Fréttabréf Siglfirðingafélagsins í Reykjavík og nágrenni - maí 2020, Blaðsíða 21

21
Stofnfundur skíðafélags á Siglufirði
var haldinn 8. febrúar 1920 og
fagnar félagið því 100 ára afmæli á
árinu. Félagið fékk nafnið Skíða-
félag Siglufjarðar. Fyrsti formaður
þess var Sóphus Árnason og með
honum í stjórn voru Andrés Hafliða-
son og Ole Tynes. Á þessum tíma
flutti Ole inn skíðabúnað og seldi
á vægu verði og þetta ár dvaldi hjá
honum norskur maður að nafni
Edvin Johansen sem kenndi heima-
mönnum skíðastökk.
Fyrsta skíðamót félagsins var haldið
29. mars á stofnári þess. Keppt var
í þremur greinum; kappgöngu frá
Prestsetrinu á Hvanneyri og fram
að Steinaflötum og til baka, ca. 7
km, hindrunarlausu brekkurennsli
frá Hvanneyrardalsbrún og niður á
jafnsléttu, og í brekku með loft-
stökki, þar sem Norðmaðurinn
Edvin Johansen stökk lengst 14.60
metra og fékk fyrir það aukaverð-
laun frá O. Tynes. Greinargerð og
úrslit mótsins voru birt í blaðinu
Fram þann 3. apríl. Sigurvegarar
fengu „ágrafna peninga“ í hverjum
aldursflokki, eins og sagt var frá í
blaðinu.
Í lok frásagnarinnar í blaðinu sagði:
"..... með góðri æfingu munu margir
af þessum mönnum þó gjöra mikið
betur næsta ár, svo vel, að Siglufirði
ætti þá að vera vorkunnarlaust að
standa fremst í röðinni með skíða-
menn landsins."
Á fyrstu árum félagsins voru árlega
haldin fjölmörg skíðamót og tekið
er fram í heimildum að strax á öðru
ári félagsins hafi stúlkur tekið þátt
í skíðamótum.
Sex árum eftir stofnun félagsins eða
árið 1926 dofnaði nokkuð yfir
skíðaíþróttinni en árið 1931 lifnaði
yfir henni á ný og þá hófst blóma-
Skíðafélagið á Siglufirði 100 ára
skeið sem að mestu má rekja til for-
göngu Guðmundar Skarphéðins-
sonar skólastjóra. Árið 1932 byggði
félagið skíðaskála sem bætti aðstöðu
skíðaiðkenda. Félagið fékk til sín
norskan skíðakennara, Helge Torvö,
sem kenndi bæði drengjum og -
skíðastökk, þar á meðal föðursystur
minni Unni Möller sem vann skíða-
stökkkeppni árið 1931. Strax á
þessum árum fór hróður siglfirskra
skíðamanna út um allt land svo eftir
var tekið og náði kannski hámarki
á Thulemótunum sem vikið verður
að síðar.
Félagið klofnar
Árið 1936 sögðu nokkrir félagar
Skíðafélags Siglufjarðar sig úr hinu
16 ára gamla félagi og stofnuðu
nýtt félag sem hlaut nafnið Skíða-
félagið Siglfirðingur. Félagið byggði
sama ár skíðaskála sem nefndur var
Skíðaborg. Kraftmikið skíðafólk þá
strax.
Fyrsti formaður þessa félags var líka
Sóphus Árnason.
Bæði félögin störfuðu óslitið til árs-
ins 1951. Krafturinn og metnaður-
inn var mikill þessi ár og mikil
keppni milli félaganna tveggja og
ekki er nokkur vafi á að það efldi
bæði keppnisanda og keppnisskap.
En á sama tíma var þetta óheppilegt,
til dæmis þegar verið var að senda
keppendur á mót og sumir kepptu
fyrir Skíðafélag Siglufjarðar og aðrir
fyrir Skíðafélagið Siglfirðing.
Eitt atvik sýnir vel kriturnar milli
félaganna á þessum tíma. Þannig
var að Skíðafélagið Siglfirðingur
hélt stökkkeppni við skíðaskála sinn,
en á sama tíma hélt hitt félagið
skíðagöngumót og lagði brautina
m.a. yfir frárennslið frá skíðastökk-
brautinni!
Félögin tvö sendu ávallt lið sín á svo-
kallað Thulemót í Reykjavík, fyrst
1937, og skiptust á að vinna mótið.
Í stöðunni 2-2 var komið að úrslita-
keppninni því það lið sem vann
bikarinn þrisvar alls vann hann til
eignar, og það kom í hlut gamla
félagsins árið 1943, á síðasta Thule-
mótinu.
Það er merkilegt að skoða myndir
frá þessum mótum og Siglfirðing-
ana í báðum félögunum.
Eitt af þremur jólakortum sem Ragnar Páll Einarsson listmálari
gerði fyrir Skíðafélagið og sýnir Skarphéðin Guðmundsson.