Strandapósturinn - 01.06.2019, Blaðsíða 19

18
Starf Kórs Átthagafélags Strandamanna var með hefðbundnu
sniði árið 2018. Æfingar hófust í Safnaðarsal Kópavogskirkju
sunnudaginn 14. janúar. Á dagskránni var að æfa fyrir vortónleika
og einnig fyrir söngferð til Ítalíu sem áætluð var 8. júní. Æfingar
gengu vel og vortónleikarnir voru síðan haldnir í Árbæjarkirkju
sunnudaginn 29. apríl. Má segja að þetta hafi líka verið afmælis-
veisla kórsins en kórinn fagnaði 60 ára afmæli á árinu. Í hléi var
boðið upp á veglegar afmælistertur sem bakaðar voru af nokkrum
kórfélögum.
Kórinn var stofnaður árið 1958. Helsti hvatamaður að stofnun
hans var Skeggi Samúelsson frá Miðdalsgröf og fyrsti stjórnandi
var Jón Pétur Jónsson frá Drangsnesi. Í byrjun voru helstu verk-
efni kórsins að syngja á ýmsum skemmtunum á vegum Átthaga-
félags Strandamanna. Fyrstu opinberu tónleikar kórsins voru
árið 1979 og fyrsta aðventuhátíðin var haldin 1986, og hafa þessir
tveir viðburðir fest sig í sessi sem aðalstarfsemi kórsins síðan.
6. maí söng kórinn á kaffidegi Átthagafélagsins. Eftir það var
gert hlé á æfingum hjá kórnum, en þær hófust aftur sunnudaginn
27. maí. Nú var á dagskránni að æfa fyrir söng og skemmtiferð
kórsins til Ítalíu. Þessari ferð verður síðar gerð betri skil í sérstakri
ferðasögu á öðrum stað í ritinu. Eftir heimkomu var kórinn kom-
inn í sumarfrí.
Alls fóru 62 kórfélagar og makar í ferðina til Ítalíu þann 8. júní
2018.
Gíslína V. Gunnsteinsdóttir
frá Norðurfirði
Kór
Átthagafélags
Strandamanna
árið 2018