-
samgangna fjölgi, en horfist í augu
við að áfram muni stærstur meiri-
hluti fólks fara leiðar sinnar á bíl. Sú
hugmynd að velja þurfi einn far-
armáta til að notast við öllum stund-
um er hvorki raunhæf né eftirsókn-
arverð. Framtíðin felur í sér valfrelsi
og sveigjanleika.
Samhliða sáttmálanum vil ég
vinna að uppbyggingu Sundabrautar
í einkaframkvæmd og innleiðingu
hjólreiðaáætlunar. Ég tel mikilvægt
að sjálfstæðismenn leiði vinnu við
uppbyggingu fjölbreyttra sam-
göngukosta svo áhersla verði lögð á
hagkvæmni og skilvirkni við alla út-
færslu.
Hverfi sem virka
Ég vil að borgin verði end-
urskipulögð á forsendum hverfanna
– á grundvelli sérstöðu þeirra og
styrkleika. Öll borgarhverfi verði
þróuð með það fyrir augum að unnt
verði að nálgast helstu verslun og
þjónustu í 15 mínútna göngufæri.
Víða um borg standa lúnir hverf-
iskjarnar sem margir mega muna fíf-
il sinn fegurri. Ég vil glæða kjarnana
fyrra lífi með því að virkja einka-
framtak og bæta skipulag. Þannig
má skapa aukið mannlíf innan
hverfa, efla nærþjónustu og einfalda
daglegt líf.
Forsendur 15 mínútna hverfa eru
þétt og blönduð byggð hvar íbúðar-
húsnæði, vinnustaðir og þjónusta eru
í nálægð hvert við annað. Fjölgun
vinnustaða í austurhluta borgarinnar
mun ýta undir þessa þróun og hafa
jákvæð áhrif á samgöngur í borginni.
Húsnæðismarkaður sem virkar
Það er húsnæðisskortur í Reykja-
vík. Skorturinn hefur verið viðvar-
andi og endurspeglast í mikilli verð-
hækkun íbúða. Áætluð
uppbyggingarþörf er 30.000 íbúðir á
landsvísu næsta áratuginn. Þörfin er
talin mest á höfuðborgarsvæðinu en
þar er jafnframt mörg þúsund íbúða
uppsöfnuð þörf.
Ég tel mikilvægt að mæta hús-
næðisþörfinni – bæði þeirri uppsöfn-
uðu og til framtíðar. Ég vil hefja
skipulag íbúðauppbyggingar í Örfir-
isey og að Keldum, samhliða aukinni
þéttingu innan hverfa sem hafa til
þess svigrúm.
Velferð sem virkar
Ég vil tryggja velferðarþjónustu
sem eykur lífsgæði, stuðlar að virkni
og tryggir öllum borgarbúum mögu-
leikann á að lifa með reisn. Með
stuðningi við einkaframtakið má
fjölga valkostum og mæta marg-
breytilegum þörfum. Jafnframt vil
ég stula að heilsueflandi borg-
arumhverfi og verndun grænna
svæða, svo tryggja megi öllum jöfn
tækifæri og fjölbreyttar leiðir til að
ástunda heilbrigðan lífsstíl.
Ég vil tryggja samfellu í geðheil-
brigðisþjónustu við börn. Biðlistar
eru langir og einstaklingar falla
gjarnan milli skips og bryggju innan
kerfisins. Auknar forvarnir og auð-
veldur aðgangur að sálfræðiþjónustu
strax í grunnskóla gætu skipt sköp-
um.
Fjármál sem virka
Ég tel mikilvægt að borgarkerfið
undirgangist tiltekt. Stjórnkerfi
borgarinnar hefur orðið að bákni –
minnka þarf yfirbygginguna og hefja
skipulega niðurgreiðslu skulda. Jafn-
framt þarf að selja fyrirtæki í sam-
keppnisrekstri. Ég vil treysta fjár-
haginn svo efla megi þjónustuna og
skapa svigrúm til lækkunar skatta á
fólk og fyrirtæki. Við verðum að sýna
ábyrgð og ráðdeild þegar sýslað er
með fjármuni borgarbúa.
Kerfi sem virkar
Ég vil tryggja betri jarðveg fyrir
framfarir og verðmætasköpun í
Reykjavík. Það er ólíðandi þegar op-
inber kerfi hafa hamlandi áhrif á
frumkvæði og framtak. Ég vil ein-
falda stjórnsýsluna, stytta af-
greiðslufresti, fækka skrefum vegna
leyfisveitinga og tryggja rafræn um-
sóknarferli. Ég vil jafnframt að fast-
eignaskattar á atvinnuhúsnæði verði
samkeppnishæfir og aðgengi að at-
vinnulóðum betra. Frumkvæði og
framtak verða ávallt að eiga vísan
farveg í Reykjavík.
Reykjavík sem virkar
Með sjálfstæðismönnum vil ég
skapa borg sem virkar fyrir fólk og
fyrirtæki. Höfuðborg, þar sem fólk
getur leitað hamingjunnar á eigin
forsendum. Ég vil borgarumhverfi
sem setur fjölskyldur í forgang –
skóla sem mæta fjölbreyttum þörf-
um og leikskóla sem tryggja inn-
göngu strax í kjölfar fæðingarorlofs.
Ég vil velferðarþjónustu sem tryggir
rétt sérhvers einstaklings til að lifa
með reisn – og borgarumhverfi sem
laðar að sér hæfileikafólk með úrvali
atvinnutækifæra, spennandi bú-
setukostum og fjölbreyttum sam-
göngukostum. Ég vil borg sem ryður
veginn fyrir þá sem vilja sækja fram
og styður við hugmyndaauðgi og
verðmætasköpun. Höfuðborg sem
byggist á frjálsum valkostum, jöfn-
um tækifærum, frjálsu framtaki og
hagkvæmum rekstri. Ég vil lifandi
smáborg með heimsborgarhjarta –
mannvæna og blómstrandi – Reykja-
vík sem virkar.
Eftir Hildi
Björnsdóttur »Með sjálfstæðis-
mönnum vil ég
skapa borg sem virkar
fyrir fólk og fyrirtæki.
Höfuðborg, þar sem
fólk getur leitað
hamingjunnar á
eigin forsendum.
Hildur Björnsdóttir
Höfundur er borgarfulltrúi
Sjálfstæðisflokksins.
Reykjavík sem virkar