Morgunblaðið - 25.03.2022, Blaðsíða 14

14
MORGUNBLAÐIÐ FÖSTUDAGUR 25. MARS 2022
Morgunblaðið/Sigurður Bogi
Fjallabyggð
Fjallabyggð nyrst á Tröllaskaga er aðskilin af fjöllum og fjörðum, en samtengd með göng-
um. Siglufjörður og Ólafsfjörður eru enn hvor sitt plássið með eilítið ólíkum áskorunum,
en samgangurinn og samvinnan hafa aukist mikið og rígurinn ekki sá sem hann var.
2022 SVEITARSTJÓRNAKOSNINGAR
Andrés Magnússon
Stefán E. Stefánsson
Eftir því sem skólastarfið tvinnast
meira saman milli Ólafsfjarðar og
Siglufjarðar dregur úr þeim gamla
ríg sem lengi hefur verið uppi milli
byggðarlaganna. Þetta staðfesta þau
Guðrún Árnadóttir og Hrólfur Bald-
ursson. Við tókum hús á þeim á rak-
arastofu Hrólfs sem staðsett er í
gömlu „Kommahöllinni“ en þar held-
ur hann ekki aðeins úti hár-
snyrtiþjónustu heldur einnig
skemmtilegum bar sem skartar
minningarbrotum frá bænum og
einnig úr rokksögu 20. aldar.
Með mörg járn í eldinum
Guðrún hefur alið manninn á
Siglufirði í áratugi en Hrólfur fluttist
aftur heim árið 2013. Hann við-
urkennir að barinn hafi orðið að veru-
leika vegna þess að ekki var nóg að
gera á rakarastofunni. Hann segir þó
að Héðinsfjarðargöngin hafi sannað
sig og samgangurinn milli bæjanna.
„Rakarastofan væri sennilega ekki
nema 50% starf ef ekki væri fyrir alla
viðskiptavinina frá Ólafsfirði,“ segir
hann.
Mikil uppbygging hefur átt sér
stað á Siglufirði á síðustu árum og
hefur kveðið nokkuð að því að Ólafs-
firðingum þyki misjafnlega gefið í
þeim efnum. Guðrún segir að þar hafi
uppbygging á vegum Róberts Guð-
finnssonar skipt sköpum en hann
hefur lagt gríðarlegt fjármagn í hót-
eluppbyggingu en einnig framþróun
skíðasvæðis og golfvallar, auk veit-
ingahúss á hafnarsvæðinu.Guðrún
segir að húsnæðismarkaðurinn hafi
verið á uppleið og að í raun vanti
íbúðarhúsnæði. Það skýrist þó ekki
síst af því að eldra fólk sé fast í
stórum húsum en finni ekki minna
húsnæði við hæfi. Hún tekur dæmi af
sjálfri sér og eiginmanni sínum í
þeim efnum. Telur hún að bú-
setumöguleikar sem í boði séu séu
orðnir barn síns tíma og að ráðast
þurfi í uppbyggingu.
Óhagnaðardrifin uppbygging
Hrólfur tekur undir það og segir
að besta lausnin væri að óhagn-
aðardrifin uppbygging fyrir eldri
borgara myndi skipta miklu máli.
Ekki sé vandamál með að fá verktaka
til starfa í Fjallabyggð, ólíkt því sem
víða annars staðar hefur heyrst.
Á síðustu árum hefur mikið kveðið
að því að aðkomufólk kaupi gömul
hús í bænum og geri upp sem sum-
arhús. Guðrún segir of mikið hafa
gerst af því og húsin nýtist ekki fólki
sem dvelji yfir árið á Siglufirði.
Hrólfur fagnar hins vegar uppbygg-
ingunni og segir að verðmætum hafi
verið bjargað með þessari þróun.
Húsin hefðu að öðrum kosti grotnað
niður.
Úr mörgu að velja
Hann segir að hann hafi flust til
Siglufjarðar að nýju, m.a. til þess að
börnin hans fengju að kynnast betur
forfeðrum sínum og formæðrum á
svæðinu. Hann segir gott að ala börn
upp á svæðinu. Þau komist ársgömul
á leikskóla og þá sé í raun vand-
kvæðum bundið að takmarka íþrótta-
iðkun barna sem hafi úr fjölmörgum
íþróttagreinum að velja.
Enn rígur milli bæjanna tveggja
- Fjölga þarf búsetumöguleikum eldri borgara - Meira jafnvægi mætti vera í uppbyggingu milli
Siglufjarðar og Ólafsfjarðar - Gott að ala upp börn á svæðinu - Fjölbreytt íþróttaiðkun fyrir alla
Morgunblaðið/Brynjólfur Löve
Rokk Rakarastofa Hrólfs er hrein undraveröld og þar settumst við niður
ásamt honum og Guðrúnu Árnadóttur og ræddum málefni Fjallabyggðar.