Strandapósturinn - 01.06.2019, Blaðsíða 86

85
Sýningin Álagablettir
Sumarið 2013 unnum við feðgin að sýningu um álagabletti á
Ströndum sem sett var upp á Sauðfjársetrinu í Sævangi. Sögum
um álagabletti á Ströndum var safnað úr prentuðum heimildum
og frásögnum úr Segulbandasafni Stofnunar Árna Magnússonar
sem er aðgengilegt að stórum hluta á vefnum ismus.is. Einnig er
verulegt þjóðtrúarefni að finna í örnefnaskrám. Í framhaldinu
var gengið að álagablettunum um alla sýslu, aðstæður kannaðar
og þeir myndaðir í bak og fyrir. Sýningin sjálf er enn uppi á
sviðinu í Sævangi og samanstendur af ljósmyndum, sögum, frá-
sögnum úr segulbandasafninu, stemmningsljóðum og síðast en
ekki síst er tilbúinn álagablettur á miðju sviðinu.
Verkefnið sem átti upphaflega að vera létt og fljótunnið var
fljótt að vinda upp á sig og álagablettunum fjölgaði eftir því sem
leið á sumarið. Þegar við heimsóttum fólkið á bæjunum þar sem
þekktir álagablettir voru, var okkur oft bent á fleiri bletti. Um
marga þeirra hafa engar sagnir verið skráðar, enda var oft engin
sérstök saga sem fylgdi staðnum. Bara upplýsingar um álögin sem
hefðu aldrei verið rofin svo vitað væri. Fleiri blettir eru þekktir
eftir því sem norðar dregur í sýslunni sem kannski er afleiðing af
Sævangur.