Bjarmi - 01.12.2016, Side 34

AUGU
FÉLAGA
MINNA
HVÍLDU
ÖLL Á MÉR.
PRESTURINN
STÓÐ YFIR
MÉR OG
FYLGDIST
EINNIG
ÁHUGA-
SAMUR MEÐ
stafrófinu voru handskrifaðir og það vafðist
fyrir mér að lesa rithöndina. Það varð til
þess að ég þurftí oft að giska á hvaða stafur
stæði á blaðinu. Enn þá erfiðara fannst mér
þó að syngja þegar textarnir voru skrifaðir
með kanji (kínverskum táknum) í þland við
hiragana. Þar sem ég var ekki viss hvernig
átti að lesa allt kanji-ið þurfi ég að sleppa
sumum orðum og taka um leið passlega
langt hlé áður en ég söng það næsta. Þá
leið mér eins og þegar ég syng „Djúp og
breið" í sunnudagaskólanum á íslandi og á
að sleppa „djúp“ eða „og“.
Svo var það eitt sinn sem sr. Asano,
presturinn í lchigaya kirkju, kom til mín og
sagði að hann þyrfti að tala við mig áður
en ég færi heim. Ég hugsaði ekki meira
um það og gleymdi mér eftir messuna við
að skreytta jólatréð í kirkjunni. Stemmingin
var notaleg og eftirvænting jólanna lá í
loftinu. Við skreyttum tréð með slaufum
og máluðum könglum sem kona úr
söfnuðinum hafði útbúið. Eftir það fórum
við upp í safnaðarheimilið og borðuðum
hádegismat saman eins og venjulega. Við
unga fólkið sátum saman og spjölluðum
eftir matinn eins og við gerðum svo oft.
Mér hálf brá þegar sr. Asano kom til mín
aftur því ég var búin að gleyma því að hann
ætlaði að tala við mig. f þetta skiptið rétti
hann mér hvítt umslag og sagði: „Þetta er
til þín.“ „Hvað er þetta?“, spurði ég hissa.
Hann sagði að það væri mitt að kömast
að því. Augu félaga minna hvíldu öll á mér.
Þresturinn stóð yfir mér og fylgdist einnig
áhugasamur með. Upp úr umslaginu tók
ég hvítt A4 blað sem hafði verið brotið í
þrennt. Á blaðið var skrifuð kveðja. Hún
var á íslensku. Ég var hissa. Hvernig stóð á
þessu? Hvaðan kom eiginlega þetta bréf?
Ég leit upp og reyndi að lesa eitthvað úr
svipbrigðum sr. Asano en hann bara brosti.
f bréfinu stóð: „Elsku Karítas. Heimurinn
er svo sannarlega lítill. Dásamlegt að fá
tækifæri til þess að senda þér kveðju.
Gangi þér sem allra best í öllu því sem þú
ert að fást við þarna í langtíburtistan. Guð
geymi þig elsku Karítas. Þín Magga Sv.“ Til
34 | bjarmi | desember20i6