Saga - 2018, Blaðsíða 198

Á R S S k Ý R S L A S T J Ó R N A R S Ö G U F É L A G S
S TA R F S Á R I Ð 2 0 1 7 − 2 0 1 8
Aðalfundur Sögufélags var haldinn 31. maí 2018, og nú að vori eins
og gert er ráð fyrir í lögum félagsins. Með breyttu fyrirkomulagi á
uppgjörsári og aðalfundartíma sem samþykktur var árið 2016 er
stefnt að því að styttri tími líði frá lokum fjárhagsárs til aðalfundar,
auk þess sem ávinningur er af því að uppgjör bóka fari sem mest
fram á sama fjárhagsári og kostnaðurinn við þær verður til. Nú er
fjárhagsárið gert upp frá 1. september 2016 til 31. ágúst 2017. Skýrsla
stjórnar tekur hins vegar fram til þess tíma sem liðinn er frá síðasta
aðalfundi og er það sjö mánaða tímabil frá nóvember 2017 til maí
2018. Á næsta ári færum við aðalfundinn fyrr á vorið og nálgast þá
fjárhagsárið starfsárið enn frekar í tíma.
Stjórnarkjör
Aðalfundur fyrra árs var haldinn í Gunnarshúsi 23. nóvember 2017.
Þá var skipuð ný stjórn og skipti hún með sér verkum á fyrsta
stjórnarfundi. Undirrituð gaf kost á sér áfram sem forseti félagsins
til tveggja ára. Íris Ellenberger gaf ekki kost á sér sem gjaldkeri, en
hún hafði sinnt því starfi í tvö ár, en bauð sig fram sem meðstjórn-
andi. Gunnar Þór Bjarnason, Brynhildur Ingvarsdóttir og Örn Hrafn -
kels son gáfu kost á sér í aðalstjórn. Brynhildur tók við sem gjaldkeri
félagsins og Örn sem ritari. Sigrún Pálsdóttir, sem setið hafði í vara-
stjórn, gaf ekki kost á sér til áframhaldandi setu og voru henni
þökkuð vel unnin störf í þágu félagsins. Hjalti Hugason og Markús
Þ. Þórhallsson gáfu kost á sér í varastjórn. Sem fyrr tóku varamenn
fullan þátt í stjórnarstörfum eins og aðrir stjórnarmenn. Helga Jóna
Eiríksdóttir ritari og Sverrir Jakobsson meðstjórnandi gengu úr stjórn
eftir að hafa setið í stjórn í sex ár og voru þeim þökkuð öflug og góð
störf fyrir félagið um árabil. Skoðunarmenn félagsins gáfu áfram kost
á sér til starfa fyrir félagið, þeir Guðmundur Jónsson og Sveinn
Agnarsson. Varamaður er Gísli Gunnarsson, prófessor emeritus.
Sögufélag á fulltrúa í stjórn Sagnfræðisjóðs Björns Þorsteins -
sonar, Önnu Agnarsdóttur. Í ár var úthlutað úr sjóðnum í fyrsta sinn
í tíu ár. Var það gert á aldarafmæli Björns Þorsteinssonar, fyrrum
NÝ_Saga haust 2018 .qxp_Saga haust 2004 - NOTA 19.10.2018 18:46 Page 196