Morgunblaðið - 31.12.2021, Qupperneq 36

36 MORGUNBLAÐIÐ TÍMAMÓT 31.12. 2021
JANÚAR Joseph Robinette Biden sór embættiseið 20. janúar og varð 46. forseti Bandaríkj-
anna. Þetta var fyrsta innsetningarathöfnin í Washington á tímum kórónuveirunnar.
Kórónuveirufaraldurinn varð til þess að athöfnin var fámennari en ella og viðstaddir báru
grímu fyrir vitum sér. Næstum 33,8 milljónir fylgdust með í sjónvarpi í Bandaríkjunum þegar
Kamala Devi Harris komst í sögubækurnar og varð fyrsta konan til að gegna embætti vara-
forseta. Leiðarstef athafnarinnar var þjóðareining og skoraði Biden á landa sína að snúa bök-
um saman gegn aðsteðjandi vám.
„Stjórnmál þurfa ekki að vera stjórnlaus eldur sem eyðir öllu í vegi sér,“ sagði forsetinn í
innsetningarræðunni þar sem tekið var á kórónuveirukreppunni og uppþotinu í þinghúsinu í
Washington 6. janúar.
Andrew Harnik/Pool via The New York Times
Embættistaka
án fordæma
FRÉTTAMYNDIR AF ERLENDUM VETTVANGI
JANÚAR Rússneski stjórnarand-
stæðingurinn Aleksei A. Navalní er
áberandi og hreinskiptinn gagnrýn-
andi Vladimírs Pútíns forseta Rúss-
lands. Í ágúst 2020 var Navalní hætt
kominn þegar honum var byrlað
banvænt taugaeitur, sem nefnist
Novitsjok. Hann var fluttur með flug-
vél á sjúkrahús í Þýskalandi. Hann
kenndi Kremlverjum um að hafa eitr-
að fyrir sér, en því neituðu rússnesk
stjórnvöld. 17. janúar sneri Navalní
heim til Moskvu og var samstundis
handtekinn. Hann var síðar dæmdur
í rúmlega tveggja ára fangelsi. 23.
janúar þustu tugþúsundir manna á
götur út til að mótmæla handtöku
hans. Lögregla handtók í kjölfarið
rúmlega 5.000 manns í að minnsta
kosti 85 borgum um allt Rússland.
Þetta voru mestu mótmæli í Rúss-
landi um árabil og sýna óánægjuna
sem kraumar undir niðri með stjórn-
arhætti Pútíns.Sergey Ponomarev/The New York Times
Mótmæli hrista
upp í Rússlandi
Sima Diab/The New York Times
Fast í Súesskurðinum
MARS The Ever Given, tæplega 400 metra langt japanskt flutningaskip, festist í
Súesskurðinum og varð ekki haggað í tæpa viku. Skipið skorðaðist af í skurð-
inum 23. mars í miklum sandstormi. Sjómenn og verkfræðingar unnu látlaust
við flóknar björgunaraðgerðir. Notaður var floti dráttarbáta og dæluskipa til að
flytja til 31.000 rúmmetra af eðju og sandi og að lyktum tókst að losa skipið 29.
mars. Strandið stöðvaði alþjóðlegar skipaferðir og kostaði um 10 milljarða doll-
ara (1,3 billjónir króna) í viðskiptum á dag. Atvikið undirstrikaði mikilvægi Súes-
skurðarins, sem tengir Miðjarðarhafið við Rauðahafið og er stysta sjóleiðin milli
Asíu og Evrópu. Egypsk stjórnvöld tilkynntu síðar að þau myndu láta breikka
og dýpka syðri hluta skurðarins þar sem Ever Given strandaði.
FEBRÚAR Sprengidagur er síðasti dag-
urinn fyrir föstu og er venjulega dagur
gleði og taumlausra hátíðarhalda, sér-
staklega í New Orleans þar sem notast er
við franska heitið Mardi Gras, sem þýðir
feitur þriðjudagur. Í ár féll dagurinn á 16.
febrúar og voru fagnaðarlætin með öllu
hófstilltari hætti vegna kórónuveirufarald-
ursins. Þegar opinberu göngunni í New
Orleans var aflýst voru lögð á ráðin um
hátíðahöld með nálægðartakmörkunum.
Þegar fram komu myndir af grímulausu
fólki að skemmta sér gripu borgaryfirvöld
til sinna ráða og lokuðu vínveitingastöð-
um. Árið 2020 fóru sprengidagshátíða-
höldin fram án hafta nokkrum vikum áður
en fyrsta staðfesta kórónuveirutilfellið
greindist í Louisiana. Heilbrigðissérfræð-
ingar telja að þessar fjölmennu sam-
komur hafi breytt Bourbon-stræti í heitan
reit í dreifingu kórónuveirunnar. Emily Kask/The New York Times
Öðruvísi grímur á kjötkveðjuhátíð