Morgunblaðið - 14.12.2021, Blaðsíða 25

Kvikmynd bosníska leikstjórans
Jasmilu Zbanic, Quo Vadis, Aida?,
hreppti Evrópsku kvikmyndaverð-
launin í ár sem besta mynd, og var
Zbanic valin besti leikstjórinn. Jasna
Duricic sem fer með aðalhlutverk
myndarinnar var valin besta leik-
konan. Kvikmyndin fjallar um mis-
heppnaðar tilraunir gæsluliðs Sam-
einuðu þjóðanna til að koma í veg
fyrir fjöldamorðin í Srebrenica í
Bosníustríðinu árið 1995.
Íslenska kvikmyndin Dýrið, eftir
leikstjórann Valdimar Jóhannsson,
var tilnefnd til nokkurra verðlauna
og hreppti ein, Peter Hjorth og
Fredrik Nord fyrir tæknibrell-
urnar.
Kvikmynd Florians Zeller, The
Father, hreppti verðlaun fyrir
besta handrit og þá fékk aðalleik-
arinn Anthony Hopkins verðlaun
fyrir bestan leik í karlhlutverki.
Hann hafði þegar hreppt Óskars-
og Baftaverðlaun fyrir leik sinn.
Evrópska kvikmyndaakademían
veitti í aðeins annað sinn sérstök
verðlaun fyrir frumlega frásagnar-
list í kvikmyndum og hlaut þau
breski leikstjórinn og myndlistar-
maðurinn Steve McQueen fyrir
Small Axe, fimm kvikmynda röð
sína um upplifanir innflytjenda frá
eyjum í Karíbahafi í Lundúnum.
Danski leikstjórinn Susanne Bier
fékk verðlaun fyrir athyglisverðan
árangur á alþjóðavettvangi með
myndir sínar og hinn níræði ung-
verski leikstjóri Márta Mészáros
fékk verðlaun fyrir ævistarfið en í
sex áratugi hefur hún bæði gert
merkar heimildarkvikmyndir um
stöðu kvenna og framsæknar leiknar
kvikmyndir. Ninja Baby var síðan
valin besta gamanmyndin og Flee
besta heimildarkvikmyndin.
Annað árið í röð voru Evrópsku
kvikmyndaverðlaunin afhent í beinni
útsendingu úr myndveri í Berlín, þar
sem aðeins tilnefndir listamenn voru
viðstaddir.
Quo Vadis, Aida? sú besta
AFP
Heiðursverðlaun Danski leikstjórinn Susanne Bier, til vinstri, tekur við
verðlæaunagrip sínum fyrir góðan árangur mynda hennar alþjóðlega.
Sagnamaður Steve McQueen fékk
verðlaun fyrir Small Axe.
- Dýrið verð-
launað fyrir
tæknibrellur
MENNING 25
MORGUNBLAÐIÐ ÞRIÐJUDAGUR 14. DESEMBER 2021
Nánari upplýsingar um sýningartíma á sambio.is
TRYGGÐU ÞÉR
MIÐA INNÁ
@CliffordMovie
CliffordMovie.com
#CliffordMovie
ÞVÍ MEIRA SEM ÞÚ ELSKAR HANN
ÞVÍ STÆRRI VERÐUR HANN.
KEMUR Í BÍÓ MEÐ ÍSLENSKU TALI
10. DESEMBER
94%
Frábær ný Fjölskyldumynd frá Disney
sýnd með Íslensku og Ensku tali
SÝNDMEÐ ÍSLENSKU, ENSKU OG PÓLSKU TALI
JÓLAMYND
Fimm glæpasögur hafa verið til-
nefndar til Blóðdropans, verðlauna
sem veitt eru fyrir bestu íslensku
glæpasöguna. Að baki verðlaun-
unum stendur Hið íslenska glæpa-
félag og segir dómnefnd að ljóst sé
að íslensk glæpasagnaritun sé í
miklum blóma. Dómnefnd Hins ís-
lenska glæpafélags las sig og hlust-
aði í gegnum þær 23 glæpasögur
sem lagðar voru fram í keppnina í
haust. „Óhjákvæmilega lentu marg-
ir eðalfínir krimmar í þeim hremm-
ingum að komast ekki á topp
fimm,“ segir í tilkynningu frá að-
standendum verðlaunanna.
Bloðdropanum hefur verið út-
hlutað síðan árið 2007 en þetta er í
fyrsta sinn sem tilkynnt er fyrir
fram hvaða sögur eru tilnefndar en
það eru Horfnar eftir Stefán Mána,
Lok, lok og læs eftir Yrsu Sigurð-
ardóttur, Farangur eftir Ragnheiði
Gestsdóttur, Náhvít jörð eftir Lilju
Sigurðardóttur og Út að drepa túr-
ista eftir Þórarin Leifsson.
Fimm bækur tilnefndar til Blóðdropans
Tilnefnd Þrír af glæpasagnahöfundunum
og útgefendur tveggja bókanna.
Bandaríski metsöluhöfundurinn Anne Rice er lát-
in, áttræð að aldri. Rice skrifaði meira en 30
skáldsögur en var hvað þekktust fyrir þá fyrstu,
Interview With the Vampire, sem kom út árið
1976. Eftir henni var seinna gerð vinsæl kvik-
mynd með Tom Cruise, Brad Pitt og Kirsten
Dunst í aðalhlutverkum.
Rice sendi alls frá sér 13 bækur um vampírur í
ritröðinni „Vampire Chronicles“ og nutu þær
mikilla vinsælda. Önnur sagnaröð Rice, Sleeping
Beauty, var með erótískum undirtóni og líka vin-
sæl, rétt eins og sögur sem hún skrifaði um Jesú
Krist og engla eftir að hún tók upp kaþólska trú.
Seinna sagði hún aftur skilið við kristni og hafn-
aði því, í nafni Krists, að vera á móti samkyn-
hneigð, femínisma og fóstureyðingum, eins og
margir landar hennar væru í nafni trúarinnar.
Vampíruhöfundurinn Anne Rice látin
Vinsæl Anne Rice skrifaði
um vampírur, erótík og engla.
Gagnrýnendur ítalska bókmennta-
tímaritsins L’indiscreto hafa birt
lista sína yfir bestu bækur í ýmsum
flokkum sem komu út þar í landi á
árinu. Á listanum yfir bestu þýddu
ljóðabækurnar er í fimmta sæti
þýðing Silviu Cosimini á ljóðasafni
Jóns Kalmans Stefánssonar, La
prima volta che il dolore mi salvóla
vita, sem kom út hér á landi í fyrra
undir heitinu Þetta voru bestu ár
ævi minnar, enda man ég ekkert
eftir þeim. Í bókinni eru fyrstu
þrjár ljóðabækur skáldsins, Með
byssuleyfi á eilífðina, Úr þotu-
hreyflum guða og Hún spurði hvað
ég tæki með mér á eyðieyju. Sú síð-
astnefnda kom út fyrir 28 árum og
sendi Jón Kal-
man ekki aftur
frá sér nýja
ljóðabók fyrr en
nú á dögunum.
Þess má geta að
bækur Jóns Kal-
mans í þýðingu
Cosimini hafa
notið mikilla vin-
sælda á Ítalíu.
Fleiri þekktir
höfundar eiga ljóðabækur á lista
tímaritsins, þar á meðal Anne Sex-
ton, Anne Carson, Margaret At-
wood og Cesar Vallejo. Í efsta sæti
listans er bók með ljóðum eftir
Thierry Metz.
Ljóð Jóns Kalmans á ítölsku á topplista
Jón Kalman
Stefánsson
Skærasta stjarna indversks arki-
tektúrs, Balkrishna Doshi, hlýtur
hin virtu bresku RIBA-arkitektúr-
verðlaun í ár fyrir „ánægjulega
nytsamlegar byggingar“, eins og
segir í texta valnefndar. Doshi
hreppti þekktustu verðlaunin í fag-
inu, Pritzker-verðlaunin, fyrir
þremur árum.
Balkrishna Doshi er orðinn 93
ára gamall en starfrækir enn öfl-
uga arkitektúrstofu í borginni Ah-
medabad. Doshi er oft sagður síð-
asta tengingin við helstu stjörnur
módernismans á fyrri hluta 20. ald-
ar en hann vann náið með bæði Le
Corbusier og Louis Kahn að hönn-
un og byggingu nokkurra þekkt-
ustu verkefna þeirra á Indlandi á
sínum tíma.
Á þeim sjö áratugum sem hann
hefur starfað að hönnun bygginga
hafa yfir eitt hundrað slíkar eftir
Doshi verið reistar, allt frá fjöl-
býlishúsum fyrir efnalítið fólk, til
opinberra skrifstofubygginga og
menningarhúsa. Byggingar hans
eru sagðar alltaf tengjast samfélag-
inu í kring og taka mið af umhverfi
og veðurfari. Þá er Doshi þekktur
fyrir að nýta sér vel þekkingu
handverksmanna á hverjum stað og
gera ráð fyrir framlagi þeirra við
hönnun húsa.
Doshi hlaut RIBA-verðlaunin
Stjarna Indverski stjörnuarkitekt-
inn Balkrishna Doshi.