Morgunblaðið - 03.03.2022, Page 47

MORGUNBLAÐIÐ FIMMTUDAGUR 3. MARS 2022
Tónlist
fyrir sálina
Matur
fyrir líkamann
Aðalstræti 2 | s. 558 0000
Lifandi píanótónlist
öll kvöld
Opnunartími
Mán.–Fös. 11:30–14:30
Öll kvöld 17:00–23:00
Borðapantanir á matarkjallarinn.is
eða í síma 558 0000
Þóra Kolbrá Sigurðardóttir
thora@mbl.is
Sara á langan og litríkan feril að baki og hefur
hönnun hennar vakið verðskuldaða athygli. „Ég
hanna rými, oftast fyrir fyrirtæki en stundum
líka fyrir einstaklinga. Ég hef hannað ýmiss
konar rými svo sem skrifstofuhúsnæði, hótel,
verslun, kaffihús og bakarí. Ég kem yfirleitt
snemma inn í ferlið og tek þá þátt í þróun á
konsepti þess staðar sem um ræðir. Ég hanna
stundum frá grunni en hef líka tekið að mér ráð-
gjöf og endurbætur á rýmum sem á að þróa í
nýja átt. Hygge var að vissu leyti þess háttar
verkefni, segir Sara aðspurð.
„Elías Guðmundsson og Viggó Vigfússon
nálguðust mig með hugmyndina. Þeir vildu opna
huggulegt kaffihús og svokallað micro-bakarí
þar sem allt bakkelsi er bakað á staðnum. Svolít-
ið dönsk stemning eins og nafnið gefur til kynna.
Rýmið hafði verið hannað um leið og hótelið og
veitingastaðurinn Héðinn svo grunnurinn var til
staðar. Í samtalinu fundum við hins vegar strax
að Hygge þyrfti annað andrúmsloft og stemn-
ingu. Þar er ekki hátt til lofts og vítt til veggja
eins og í hinum rýmum húsnæðisins og mér
fannst því áhugavert að draga fram lágstemmda
kósístemningu með hlýjum litum, náttúrulegum
efnum, og lýsingunni sem er dempuð og afmörk-
uð við hvert borð.“
Hvaða efni varst þú helst að nota?
Stutta svarið er: efni úr náttúrunni. Gólfefnið
er linoleum, afgreiðsluborðið traventino steinn,
borðplötur, hillur og bekkir úr olíuborinni litaðri
eik og ljósin úr leir.
Hvaðan eru húsgögnin?
Sófastóla fékk ég frá Húsgagnahöllinni, teppi
frá Epal, en annað er að mestu leyti sérsmíði.
Afgreiðsluborðið og allt timburverk er unnið af
fyrirtækinu Viðhald og nýsmíði. Stólarnir sem
eru frá 366 Concept voru til staðar og grunnur
að bekkjum, sem við tókum í yfirhalningu sem
hentaði nýrri stemningu betur.
Hvaðan eru ljósin?
Ljósin og leirtau eru frá Birgitte Munch
Ceramics. Ég var með ákveðnar hugmyndir um
form og liti og vildi að yfirbragðið væri lífrænt
og handgert, sem það vissulega er. Birgitte tók
hugmyndirnar áfram og þróaði blöndun úr ís-
lenskum leir og gerði ólíkar glerungaprufur.
Hún vann þetta allt í stúdíóinu sínu á Korpúlfs-
stöðum en hvert einasta ljós er rennt og hún
handgerði bollana. Hver hlutur er því einstakur.
Hvert var markmiðið?
Markmiðið var að gera notalegan og stæla-
lausan stað þar sem gott er að vera.
Huggulegheit í Héðinshúsinu
Kaffihúsið og micro-bakaríið Hygge var opnað í Héðinshúsinu á dögunum og hefur vakið verðskuldaða athygli fyrir fram-
úrskarandi veitingar, forkunnarfagra hönnun og notalegt andrúmsloft. Rýmið þykir einstaklega vel heppnað en það er Sara
Jónsdóttir sem hefur veg og vanda af henni og þykir útkoman hafa heppnast einstaklega vel.
Hyggelegt Ljósmyndaverkið er eftir Valtý Pjetur Daregard og setur sterkan svip á staðinn en hönnun staðarins hefur hlotið mikið lof og þykir afar vel heppnuð.
Sara starfar bæði sem hönnuður og ráðgjafi undir nafn-
inu Stormandi. Hún er með fjölbreyttan bakgrunn og tek-
ur að sér ólík verkefni sem í dag snúa mest að hönnun.
Hún er menntuð í viðskipta- og markaðsfræðum en hefur
lengstan hluta ferils síns starfað innan skapandi geirans,
meðal annars sem stjórnandi HönnunarMars og í auglýs-
ingabransanum. Hún setti á laggirnar kvikmyndahátíð
og stýrir verkefnum, sýningum og viðburðum.
Auk þess að sinna hönnunarverkefnum í dag er hún í
samstarfi við Maríu Kristínu Jónsdóttur að setja á lagg-
irnar frumkvöðlafyrirtækið On to Something þar sem
þær ætla að láta til sín taka við eflingu hringrás-
arhagkerfisins.
Meðal verkefna Söru: Brauð & Co bakaríin, Mánabar,
græna herbergi og önnur starfsmannarými í Þjóðleik-
húsinu, Súpa, Intenta, KEX hostel, Lemon, Jónsson & Le-
macks, Íslenskir Fjallaleiðsögumenn og Kaupmaðurinn.
Auk þess hefur hún hannað húsgögn og innréttingar,
stýrt viðburðum og verið sýningarstjóri, meðal annars
sýningar á síðastliðnu ári um Ástu Sigurðardóttur sem
sett var upp samhliða leikverkinu Ástu í Þjóðleikhúsinu
og Fylgið okkur, sýning um íslenska hönnun í Gerð-
arsafni.
Sara Jónsdóttir
Ljósmynd/Saga Sig