Morgunblaðið - 14.12.2021, Blaðsíða 12

12 FRÉTTIR
Viðskipti | Atvinnulíf
MORGUNBLAÐIÐ ÞRIÐJUDAGUR 14. DESEMBER 2021
Löggiltur heyrnarfræðingur
Hlíðasmára 19 • 201 Kópavogur • Sími 534 9600 • heyrn.is
Hljóðmagnarar
Hljóðmagnari hentar vel þeim sem
þurfa að heyra betur og er einfaldur í
notkun. Þægilegt samskiptatæki. Með
margmiðlunarstreymi tengist hann
þráðlaust við sjónvarp og önnur tæki.
Vekjaraklukka
fyrir þá sem sofa fast eða heyra illa
Að vakna á réttum tíma hefur aldrei
verið auðveldara.
Vekur með ljósi, hjóði og/eða tirtingi
svo að maður þarf ekki að sofa yfir sig.
Verð frá
kr. 19.800
Verð frá
kr. 58.800
Þessar vörur ásamt öllum helstu
rekstrarvörum og aukahlutum fyrir
heyrnartæki fást í vefverslun
heyrn.is
14. desember 2021
Gengi Kaup Sala Mið
Dollari 131.11
Sterlingspund 173.16
Kanadadalur 103.07
Dönsk króna 19.876
Norsk króna 14.585
Sænsk króna 14.425
Svissn. franki 141.79
Japanskt jen 1.1529
SDR 183.07
Evra 147.8
Meðalgengi/Viðskiptavog þröng 179.781
« Gróa Björg Bald-
vinsdóttir, fram-
kvæmdastjóri
stjórnarhátta og
gæðamála hjá
Skeljungi, hefur
sagt upp störfum
hjá fyrirtækinu.
Þetta var tilkynnt
til Kauphallar Ís-
lands í gær. Gróa
hóf störf hjá fyrir-
tækinu árið 2017 og gegndi þar ýmsum
störfum, m.a. sem yfirlögfræðingur
þess. Árið 2019 tók hún sæti í fram-
kvæmdastjórn. Árni Pétur Jónsson, for-
stjóri Skeljungs, þakkar henni í tilkynn-
ingunni fyrir samstarfið og óskar henni
velfarnaðar á nýjum vettvangi.
Gróa Björg lætur af
störfum hjá Skeljungi
Gróa Björg
Baldvinsdóttir
STUTT
BAKSVIÐ
Þóroddur Bjarnason
tobj@mbl.is
Hugbúnaðarfyrirtækið Andes varð á
dögunum fyrsta íslenska fyrirtækið
til að fá svokallaða Advanced Part-
ner-vottun hjá AWS, skýjaþjónustu
bandaríska risafyrirtækisins Ama-
zon.
Eins og Ari Viðar Jóhannesson
framkvæmdastjóri fyrirtækisins út-
skýrir í samtali við Morgunblaðið eru
fleiri fyrirtæki með slíka vottun hér á
Íslandi, fyrirtæki eins og Crayon og
Deloitte, en þau eru ekki íslensk að
uppruna eins og Andes og vottanir
þeirra ekki fengnar hér á landi, að
sögn Ara.
Þegar Morgunblaðið ræddi við
Ara var hann nýkominn úr ferð um
landið með fulltrúum AWS sem hér
voru til að fagna samkomulaginu og
hitta viðskiptavini.
„Við erum lítið tólf manna fyrir-
tæki en erum farin að vinna mjög ná-
ið með EMEA-skrifstofum (Evrópa,
Mið-Austurlönd og Afríka) AWS í
Svíþjóð og Madríd.“
Yfirleitt mun stærri fyrirtæki
Eins og Ari útskýrir er forsagan sú
að félaginu var hleypt inn í sérstakt
prógramm á vegum AWS fyrir lítil
fyrirtæki, sem heitir Think Big Small
Business. Vottunin hafi komið upp úr
því. „Fyrirtæki sem fá svona vottun
eru yfirleitt mun stærri en við erum.“
Starfsemi Andes gengur í stuttu
máli út á að færa tölvuinnviði fyrir-
tækja og stofnana yfir í AWS-skýið,
en þar er einkum átt við gagna-
grunna og miðlara (e. servers). „Við
erum að upplifa eitt af þessum stóru
augnablikum í tæknisögunni þegar
verið er að færa tölvuinnviði úr
„kjallaranum“ og upp í skýið. Vél-
búnaður verður hugbúnaður. Allt
tölvukerfi fyrirtækis er því orðið for-
ritað og hægt er að taka það niður og
setja upp annars staðar eftir hentug-
leika og afrita mörgum sinnum.“
Stærsta þjónusta í heimi
Eins og Ari útskýrir er AWS
stærsta skýjaþjónusta í heimi. Aðrar
stórar slíkar þjónustur eru Azure-
ský Microsoft, Google Cloud og Ali
Cloud, sem er aðallega í Asíu.
„Þegar menn heyra nafnið Ama-
zon dettur þeim fyrst í hug netbóka-
búð, en staðreyndin er sú að 58% af
hagnaði Amazon koma frá AWS.
Tekjur AWS eru um 12% af tekjum
Amazon, eða 45,5 milljarðar banda-
ríkjadala af 386 milljarða dala heild-
artekjum.“
Íslenska ríkið er stór viðskiptavin-
ur Andes í gegnum verkefnið Staf-
rænt Ísland sem vinnur að margvís-
legum verkefnum sem stuðla að því
að gera opinbera þjónustu skilvirkari
og notendavænni. Þjónusta Stafræns
Íslands er einmitt komin í AWS-ský-
ið fyrir tilstilli Andes.
Meðal annarra viðskiptavina AWS
á heimsvísu er til dæmis streymis-
risinn Netflix. „Við höfum aðgang að
nákvæmlega sömu tólum og tækjum
í AWS-skýinu og Netflix til að byggja
upp tölvuinnviði fyrir Ísland.“
Auðveldara og auðveldara
Spurður hversu vel gangi að fá
fyrirtæki og stofnanir til að færa sig
yfir í skýið segir Ari að það verði æ
auðveldara. Frá því Andes var stofn-
að fyrir tveimur árum hafi orðið al-
gjör sprenging í yfirfærslu yfir í ský-
ið. „Þetta hefur gengið hraðar en ég
ímyndaði mér og sérstaklega hafa
ýmsar opinberar stofnanir verið
fljótari að færa sig yfir í skýið en ég
bjóst við.“
Um þróun í skýjaþjónustu á kom-
andi misserum segir Ari að ein breyt-
ing sé sú að skýið sé að þróast til
baka í ákveðnum skilningi. Eins kon-
ar útibú skýjaþjónustunnar getur
verið vistað hjá viðskiptavinum, sem
forriti beint inn í það. Ákveðið hag-
ræði fylgi því. Það henti líka þeim
sem vilja ekki geyma gögn sín í
gagnaverum AWS erlendis. „Þetta
er eins konar smækkuð útgáfa af
AWS í þínu eigin gagnaveri, sem er
samt sem áður tengt AWS. Þessi
möguleiki verður vonandi í boði hér á
landi fljótlega. Við erum að þrýsta á
um það.“
Færa tölvuinnviði upp úr
kjallaranum yfir í skýið
Morgunblaðið/Unnur Karen
Samstarf Nafn fyrirtækisins, Andes, dregur nafn sitt af upptökum Amazon-
fljótsins að sögn Ara Viðars Jóhannessonar framkvæmdastjóra félagsins.
Tölvukerfi
» Allt tölvukerfi fyrirtækis
orðið forritað og hægt er að
taka það niður og setja upp
annars staðar eftir hentugleika
og afrita mörgum sinnum.
» 58% af hagnaði Amazon
koma frá AWS.
» Tekjur AWS eru um 12% af
tekjum Amazon.
» Íslenska ríkið er stór við-
skiptavinur Andes í gegnum
verkefnið Stafrænt Ísland.
- Andes er fyrsta íslenska fyrirtækið með Advanced Partner-vottun frá AWS
Greining Íslandsbanka gerir ráð fyrir
að tólf mánaða verðbólga mælist 4,8%
nú í desember en Hagstofan birtir
mælingu sína fyrir mánuðinn í næstu
viku. Hagfræðideild Landsbankans
er eilítið svartsýnni og telur verðbólg-
una munu mælast 4,9%. Í síðastliðn-
um mánuði mældist verðbólgan 4,8%
og reyndist nokkuð minni en bank-
arnir höfðu gert ráð fyrir. Báðir telja
bankarnir að tólf mánaða taktur verð-
bólgunnar muni gefa eftir á komandi
mánuðum. Þannig gerir Landsbank-
inn ráð fyrir að hún muni mælast
4,5% í mars næstkomandi. Íslands-
banki gerir ráð fyrir að hún muni á
þeim tíma standa í 4,6% og að hún
verði ekki komin í markmið, þ.e. 2,5%,
fyrr en á fyrsta ársfjórðungi 2023.
Sem fyrr er það húsnæðisliður vísi-
tölu neysluverðs sem knýr vagninn
áfram og gerir Landsbankinn ráð fyr-
ir að reiknuð húsaleiga hækki um
0,79% milli mánaða. Bendir Íslands-
banki á að hún hafi hækkað um 12%
það sem af er ári. Spá Íslandsbanka
gengur út frá því að hækkunin á þess-
um lið verði 0,8% milli mánaða sem er
minni hækkun en verið hefur og spyr
bankinn sig hvort inngrip Seðlabank-
ans, bæði með vaxtahækkunum og
öðrum ákvörðunum er varða aðgengi
að lánsfé, séu farin að hafa áhrif á
íbúðamarkaðinn.
Bankana greinir á í því að Íslands-
banki telur að matar- og drykkjar-
vörur muni hækka talsvert í verði
milli mánaða eða um 0,8%. Rekur
bankinn það til heildsöluverðshækk-
ana á mjólk og mjólkurafurðum.
Landsbankinn telur hins vegar að
matur og drykkur muni lækka eilítið í
mánuðinum.
Morgunblaðið/Sigurður Bogi
Íbúðamarkaður Reiknuð húsaleiga
mun sem fyrr hafa mest áhrif.
Telja toppinum
náð nú um jólin
- Bankanir spá
tæplega 5% verð-
bólgu í desember
« Arion banki lækkaði um 2,4% í Kaup-
höll Íslands í gær. Var talsverð velta
með bréf félagsins eða 829 milljónir
króna. Bréf Íslandsbanka stóðu næst-
um í stað og nam velta með bréf hans
119 milljónum. Kvika banki lækkaði um
0,77% í 184 milljóna króna viðskiptum.
Hagar lækkuðu um 2,25% í afar tak-
mörkuðum viðskiptum og þá lækkaði
Iceland Seafood um 1,94% í mjög tak-
mörkuðum viðskiptum sömuleiðis.
Aðeins fjögur fyrirtæki hækkuðu á
markaðnum. Það voru Eimskipafélagið,
Skeljungur, Sýn og fasteignafélagið
Reitir.
Arion banki lækkaði í
ríflegum viðskiptum