Saga - 2018, Page 200

Rekstur Sögufélags er að festa sig í sessi í Gunnarshúsi við
Dyngju veg. Áhersla hefur verið lögð á að vinna að uppbyggingu á
innra starfi félagsins. Stjórnin hefur tekið virkan þátt í rekstri félags-
ins ásamt skrifstofustjóra þess, auk þess sem leitað hefur verið til
verktaka í ýmsum málum. Verið er að þróa verkefnauppgjör ein-
stakra útgáfuverka og leggja áherslu á að styrkja fjármögnun verk-
efna áður en ráðist er í þau. Heildarsamningar voru gerðir um
prentverk til lengri tíma, auk rammasamnings um prófarkalestur og
þýðingar fyrir nokkurn hluta af útgáfu félagsins. Sömuleiðis er verið
að vinna að sambærilegum samningum um afnot af myndum til
birtingar. Síðast en ekki síst hefur verið gengið frá skriflegu verklagi
fyrir ritstjórn og útgáfu bóka sem kynnt verður á vefsíðu félagsins.
Ritrýni hefur lengi verið fastur liður í útgáfu fræðigreina í tímaritinu
Sögu, en á síðustu árum hefur ferli við ritstjórn og ritrýni einnig
verið tekið upp við útgáfu bóka. Markmið félagsins er að vanda til
verka sem frekast er unnt við alla útgáfu félagsins.
Vefsíða Sögufélags er verkefni sem er í sífelldri vinnslu. Á vor-
mánuðum var unnið við að setja inn grunnupplýsingar um félagið
og útgáfubækur þess eftir endurskipulagningu vefjarins á síðasta ári.
Hann er því kominn í loftið í fyrstu gerð nýrrar útgáfu, þó hann sé
enn í vinnslu. Eva Hrönn Guðnadóttir hannaði vefinn og Ragnar
Ragnarsson sá um tæknivinnu. kristín Svava Tómasdóttir, Rúna k.
Tetzchner og Markús Þ. Þórhallsson hafa séð um innsetningu efnis.
Auk þess hófst vinna við að finna leiðir til að efla vefinn sem vett -
vang Sögufélags á víðum grunni og verður því starfi haldið áfram á
nýju starfsári undir forystu Markúsar. En í tengslum við endur -
skoðun vefjarins var ákveðið að vefmál verði framvegis sérstaklega
á könnu eins stjórnarmanns ásamt kynningarmálum. Stefnt er að því
að vefurinn verði öflug miðstöð upplýsinga um allar bækur félagsins
frá upphafi, þar sem umfjöllun um bækur og tímarit Sögu félags úr
margs konar miðlum verður einnig safnað saman. Frétta bréf tengist
einnig vefsíðunni sem félagsmenn á póstlista fá sent og kom eitt
tölublað af rafrænu fréttabréfi Sögufélags út á þessu starfsári.
Í mars 2018 var útgáfuáætlun félagsins til fimm ára endurnýjuð og
tekur nú til útgáfuverka 2018–2022. Útgáfustefnan var einnig yfirfarin
og ný samþykkt á fundi stjórnarinnar 24. mars. Félagið hefur metnað
til að gera enn betur, gefa út eins vandaðar bækur og unnt er, taka aft-
ur upp þráðinn við þýðingar öndvegisrita ferða langa sem heimsóttu
landið á fyrri öldum og huga að mikilvægum rannsóknum á sögu
Íslands í fortíð og nútíð sem skipta máli fyrir samfélagið nú á tímum.
ársskýrsla stjórnar sögufélags198
NÝ_Saga haust 2018 .qxp_Saga haust 2004 - NOTA 19.10.2018 18:46 Page 198