Strandapósturinn - 01.06.2020, Blaðsíða 63

62
en sjá má þar tóftir hákarls- og fiskihjalls. Nyrst í hólmanum er hlaðinn
grjótgarður, nú hálffallinn, sem talið er að Brandur Jónsson bóndi þar á
fyrri hluta 19. aldar hafi látið hlaða. Sunnan við hann eru hreiðurstæði
fyrir æðarfugl sem Brandur mun hafa látið gera. Þau eru um 150, byggð
úr þunnum hellusteinum og þekja um 60 fermetra. Grjótgarðurinn varði
hreiðrin fyrir særoki í norðan- og norðaustan átt. Á köldum vorum og
vætusömum misfórst varpið í mörgum þeirra. Þegar mikið vatn kemst í
hreiður, yfirgefur fuglinn það og eggin fúlna fljótt. Allur dúnn var tek-
inn úr þessum hreiðrum en þegar egg brotnaði gaus upp mikil ýldufýla.
Kríuvarp var þar oft mikið, teistur urpu þar nokkrar, einnig stokkendur.
Lundinn kom ekki þangað fyrr en um miðja öldina og fjölgaði þar mikið
laust fyrir síðustu aldamót.
Broddanesey er um 900 metra löng og 200 metra breið. Hún skiptist
í Litluey og Stóruey. Litlaey er nær landi, um 300 metra norður af Bæj-
arnesi. Örnefni þar eru þessi: Litlueyjarendi heitir hóllinn á suðvesturenda
Litlueyjar. Milli eyjanna er klettabelti sem sjór fellur yfir um flæðar en
þornar um útfall. Þar heita Stillur. Vík er þar á milli eyjanna, sem liggur
til norðvesturs og mynda Stillur botn hennar. Heitir hún Kvörn. Þegar
Skvömp í Stórueyju. Ljósmynd: Sigurður Guðbrandsson