Fréttablaðið - 09.02.2022, Síða 40

frettabladid.is
550 5000
RITSTJÓRN ritstjorn@frettabladid.is
AUGLÝSINGADEILD auglysingar@frettabladid.is
PRENTUN Torg ehf.
DREIFING Póstdreifing ehf.
dreifing@postdreifing.is
Síðustu misserin hafa reynst
mörgum erfið. Einkum og sér í lagi
þeim sem eiga erfitt með að „láta
hafa vit fyrir sér“ með boðum og
bönnum sem varða þá ekki per-
sónulega heldur einkum almanna-
hagsmuni. Þetta kemur auðvitað
engum á óvart sem þekkir íslensku
þjóðina eða hefur dvalið hér á
landi lengur en í korter. Hér vitum
við almennt allt best og höfum
(meinta) reynsluþekkingu sem
einhverjir sérfræðingar eiga ekkert
í, ef sá gállinn er á okkur. Sem er
oftast.
Það hefur því komið mér
ánægjulega á óvart hversu fólk var
tilbúið til að fylgja leiðbeiningum
sérfræðinga og stjórnvalda hvað
sóttvarnir varðar. Líklega er það
vegna þess að orðið „farsótt“ var
flestum framandi og almennt
hræðumst við hið óþekkta. En ein-
mitt þess vegna hefur takmörkuð
þolinmæði fyrir leiðbeiningum
sömu yfirvalda vegna óveðurs ekki
komið á óvart. Þar er nú aldeilis
hver einasti Íslendingur sann-
færður um að hann sé á heimavelli.
Enda hafa nánast allir einhvern
tíma gengið með blauta lopavett-
linga í skólann (ekkert skutl), setið
fastir í bíl og/eða mokað sig út úr
húsi í kafaldsbyl.
En. Viðbrögð yfirvalda almanna-
varna, hvort sem um farsótt eða
aðra vá ræðir, snúast ekki um að
bregðast við þegar allt er farið í
voða. Þau byggja ekki á hinu lands-
þekkta mottói Íslendinga, „þetta
reddast“. Þau snúast um að bregð-
ast við í tíma og hindra alvarlegar
afleiðingar yfirvofandi hættu-
ástands. Í raun ættu Almannavarn-
ir að heita Forvarnir. Mælikvarði
þeirra á árangur aðgerða ætti svo
líklega að vera fjöldi Facebook-
fýlupósta og Twitter-fýlufærslna
um að þessi viðbrögð hafi nú verið
óþarfi. ■
Forvarnir
Önnu Sigrúnar
Baldursdóttur
■ Bakþankar
Vatnagörðum 14 104 Reykjavík
litrof@litrof.is 563 6000 litrof.is
UMHVERFISVÆN
PRENTUN Verslaðu á 66north.is
Fylgdu okkur á Instagram @66north