Fréttablaðið - 03.02.2022, Blaðsíða 20

Sjöfn
Þórðardóttir
sjofn
@frettabladid.is
Tatiana Hallgrímsdóttir,
fyrirsæta og forstöðumaður
menningarmála hjá The
Reykjavik EDITION, er
annáluð fyrir sinn klass-
íska og vandaða fatastíl og
útgeislun. Þrátt fyrir að vera
aðeins 28 ára gömul hefur
hún komið víða við, búið og
starfaði á erlendri grundu
og komið að framleiðslu og
skipulagningu fjölda menn-
ingartengdra viðburða.
Tatiana er úr Vesturbænum í
Reykjavík og starfaði lengst af
sem fyrirsæta. „Sem fyrirsæta hef
ég starfað mest í Los Angeles þar
sem ég bjó um árabil en einn-
ig í Evrópu og Asíu. Síðustu ár
hef ég komið að framleiðslu og
skipulagningu fjölda menningar-
tengdra viðburða og í dag starfa ég
sem forstöðumaður menningar-
mála hjá The Reykjavik EDITION
og sit einnig í framkvæmdastjórn
þar. Starf mitt er margþætt en
gengur að miklu leyti út á tengsl
við skapandi greinar og menn-
ingartengda viðburði en ég vinn
náið með kynningar- og markaðs-
deild okkar og er eins konar
félagsleg brú á milli hótelsins og
borgarinnar.“
Tatiana hefur líka ástríðu fyrir
menningu og mat. „Ég hef brenn-
andi ástríðu fyrir kvikmyndum
og bókmenntum, ég er einnig
mikill matarunnandi og finnst
fátt skemmtilegra en að leita uppi
góðan mat um allan heim.“
Fær innblástur frá götutískunni í París
Ljós blússa frá Orseund Iris og buxurnar frá Cos klæða Tatiönu einstaklega vel, fáguð og virðuleg í fallegu umhverfi. FRÉTTABLAÐIÐ/VALLI
Hér er Tatiana geislandi fögur í kjól
frá Stine Goya og háum dökkum
stígvélum fvrá Stuart Weitzman.
Tatiana glæsileg í skyrtujakka frá
Farmers Market, kasmírpeysu frá Tri-
cot Paris með trefil frá As we grow.
Hér er Tatiana í skyrtu með fallegri
svartri flauelsslaufu frá Maje.
Flottir kragar og pífur
Tatiana er ávallt glæsileg þegar
kemur að klæðaburði og eftir því
er tekið hvert sem hún kemur. Hún
ber flíkurnar vel og hugsar fyrir
hverju smáatriði.
Hefur þú ávallt haft skoðun á því
hvernig fötum þú vilt klæðast?
„Ég hef alla tíð haft mikla skoðun
á því en ég fann minn takt í klæða-
burði upp úr tvítugu.“
Hvernig myndir þú lýsa fatastíl
þínum?
„Klassískur með smá 70’s glam-
rokk-ívafi.“
Þegar kemur að vali að sniðum,
er eitthvað sem heillar þig frekar
en annað?
„Ég hugsa mikið um bæði snið
og efni. Vel úthugsuð smáatriði á
klassískum flíkum eins og flottir
kragar, pífur eða síðar ermar heilla
mig mest.“
Áttu þér uppáhaldsf lík?
„Stine Goya-stjörnukjóllinn
minn er óvænt uppáhald síðari ára.
Ég keypti hann í Geysi fyrir um
fimm árum og finnst alltaf gaman
að klæðast honum.“
Áttu þér uppáhaldshönnuð?
„Ég klæðist gjarnan íslenskri
hönnun en Farmers Market og As
we grow eru þar í miklu uppáhaldi.
Ég er líka mjög hrifin af íslenska
skó- og fylgihlutamerkinu KALDA.“
Tískuvörumerki sem heilla þig
mest…
„Bella Freud, Saint Laurent,
Alexandre Vauthier, Sandro og
Maje standa alltaf fyrir sínu.“
Fylgir ekki tískustraumum
Þegar kemur að litavali, fylgir þú
tískustraumunum hverju sinni eða
áttu þér þína uppáhaldsliti sem þér
finnst klæða þig best?
„Ég fylgi ekki tískustraumum og
fæ mestan innblástur frá götutísk-
unni í París þar sem konur á öllum
aldri kunna virkilega að klæða sig.
Mér líður vel í f lestum litum en
finnst jarðlitir og dökkblátt klæða
mig best.“
Há stígvél þegar mikið stendur til
Hvernig myndir þú lýsa skótísk-
unni sem þú heillast helst af?
„Þegar kemur að skótísku
heillast ég að klassík með 70’s ívafi
líkt og í fatnaði. Há stígvél þegar
það stendur mikið til, rúskinn og
svartir lakkskór eru í uppáldi.“
Þegar þú velur fylgihluti, hvað
finnst þér vera ómissandi?
„Ég er mikið fyrir vandaðar
töskur og finnst alveg ómissandi
að eiga „statement“ tösku. Þessa
dagana er KALDA-taskan mín í
sérstöku uppáhaldi.“ ■
S Í G I L D K Á P U B Ú Ð
Skipholti 29b • Sími 551 4422 • www.laxdal.is
Laxdal er í leiðinniFylgið okkur á FB
50-70%afsláttur
StórútSala
4 kynningarblað A L LT 3. febrúar 2022 FIMMTUDAGUR