Strandapósturinn - 01.06.2020, Blaðsíða 10

9
Þá var hafinn undirbúningur að haustferð og leitað til GJ Travel um að
skipuleggja ferð fyrir félagið. Haustferðin var auglýst í febrúar. Farið var til
Þýskalands og Póllands og seldist ferðin upp á skömmum tíma. 50 manns
tóku þátt í henni. Ferðinni eru gerð góð skil í ritinu.
Fljótlega hófst undirbúningur að kaffideginum sem var laugardaginn
4. maí í veislusal Hafnarfjarðarkirkju en erfiðlega hefur gengið að fá nógu
stóran sal fyrir þann dag þar sem aðsóknin er mikil. Mættu um 200 manns
í kaffi. Viðburðurinn er hugsaður til þess að maður sé manns gaman og að
fólk hittist og spjalli saman, að hér sé um einskonar ættarmót að ræða. Því
miður gat kórinn ekki sungið eins og verið hefur en kórstjórinn og undir-
leikarinn voru upptekin. Að þessu sinni var kaffidagurinn á laugardegi þar
sem við fengum engan sal á sunnudegi. Félagi okkar Jens Magnússon kom
með nikkuna sína og tók nokkur lög. Að venju voru það félagarnir sem
komu með meðlætið með sér og þökkum við þeim fyrir allt bakkelsið sem
þeir komu með. Þannig að kaffidagurinn er í boði félagsmanna. Skemmti-
legur siður og sýnir um leið samheldni félaganna. Strandapósturinn var til
sölu á kaffideginum, bæði nýjasta bókin sem er 51. árgangur og líka eldri
blöð og söfn Stranda póstsins.
Aðalfundur félagsins var haldinn í lok kaffidagsins að venju og er það
gert til að reyna að fá fleiri til að sækja fundinn. Ein breyting var í skemmti-
nefnd þar sem Jóna Ingibjörg gaf ekki kost á sér áfram enda nóg að snúast
í Strandapóstinum. Henni var þakkað fyrir vel unnin störf. Inn í skemmti-
nefndina var kosin Svava H. Friðgeirsdóttir og var hún boðin velkomin. Þá
kom nýr formaður Kórs Átthagafélagsins, Gíslína Vilborg Gunnsteinsdóttir,
og flutti skýrslu um starfsemi kórsins.
Strandasel er bústaður félagsins og er hann alltaf vel nýttur. Sífellt er
verið að endurnýja í honum húsbúnaðinn og hefur varmadælan komið vel
út og lækkað orkukostnaðinn nokkuð. Er húsnefnd þökkuð vel unnin störf.
Kór Átthagafélags Strandamanna hélt vortónleika sína í Árbæjarkirkju
28. apríl og er að sjá að kraftur sé í kórstarfinu og ánægja mikil með kór-
stjórnendur. Þá voru aðventutónleikar í Bústaðakirkju 8. desember sl. og
voru þeir mjög vel sóttir að venju.
Loks viljum við þakka öllu því frábæra fólki sem leggur fram vinnu og
krafta til að efla starfsemi félagsins og gæða hana því lífi sem raun ber
vitni.