Fréttabréf Siglfirðingafélagsins í Reykjavík og nágrenni - May 2019, Page 2

Siglfirðingablaðið2
Ágætu Siglfirðingar!
Í blaðinu sem þú hefur nú
í höndunum rabbar Jóna
Möller við nokkra siglfirska
krakka úr árgangi 1961. Þrjár
kvennanna af þeim 29 sem
fæddust þá hafa náð þeim
einstaka árangri að gegna embættum sem aldrei áður
hafa verið skipaðar konum hér á landi.
Alma D. Möller er fyrsta konan í embætti Land­
læknis í 258 ára sögu þess. Hún var líka fyrsta konan
í Þyrlusveit lækna hjá Landhelgisgæslunni árið 1990.
Arnfríður Guðmundsdóttir er fyrsta konan til að
gegna prófessorsembætti við elstu deild Háskóla
Íslands, Guðfræðideildina, sem varð til með stofnun
Prestaskólans árið 1847.
Líney Halldórsdóttir er fyrsta konan til að gegna
embætti framkvæmdastjóra ÍSÍ, frá 1912.
Þær þurftu ekki langt að fara til að finna fyrir­
myndir. Siglfirskar konur stóðu vaktina og auka­
vaktina líka við að koma silfri hafsins í tunnur.
Skólabróðir þeirra, Lárus Blöndal forseti ÍSÍ sést
og heyrist oftar en margur annar í fjölmiðlum.
Þá er rifjað upp í blaðinu íþróttahneykslismál frá
árinu 1963 þegar að Þróttur Reykjavík kærði KSÍ
eftir að hafa tapað 4:2 leik sem hefði gefið okkur
sæti í efstudeild knattspyrnunnar. Og hræsnin og
feluleikurinn sem fór í gang var með ólíkindum.
Líklegasta skýringin er sú að KSÍ ­forystan kærði
sig ekki um fleiri “utanbæjarlið” vegna aukins
ferðakostnaðar.
Þá heldur Leó Ólason áfram að fjalla um siglfirska
poppara en Leó er sjálfur að gefa út disk með eigin
efni á árinu.
Í haust verður svo sýnd hjá RÚV heimildarmynd
í fimm þáttum um Siglufjörð 100 ára en umsjón
hefur haft Egill Helgason.
SIGLFIRÐINGABLAÐIÐ
FRÉTTABLAÐ SIGLFIRÐINGAFÉLAGSINS
ÚTGEFANDI OG ÁBYRGÐ:
SIGLFIRÐINGAFÉLAGIÐ
RITSTJÓRI:
Gunnar Trausti
Fr
á
rit
st
jó
ra
Réttingaverkstæði
Litróf
umhverfisvottuð prentsmiðja
Sími 563 6000 · Vatnagörðum 14 · 104 Reykjavík · www.litrof.is