Morgunblaðið - 14.12.2021, Blaðsíða 8

8 FRÉTTIR
Innlent
MORGUNBLAÐIÐ ÞRIÐJUDAGUR 14. DESEMBER 2021
Glöggur skríbent Viðskiptablaðs
fylgist með eins og fyrri dag-
inn:
- - -
Týr tók eftir því að Gísli Marteinn
Baldursson, skemmtikraftur á
Ríkissjónvarpinu, sá nýlega ástæðu
til að hrósa sérstaklega handritshöf-
undum að bröndurum sínum í viku-
legum spjallþætti sínum.
- - -
Eins og Týr hefur áður fjallað um
er hluti þáttarins, sem sýndur
er á einum besta útsendingartíma í
línulegri dagskrá, iðulega nýttur til
að skjóta á þá sem skilgreina sig til
hægri í stjórnmálum.
- - -
Bergsteinn Sigurðsson, annar
starfsmaður RÚV, er aðalhöf-
undur og nýtur aðstoðar Gísla Mar-
teins og fjögurra annarra starfs-
manna RÚV.
- - -
Allir vita að það þarf auðvitað sex
manna teymi ríkisstarfsmanna
til að skrifa þriggja mínútna brand-
araseríu í hverri viku, sem yfirleitt
vekur mikla lukku … á twitter.“
- - -
Fjölmiðlar hafa óskað skýringa á
óskiljanlegum belgingi fjár-
austurs til „RÚV“, sem snýttur er út
úr nefi þjakaðra skattgreiðenda.
- - -
Fátt er um svör og verður ekki
betur ráðið í það en að stjórn-
málamenn sem að þessum ósköpum
koma skammist sín. Það er betra en
ekkert.
- - -
Bergsteinn, Marteinn og Stak-
steinn gætu þó deilt um það.
Pínulítil skýring
á austri peninga
STAKSTEINAR
DUXIANA Reykjavik | Ármuli 10 | Reykjavik | +354 5 68 99 50 | www.duxiana.is
GÆÐI OG ÞÆGINDI
SÍÐAN 1926
DUX 1001 - VÍÐÞEKKT ÞÆGINDI
Byggt á fyrsta DUX rúminu sem var framleitt árið 1926, þetta er sannarlega það sem draumar eru byggðir á.
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Nánast allur uppsjávarflotinn er byrjaður á loðnu-
veiðum. Skipin, um 20 talsins, voru í gær að veið-
um í tveimur hópum úti af Norðausturlandi. Erfitt
veður var á laugardag þó skipin væru að kasta og
draga flottrollið, en skaplegra vinnuveður var á
sunnudag og í gær.
Að sögn Ingimundar Ingimundarsonar, útgerð-
arstjóra uppsjávarskipa hjá Brimi hf., hafa skipin
verið að fá 100-400 tonn í holi, mest fyrri hluta
dags. Þau hafa oft fyllt sig á 4-5 dögum. Fyrir skip
Brims er 7-8 tíma sigling til hafnar á Vopnafirði.
Búið er að landa rúmlega 35 þúsund tonnum af
loðnu í haust, samkvæmt yfirliti á vef Fiskistofu,
en í hlut íslenskra skipa koma 662 þúsund tonn á
vertíðinni. Fram kom á vef Síldarvinnslunnar á
fimmtudag að þá kom Börkur NK með um 2.900
tonn til Seyðisfjarðar til vinnslu í fiskimjölsverk-
smiðjunni þar. Þá hafði loðna ekki borist þangað í
tæp fjögur ár, en 2017 tók verksmiðjan á móti
18.600 tonnum.
Hoffell SU var í gær á leið af Færeyjamiðum til
Fáskrúðsfjarðar með kolmunna. Alls er kol-
munnaafli ársins orðinn um 190 þúsund tonn.
Flest uppsjávarskipin á loðnu
- Í tveimur hópum úti
fyrir Norðausturlandi
Morgunblaðið/Börkur Kjartansson
Vertíð Venus NS á loðnuveiðum í Breiðafirði.
Helgi Ólafsson, stórmeistari í skák,
bar sigur úr býtum í Friðriksmóti
Landsbankans um helgina, sem
jafnframt er Íslandsmótið í hrað-
skák. Var þetta 18. Friðriksmótið,
kennt við Friðrik Ólafsson.
Helgi er 65 ára að aldri en á vef
Skáksambandsins, skak.is, kemur
fram að hann sé líklega sá elsti til
að verða Íslandsmeistari í skák í
opnum flokki. Þetta var í sjöunda
sinn sem Helgi sigrar í Friðriks-
mótinu en fyrst varð hann Íslands-
meistari í hraðskák árið 1974. Á
skak.is er því haldið fram að aldrei
áður hafi 47 ár liðið frá fyrstu Ís-
landsmeistaratign í opnum flokki
til síðasta sigurs.
Keppni var hörð á mótinu. Hjörv-
ar Steinn Grétarsson var efstur eft-
ir níu umferðir en Helgi sigldi fram
úr á lokasprettinum, fékk níu vinn-
inga en Hjörvar 8½.
Alls tóku 40 keppendur þátt í
mótinu en vegna samkomutak-
markana var ekki hægt að hafa það
opið. Meðal keppenda voru sjö stór-
meistarar og fimm alþjóðlegir
meistarar. Lenka Ptácníková hlaut
sérstök kvennaverðlaun mótsins.
Helgi meistari í sjö-
unda sinn og sá elsti
Ljósmynd/Skák.is – Birgir Ísleifur Gunnarsson
Sigurvegari Helgi Ólafsson með Gunnari Björnssyni hjá Skáksambandinu.