Fréttabréf Siglfirðingafélagsins í Reykjavík og nágrenni - mai 2020, Síða 4

4
Karlakórinn Vísir til Cannes
í svarthvítu og lit!
Theódór Júlíusson:
Fyrir jólin árið 1966 kom út platan
„Þótt þú langförull legðir“ með karla-
kórnum Vísi og var það söluhæsta plat-
an árið 1967 með 3500 seld eintök.
Þetta varð tilefni langferðar kórsins til
Cannes þar sem honum var boðið á
tónlistarhátíð til að flytja atriði og veita
viðtöku verðlaunum frá alþjóðlegum
samtökum hljómplötuútgefenda.
Ég kom í kórinn árið 1967 og var
settur í 2. tenór eftir söngprufu hjá
stjórnanda kórsins Gerhard Schmidt.
Í öðrum tenór voru fyrir mjög góðir
söngmenn sem tóku mér afskaplega
vel, t.d. Bjarni Þorgeirs, Baldvin bróðir
minn og Sveinbjörn Tómasson.
(Diddi). En það voru þeir Skarpi
Björns og Tommi Jóhanns sem tóku
mig undir sinn verndarvæng og voru
mér sérlega hjálplegir, t.d. á raddæfing-
um þegar ég var að stíga mín fyrstu
skref í kórnum.
Í Vísi voru á þessum tíma um 50
manns. Í byrjun desember 1967 kom
Cannes ferðin fyrst til umræðu þegar til-
kynnt var að kórnum hefði verið boðið
til tónlistarhátíðar sem halda átti á veg-
um alþjóðasambands hljómplötuútgef-
enda í janúar 1968. Um þetta boð
sköpuðust miklar umræður meðal kór-
félaga en það þurfti snör handtök því
undirbúningstími var ekki mikill. Til
að fá niðurstöðu í málið, hvort þiggja
ætti boðið, var haldinn fundur í Borgar-
kaffi þar sem fram fór atkvæðagreiðsla
meðal kórfélaga. Úrslitin urðu að boðið
var þegið.
Mikill spenningur var meðal kórfélaga,
og reyndar allra bæjarbúa. Ég hafði t.d.
aldrei komið til útlanda og þannig var
um fleiri. Okkur þótti þetta auðvitað
mikill heiður. Aðfararnótt sunnudags
21. janúar var lagt af stað í ferðina. Farið
var með rútu til Sauðárkróks þar sem
flugvél frá Loftleiðum beið hópsins á
sunnudagsmorgni. Leiðindaveður var
þessa nótt, norðanhríð, og þurftum við
einhverja hjálp á leiðinni upp á Krók en
allt hafðist og kórinn var lagður af stað
milli kl. 8 og 9 áleiðis til Frakklands,
með smá viðkomu í Keflavík. Ekki man
ég svo afskaplega mikið eftir flugferðinni
enda allir fullir tilhlökkunar. Ég held að
ferðalagið hafi tekið 10 til 12 klukkutíma.
Með okkur voru nokkrir gestir, fimm
eða sex manns, sem keyptu sér far með
kórnum í ferðina og var einn af þeim
minn góði vinur Árni Jörgensen.
Það sem ég man einna best við ferðalagið
sjálft var að þegar við stigum út úr flug-
vélinni á flugvellinum í Nice mætti okkur
20 stiga hiti. Það var dásamlegt.
Við gistum á tveimur hótelum í Nice
sem voru mjög nálægt hvort öðru, bara
nokkurra mínútna gangur á milli þeirra.
Annað var gamalt hótel en mjög gott,
hitt var tiltölulega nýtt og miklu stærra.
Við Baldvin bróðir vorum settir saman
í herbergi á gamla hótelinu. Prógrammið
fram að því að kórinn kæmi fram á þess-
um stóru tónleikum, 27. janúar var
þannig að á hverjum morgni eftir morgun-
verð var klukkutíma æfing á veitingastað