Fréttabréf Siglfirðingafélagsins í Reykjavík og nágrenni - okt. 2020, Blaðsíða 29

Siglfirðingablaðið 29
„Með umsögn þessari vilja undirritaðir óska eftir því og
hvetja háttvirta umhverfis- og samgöngunefnd sem og
Alþingi til þess að setja jarðgöng milli Siglufjarðar og
Fljóta á stefnumarkandi og endurskoðaða samgöngu-
áætlun áranna 2020-2034 og fjárveitingu til að hefja
allar nauðsynlegar undirbúningsrannsóknir sem allra
fyrst á aðgerðaáætlun 2020-2024.“
Það er skemmst frá því að segja að við samþykkt
Samgönguáætlunar á Alþingi þá eru göngin milli
Siglufjarðar og Fljóta þar, og fjárveiting sett á hverju
ári næstu ár til frekari undirbúnings og rannsókna á
þeim, ásamt fleiri jarðgangakostum.
Næstu skref
Á dagskrá er að efna til opins íbúa- og kynningar-
fundar m.a. með fulltrúum Vegagerðarinnar
og ýmissa fyrirtækja og félagasamtaka þar sem
almenn kynning mun fara fram og umræður um
þessar nauðsynlegu vegabætur. Unnið er að því að
tryggja frekari jarðfræðirannsóknir, sérstaklega um
hugsanlegt vegastæði bæði í Hólsdal og í Fljótum
svo og skoðun á bestu legu vegarins, en undirritaðir
eru á þeirri skoðun að vegurinn eigi að liggja fram
Hólsdal austan Hólsár og þvera hana sunnan
við grínið á 3. braut golfvallarins og koma niður
Fljótamegin Ketilásmegin við Lambanesásinn til að
losna við þann erfiða vegakafla.
Svo er það bara ein spurning í lokin:
Hvenær verða þessi göng opnuð?
Kristján L Möller fyrrv bæjarfulltrúi, alþingismaður og ráðherra
Ólafur H Kárason byggingameistari og aðstoðarverslunarstjóri
Aðalfundur
Siglfirðinga-
félagsins
Aðalfundur Siglfirðingafélagsins verður haldinn fimmtudaginn 29. október nk.
í Safnaðarheimili Bústaðakirkju við Tunguveg (Bústaðaveg).
Fundurinn hefst stundvíslega kl. 20.00.
Venjuleg aðalfundarstörf.
Kaffi og léttar veitingar.
Næg bílastæði
Við hvetjum alla velunnara Siglfirðingafélagsins til að mæta á fundinn.
STJÓRN SIGLFIRÐINGAFÉLAGSINS
TAKTU FRÁ29O K T Ó B E R
O K TVegna hertra sóttvarnareglna
gæti fundinum verið frestað!
Fylgist með á Facebook-
síðu félagsins