Strandapósturinn - 01.06.2019, Blaðsíða 63

62
það gert og sáu börn Pálínu um að fara með hann norður og setja
hann á leiðið.
Enn héldu áheit að berast og sjóðurinn gildnaði sem aldrei fyrr
og árið 1990 var ákveðið að takast á við stórt verkefni en það var
að koma upp björgunarskýli í Skjaldabjarnarvík og það var eins
og búast má við töluvert átak. Sjóðurinn greiddi efniskaup en öll
vinna var unnin í sjálfboðavinnu. Ragnar Jónsson bróðir minn
tók að sér að smíða húsið og gerði hann það suður í Hafnarfirði.
Hann smíðaði einingar þannig að skrúfa mátti flekaeiningar
saman á staðnum þegar að því kæmi. Húsflekarnir voru fluttir
með Ríkisskip og settar á land í Norðurfirði og þetta sama sumar
fór sá er þetta ritar ásamt nokkrum vöskum mönnum norður í
Skjaldabjarnarvík þar sem við grófum fyrir undirstöðum og
steyptum niður stoðir sem skýlið átti að standa á.
Vorið 1991 var haft samband við landhelgisgæsluna til að kanna
hvort hægt væri að fá aðstoð hjá þeim góðu mönnum til að flytja
húsflekana norður og var vel tekið í það. Í byrjun júlí kom varð-
skipið og tók einingarnar og fengu margir að fara með þeim
norður en undirritaður fór á sinni trillu og mannskapur með.
Veðrið var eins gott og það gat verið, logn, sól og hiti. Uppsetning
Grafið fyrir undirstöðum haustið 1990.