Morgunblaðið - 03.03.2022, Side 4

4
MORGUNBLAÐIÐ FIMMTUDAGUR 3. MARS 2022
Setjum
sjálfstæðis-
stefnuna
í öndvegi
4.-6. sæti
Bjarni Th.
Prófkjör Sjálfstæðisflokksins
í Garðabæ 5. mars
SÓL Í SUMAR
BÓKAÐU ALLT FRÍIÐ Á EINUM STAÐ!
ÚRVAL ÚTSÝN 585 4000 WWW.UU.IS INFO@UU.IS
ALMERÍA
FLUG OG GISTING Í 10 DAGA
FLUG Á Á OG MEÐ 6. JÚNÍ
VERÐ FRÁ
Á MANN FULLORÐNA OG 2 BÖRN
PORTÚGAL
FLUG OG GISTING Í VIKU
FLUG Á Á OG MEÐ 7. JÚNÍ
VERÐ FRÁ
Á MANN FULLORÐNA OG 2 BÖRN
INNIFALIÐ: FLUG, GISTING, INNRITAÐUR FARANGUR OG HANDFARANGUR
Jóhann Ólafsson
johann@mbl.is
„Ég er gjörsamlega svefnlaus eftir
ferðina. Í hvert skipti sem ég vakna
eftir að hafa dottið út velti ég því fyrir
mér hvort þetta hafi verið slæmur
draumur,“ segir Alexandra Andrú-
senkó sem kom til Íslands í fyrradag
frá bænum Irpen sem er um 30 kíló-
metra norðvestur af Kænugarði.
Alexandra og Svitlana Perepe-
litsía, móðir hennar, segjast heppnar
að eiga ættingja á Íslandi og að þær
hafi getað flúið stríðið í Úkraínu
ásamt þremur börnum Alexöndru.
Börnin eru þriggja, fimm og ellefu
ára. Eiginmaður hennar varð eftir en
fáir karlmenn hafa getað yfirgefið
landið eftir að Rússar réðust inn í
það.
„Hann varð eftir og sér um þá úr
fjölskyldunni sem einnig eru í Úkra-
ínu,“ segir Alexandra þar sem hún
ræðir við blaðamann á heimili mág-
konu sinnar í Barmahlíð.
Alexandra segir að hún geti ekki
hugsað núna um það hve erfitt það sé
að eiginmaður hennar hafi orðið eftir.
„Við getum ekki hugsað um einhvern
einn heldur verðum við að hugsa um
alla. Ég á marga vini og fjölskyldu í
Kænugarði, sumir gátu farið en aðrir
ekki. Þeir sem eru eftir í höfuðborg-
inni geta ekki farið því það er of
hættulegt.“
Ferðalag mæðgnanna og barnanna
Anastasíu, Platons og Arons hófst í
raun á fimmtudagsmorgun í síðustu
viku en þá um nóttina hófu Rússar
innrás í Úkraínu. „Fyrrverandi eigin-
maður minn hringdi þá í mig og sagði
mér að stríð væri hafið. Ég þyrfti að
koma mér og börnunum í öruggt
skjól undir eins,“ segir Alexandra.
Mæðgurnar og börnin áttu flug til
Egilsstaða síðdegis í gær. Alexandra
vonast til að ná eitthvað að hvílast þar
og segir að hún hafi lítið náð að hvíl-
ast síðustu vikuna. Alexandra hefur,
eins og gefur að skilja, ekki hugmynd
um það hversu lengi þær verða á Eg-
ilsstöðum enda sé engin leið að spá
um hvað gerist í Úkraínu.
„Þegar stríðið byrjaði sögðu allir
að þetta yrði einn dagur og svo yrðu
málin rædd. Svo urðu það tveir dagar
og þrír dagar. Þetta er ekki í lagi og
enginn veit hvenær þessu lýkur en
innrásin virðist grimmilegri eftir því
sem á líður.“
Hún segir anda Úkraínumanna
sterkan og ekki komi til greina að
gefa öðru landi þeirra landsvæði. „Við
viljum ekki vera hluti af Rússlandi.
Úkraína er sjálfstætt ríki,“ segir
Alexandra sem er ekki í vafa um
hvernig stríðið endi: „Þetta endar
þannig að við vinnum.“
Hún vonast til að hægt verði að
snúa aftur heim einn daginn en bend-
ir á að þegar það verði muni taka
langan tíma að laga það sem Rússar
hafi rústað. „Við viljum bara búa í
friði og ró,“ segir Alexandra sem ætl-
ar að hjálpa samlöndum sínum í
heimalandinu eins og hægt er næstu
daga og vikur með því að senda þeim
peninga, lyf og fleira. Við komuna til
Egilsstaða býst hún við því að börnin
fari í leikskóla og skóla, strákarnir í
leikskóla og Anastasia í 5. bekk.
Lengri útgáfu af viðtalinu má finna
á mbl.is.
Morgunblaðið/Kristinn Magnússon
Flóttamenn Mæðgurnar Alexandra Andrúsenkó og Svitlana Perepelitsía ásamt þremur börnum Alexöndru.
Vonast til að geta
snúið aftur heim síðar
- „Við viljum bara búa í friði og ró,“ segir kona frá Úkraínu
Sigurður Bogi Sævarsson
sbs@mbl.is
„Áhrifin af stríðinu í Úkraínu á ferða-
þjónustu á Íslandi verða margvísleg.
Að Rússar komi ekki hingað sem
ferðamenn er þó minnsta vanda-
málið,“ segir Skarphéðinn Berg
Steinarsson ferðamálastjóri. Árið
2019 komu 16.500 Rússar til landsins,
þegar heildarfjöldi ferðamanna sem
hingað komu var liðlega tvær millj-
ónir.
„Ferðamenn frá Rússlandi sem
hingað koma eru ekki svo margir að
þungt vegi, þó vissulega telji þetta
allt. Sumir þessara Rússa hafa vissu-
lega eytt talsverðum fjármunum hér,
en þeir sem veitt hafa þeim þjónustu
hafa þá á móti þurft að kosta tals-
verðu til. Í öðrum löndum þangað
sem Rússar hafa í talsverðum mæli
sótt sem ferðamenn gætu áhrifin orð-
ið talsverð, svo sem í Frakklandi og
Finnlandi. Í stóra samhenginu má þó
tiltaka að stríðið mun leiða til hærra
olíuverðs, meiri verðbólgu og vænt-
anlega minni ferðavilja. Í hugum
marga Bandaríkjamanna og Asíubúa
er nú háð styrjöld í miðri Evrópu og
eðlilega ferðast fólk síður á slíkar
slóðir,“ segir ferðamálastjóri.
Þá er þekkt að rússneskir ólígark-
ar, en svo eru auðmenn þar í landi
gjarnan kallaðir, halda sig mikið í
smáríkinu Mónakó sem liggur að
Miðjarðarhafi í frönsku ríveríunni.
Þar eiga ólígarkarnir gjarnan lúxus-
íbúðir og í höfn eru dýrar lúxus-
snekkjur, en slíkar hafa stundum sést
hér við land.
Hugsanlega erfiðara
að fá starfsfólk
Í miklum umsvifum í íslenskri
ferðaþjónustu fram að Covid-
tímanum var starfsemi margra
fyrirtækja mönnuð með erlendu
starfsfólki. Margir komu til dæmis
frá Eystrasaltslöndunum, Póllandi,
Búlgaríu og Tékklandi; þá gjarnan
fólk á aldrinum milli tvítugs og fer-
tugs sem staldraði við og starfaði á
Íslandi í nokkra mánuði. „Núna er
ferðaþjónustan á Íslandi aftur að
komast í gang og þá þarf fólk í hin
ýmsu störf. Stríðsátök í Úkraínu
gætu dregið úr ferðavilja í löndum
Austur-Evrópu og fólk sem þarna
býr gæti viljað fara til annarra landa í
atvinnuleit. Að fá starfsfólk í greinina
gæti því orðið talsverð áskorun á
næstunni,“ segir Skarphéðinn.
Óljóst með efnafólk
Jóhannes Stefánsson veit-
ingamaður, löngum kenndur við
Múlakaffi, hefur meðal annars sinnt
ferðaþjónustu við Rússa sem koma
hingað til lands. Þar á gjarnan í hlut
vel borgandi efnafólk sem meðal ann-
ars hefur verið í lúxusgistingu sem
Jóhannes hefur yfir að ráða austur í
Biskupstungum. Fleiri í ferðaþjón-
ustu hafa sinnt þessum markhópi,
sem þiggur ýmsan viðurgjörning.
„Á þessari stundu er erfitt að svara
því til hver verða áhrifin af lokun
Rússlands á þá starfsemi sem ég er
með. Þetta gæti skýrst eftir um það
bil mánuð eða svo. Á þessari stundu
lítur þetta samt ekkert vel út,“ segir
Jóhannes Stefánsson.
Stríð mun snerta
ferðaþjónustuna
- Engir Rússar - Ferðaviljinn minni
Morgunblaðið/Árni Sæberg
Túristar Ljóst þykir að stríðið í Úkraínu muni bíta ferðaþjónustu á Íslandi
með ýmsu móti. Engir Rússar á ferð, en fyrst og fremst efnahagsleg áhrif.
Jóhannes
Stefánsson
Skarphéðinn Berg
Steinsson
Íslensk stjórnvöld munu taka á móti
flóttafólki frá Úkraínu, að sögn Stef-
áns Vagns Stefánssonar, formanns
flóttamannanefndar. Nefndin
fundaði í gær og var sú ákvörðun þá
tekin, en lögð hafi verið áhersla á að
ganga í takt við aðrar Evrópuþjóðir.
Ekki hafi hins vegar verið tekin
ákvörðun um það ennþá hve mörg-
um verður tekið á móti.
Alls hafa 30 flóttamenn frá Úkra-
ínu sótt um alþjóðlega vernd hér á
landi vegna innrásar Rússa, að sögn
Þórhildar Hagalín, upplýsingafull-
trúa Útlendingastofnunar. Aðspurð
segir hún útlit fyrir að meirihluti
umsækjenda séu konur og börn.
Þórhildur segist ekki geta sagt til
um hvort fólkið fái skjótari meðferð
á sínum málum vegna aðstæðna en
Úkraína hafi verið tekin af lista yfir
örugg ríki um leið og átökin hófust.
Jón Pétur Jónsson, sviðsstjóri
landamærasviðs ríkislögreglustjóra,
segir meirihluta fólksins hafa ein-
hver tengsl við Ísland. Allur gangur
sé á því hvar fólk gefi sig fram. Sum-
ir hafi gefið sig fram við lögreglu á
flugvellinum.
30 hafa sótt
um vernd hér
Stríð í Evrópu