Strandapósturinn - 01.06.2020, Blaðsíða 144

143
fyrir hvers konar vinnu í framhaldinu. Samhliða verður upplýsingum um
myndefnið safnað og þær skráðar, hvar myndirnar eru teknar, hvenær og
hvert myndefnið er. Stundum fylgja sögur myndum sem gefa þeim aukið
gildi. Þessar sögur og upplýsingar tapast oft, vegna þess að því miður er
staðan yfirleitt sú að þegar myndir koma á söfn, er það vegna þess að
einmitt þeir sem þekktu til þeirra eru fallnir frá. Í verkefninu sem hér er
ráðist í er ætlunin að skrá upplýsingar um myndir og myndaalbúm, áður
en það er of seint. Það er til dæmis hægt að gera með því að fá albúm eða
myndasöfn lánuð í stutta stund og skanna myndirnar.
Varðveislan á myndunum verður í höndum Sauðfjársetursins sem er
menningarmiðstöð og safn sem nýtur viðurkenningar Safnaráðs. Þar er
fylgt bestu viðurkenndum aðferðum við varðveisluna. Miðlun er mikil-
vægur þáttur í verkefninu. Fyrirhugað er að miðla sem mest af myndefninu
í skráningarkerfinu Sarpi sem er opið almenningi á vefslóðinni sarpur.is.
Einnig er fyrirhugað að setja upp myndasýningar og nýta efniviðinn við
útgáfu.
Jón Jónsson þjóðfræðingur á Kirkjubóli við Steingrímsfjörð hefur yfir-
umsjón með verkefninu, fyrir hönd Rannsóknasetursins og Sauðfjárset-
ursins. Hægt er að ná sambandi við hann í síma 831-4600 og í netfanginu
jonjonsson@hi.is. Vonandi leggjast Strandamenn heima og heiman á eitt
með aðstandendum verkefnisins við að varðveita og miðla þessum merki-
lega menningararfi.
Kirkjukór Kollafjarðarneskirkju, ásamt tveimur prestum og söngmálastjóra
þjóðkirkjunnar um miðja síðustu öld. Ljósmynd: Úr safni Rósu Jónídu Benediktsdóttur frá Kirkjubóli