Saga - 2018, Blaðsíða 201

Rekstur
Þriggja ára samningur við Mennta- og menningarmálaráðuneytið,
sem gerður var árið 2016, mun renna út á þessu ári. Unnið hefur
verið að því að gera nýjan samning sem tekið gæti við árið 2019.
Styrkur ráðuneytisins hefur skipt sköpum fyrir rekstur félagsins og
er það von okkar og trú að takast muni að koma nýjum samningi í
höfn á þessu ári svo treysta megi grundvöll starfseminnar og styrkja
einstakt framlag Sögufélags til íslenskra fræða og menningar.
Bókari félagins er Rannveig Guðmundsdóttir. Hún hefur unnið
mikið og gott starf fyrir félagið. Jón H. Skúlason endurskoðandi hef-
ur eins og fyrri ár aðstoðað við uppsetningu ársreiknings. Fram -
setningu hans hefur verið breytt á þann veg að einfaldara er nú að
fá yfirsýn yfir einstök verkefni auk þess sem almennur rekstur er
aðgreindur frá sjálfu útgáfustarfinu.
Í ágúst 2017 var Rúna k. Tetzschner ráðin sem skrifstofustjóri í
40% starf, í verkefni sem hún hefur sinnt af röggsemi. Fljótlega kom
í ljós að brýnt var að auka starfshlutfallið tímabundið og hefur hún
unnið 56% starf að meðaltali síðasta árið. Fastur opnunartími hefur
verið í Gunnarshúsi tvisvar í viku, mánudaga og þriðjudaga kl.
13−17, og stefnt er að því að halda því áfram. Félagið er einnig
komið með nýtt símanúmer, 680 7287. Dreifing bóka er nú í höndum
Sögufélags auk þess sem allar fáanlegar bækur þess má nálgast í
bókabúð Forlagsins á Fiskislóð. Vefverslun hefur einnig verið tekin
upp á síðu félagsins, www.sogufelag.is.
Bækur Sögufélags voru ekki til sölu á bókamessunni í Hörpu
fyrir jólin 2017 þar sem því fylgir nokkur kostnaður og lítið seldist
á henni árið áður. Sögufélag tók hins vegar fullan þátt í bóka mark -
aði Félags íslenskra bókaútgefenda vorið 2018, bæði í stúkubygging-
unni við Laugardalsvöll í Reykjavík 23. febrúar til 11. mars og á
Glerártorgi á Akureyri 21. mars til 3. apríl. Bóksala var með ágætum
á þessum mörkuðum, sérstaklega sunnan heiða.
Tímaritið Saga
Tímaritið Saga er flaggskip Sögufélags. Síðara hefti Sögu árið 2017
kom út 13. nóvember og fyrra hefti Sögu árið 2018 kom út 17. maí
síðastliðinn. Ritstjórar Sögu eru Erla Hulda Halldórsdóttir og Vil -
helm Vilhelmsson, en þau tóku við ritstjórn tímaritsins í ársbyrjun
2017. Með ritstjórum starfar ritnefnd sem í eiga sæti: Helgi Skúli
ársskýrsla stjórnar sögufélags 199
NÝ_Saga haust 2018 .qxp_Saga haust 2004 - NOTA 19.10.2018 18:46 Page 199