Fréttablaðið - 03.02.2022, Blaðsíða 38

Elskuleg eiginkona mín, móðir okkar,
tengdamóðir, amma og langamma,
Ingibjörg Guðmundsdóttir
lést á líknardeild Landspítalans,
mánudaginn 31. janúar síðastliðinn.
Bestu þakkir til starfsfólks krabbameins-
og líknardeildar Landspítalans.
Útförin verður auglýst síðar.
Jón Sigurðsson
Ólafía Karlsdóttir Jónas Hafsteinsson
Björn Gunnar Karlsson Íris Hulda Jónsdóttir
Auðbjörg Jónsdóttir Árni Björn Hilmarsson
Enika Hildur Jónsdóttir Guðvarður B. Pétursson
barnabörn og barnabarnabörn.
Okkar elskulega móðir, eiginkona,
tengdamóðir, amma, systir,
frænka og vinkona,
Auður Friðriksdóttir
listakona,
Kleppsvegi 140,
lést í faðmi barna sinna á Mörkinni þann 21. janúar sl.
Útförin fer fram 7. febrúar kl. 15 í Fossvogskirkju.
Sérstakar þakkir til starfsfólks Markarinnar.
Babou Alex N�dure
Fatou N�dure Ragnar Magnússon
Adama N�dure Abdou Saine
Salomon N�dure
og barnabörn.
Ástkær eiginmaður minn, faðir okkar,
tengdafaðir, afi, sonur og bróðir,
Davíð Benedikt Gíslason
lögmaður,
Fornuströnd 12, Seltjarnarnesi,
lést á heimili sínu laugardaginn 29. janúar.
Jarðarför verður auglýst síðar.
Brynhildur Þorgeirsdóttir
Eva Björk Davíðsdóttir
Þorgeir Bjarki Davíðsson Guðrún Ásgeirsdóttir
Anna Lára Davíðsdóttir Viðar Snær Viðarsson
Benedikt Arnar Davíðsson
Brynhildur Ýr Þorgeirsdóttir
Eva María Gunnarsdóttir
María Gísladóttir Einar Kristinn Hjaltested
Elskulegur faðir okkar,
tengdafaðir, afi og langafi,
Ingimar G. Jónsson
prentari,
Gullsmára 9, Kópavogi,
lést á Landspítalanum 18. janúar.
Útför hans fer fram frá Lindakirkju
fimmtudaginn 3. febrúar klukkan 15.
Streymt verður frá athöfninni á www.lindakirkja.is/utfarir/
Valgerður Ingimarsdóttir
Jón Ingimarsson Kristín Halla Traustadóttir
Eyjólfur Ingimarsson Margrét Árný Gunnarsdóttir
Guðrún H. Ingimarsdóttir Gunnar Hauksson
barnabörn og barnabarnabörn.
Merkisatburðir
1605 Víkurkirkja í Reykjavík vígð af Stefáni Jónssyni, Skál-
holtsbiskupi.
1917 Bandaríkin rifta stjórnmálasambandi við Þýskaland.
1930 Útvegsbanki Íslands tekur við af Íslandsbanka
hinum eldri.
1944 Hótel Ísland við Aðalstræti í Reykjavík brennur til
kaldra kola. Einn maður ferst í brunanum.
1959 Rokkstjörnurnar Buddy Holly, Ritchie Valens og The
Big Bopper farast í flugslysi.
1981 Litla-Brekka við Suðurgötu í Reykjavík, síðasti torf-
bær borgarinnar, er rifinn. Þar bjó Eðvarð Sigurðsson
alþingismaður.
1990 Þjóðarsáttin undirrituð.
1991 Fárviðri gengur yfir Ísland og veldur miklu eigna-
tjóni. Sterkasta vindhviða sem mælst hefur á Ís-
landi, 237 km/klst., mælist í Vestmannaeyjum.
1944 Bandarískar sveitir taka Marshall-eyjar.
Vínbúðin, sem fagnar aldar­
afmæli í dag, á sér langa og kafla­
skipta sögu.
arnartomas@frettabladid.is
„Tímamótin sækja vel að okkur, enda
ekki öll fyrirtæki og stofnanir sem
fagna aldarafmæli,” segir Sigrún Ósk
Sigurðardóttir, aðstoðarforstjóri ÁTVR,
á hundrað ára afmæli Vínbúðarinnar.
„Við fögnum, ásamt starfsfólkinu öllu,
stórum tímamótum og munum á
afmælisárinu gera ýmislegt til að minna
á afmælið.”
Þann 3. febrúar 1922 var Áfengisverzl­
un ríkisins, ÁVR, fyrst sett á laggirnar.
Þrátt fyrir að bann við áfengissölu hefði
verið lagt á hér á landi upp úr aldamót­
unum, kom í ljós að áfengi hvarf ekki úr
vörslu landsmanna, sem olli miklum
deilum á fyrri hluta aldarinnar. Í kjöl­
farið voru lög um einkasölu ríkisins sett
á árið 1921, sem veittu ríkisstjórninni
einni heimild til að f lytja inn og selja
áfengi með meira en 2,25% af vínanda.
„Í upphafi voru einungis seld spænsk
léttvín í verslununum þar sem sala á
sterku áfengi var bönnuð, en smám
saman var vöruúrvalið aukið,“ segir
Sigrún Ósk. „Það var ekki fyrr en árið
1935 sem lögunum var breytt og sala á
sterku áfengi var leyfð.“
Tóbakseinkasala ríkisins tók svo til
starfa árið 1932 en það var ekki fyrr
en árið 1961 sem fyrirtækin voru sam­
einuð undir nafni Áfengis­ og tóbaks­
verslunar ríkisins – ÁTVR.
Kaflaskil með Kringlunni
Ýmis kaflaskil hafi átt sér stað í langri
sögu Vínbúðarinnar, þar á meðal árið
1987 þegar Kringlan var fyrst opnuð.
„Þetta var fyrsta verslunin þar sem
viðskiptavinir gátu sjálfir valið vörur
úr hillunum, en áður fyrr hafði við­
skiptavinurinn þurft að standa fyrir
framan afgreiðsluborðið og biðja um
ákveðnar vörur,“ segir hún. „Það var oft
erfitt, enda ekki allir með franskan eða
þýskan framburð á hreinu. Fyrir vikið
endaði það oft með því að viðskiptavin­
urinn stundi upp við afgreiðslumann­
inn: „Láttu mig bara hafa eitthvert gott
rauðvín.““
Þá var af létting bjórbannsins árið
1989 einnig veigamikið í áfengissögu
landsins.
„Þegar banninu var aflétt 1. mars árið
1989 voru sjö tegundir bjórs í boði, en
þær eru nú 509 í versluninni Heiðrúnu,“
segir Sigrún Ósk. „Á þessum tíma urðu
viðskiptavinir meðvitaðri um vín og
vínmenningu og ÁTVR hóf að auka
vöruúrval sitt og þjónustu.“
26 milljónir lítra
Í huga almennings er Vínbúðin oftast
„Ríkið“ og árið 2000 var tekin ákvörðun
um að breyta ásýnd stofnunarinnar.
„Verslanirnar voru þá nefndar Vín­
búðirnar, nýtt merki var tekið í notkun
og í framhaldinu var yfirbragði verslana
breytt,“ segir Sigrún Ósk og nefnir sem
dæmi aukna samfélagslega ábyrgð með
aldurseftirliti.
„Það voru ekki allir viðskiptavinir
ánægðir með þá áherslubreytingu í
upphafi, en í dag þykir sjálfsagt að hafa
skilríki tilbúin þegar verslað er í Vín­
búðinni. Stefna Vínbúðanna er að vera
í hópi bestu þjónustufyrirtækja lands­
ins og fyrirmynd á sviði samfélags­
ábyrgðar.“
Á síðasta ári seldust alls 26,4 millj­
ónir lítra af áfengi í Vínbúðunum, þar
af var bjór tæplega 18,5 milljónir lítra. Á
stærsta degi ársins 2021 voru seldir 321
þúsund lítrar. Starfsfólk Vínbúðanna
er tæplega fimm hundruð talsins, þar
af um helmingur í föstu starfi, en aðrir
eru í hlutastarfi og koma að jafnaði inn
á álagstímum. n
Veigamikil verslunarsaga
Afgreiðslumaður afgreiðir viðskiptavini við Snorrabraut. Áður en Vínbúðin var opnuð í Kringlunni var áfengið afgreitt yfir borðið.
MYND/LJÓSMYNDASAFN REYKJAVÍKUR
Sigrún Ósk segir viðskiptavini Vínbúðarinnar hafa orðið mun meðvitaðri um vín og
vínmenningu í seinni tíð. MYND/LJÓSMYNDASAFN REYKJAVÍKUR
Fyrir vikið endaði það oft
með því að viðskipta-
vinurinn stundi upp við
afgreiðslumanninn:
„Láttu mig bara hafa
eitthvert gott rauðvín.“
TÍMAMÓT FRÉTTABLAÐIÐ 3. febrúar 2022 FIMMTUDAGUR