Fréttabréf Siglfirðingafélagsins í Reykjavík og nágrenni - maj 2019, Side 23

Siglfirðingablaðið 23
allskonar fjölbreyttum félagsstörf um
og þetta safnast allt upp í reynslu­
bankanum og gerir mann færari
í að takast á við alls konar ólík
vandamál. Maður kynnist mörgu
fólki bæði í félagsmálastarfinu og
lögmennskunni og það gerir mann
óneitanlega víðsýnni. Það er líka
töluverður lærdómur fólginn í
því að heyra ólík sjónarmið fólks
og finna sameiginlegan flöt á
einhverju máli, sem allir eru sáttir
við. Lögmenn eru alltaf í einhverju
nýju og ýmislegt kemur upp á sem
þér hefði aldrei dottið í hug að gæti
gerst. Lífsreynslan vigtar alltaf inn
í lífið, endurmenntun er alltaf í
gangi og það er örvandi að fást
við eitthvað nýtt og vera ekki að
endurtaka sig dag frá degi.
Líney:
Það að stunda nám er ákveðinn
agi. Maður lærir ákveðna ferla sem
nýtast í vinnunni. Alltaf í ákveð­
num skrefum sem þarf að taka.
Metnaður kemur líka sterkur inn
og hvetur mann til að takast á við
nýjar áskoranir. Það sem maður
gerði og gerir fyrir utan skóla skipt­
ir verulegu máli og frjálsræðið í öllu
mögulegu sem maður bar ábyrgð á
öll þessi uppeldisár hefur verið mjög
þroskandi og skilar sér í vinnunni.
Arnfríður:
Ég er ennþá í skóla, í skólarythma­
num, og kann ekkert annað. Það
sem hefur nýst mér best fyrir utan
bóknám, og það sem því fylgir,
er metnaður í störfum sem hefur
mikið vægi. Metnaðurinn kom
með hvatningu að heiman, það
var bara gert ráð fyrir að maður
færi í framhaldsnám, en klárlega
líka frá umhverfinu sem við höfum
sagt frá hér á undan. Kirkjustarfið,
skátastarfið og önnur félagsstörf
fólu í sér mikla leiðtogaþjálfun
sem hefur skipt verulegu máli
síðar meir. Starf mitt í dag sem
háskólaprófessor er ekki bara að
kenna það sem ég lærði sjálf. Ég
er stöðugt að lesa eitthvað nýtt eða
skrifa. Hvatinn er svo innbyggður
og það er bæði skemmtilegt og
gefandi.
Einhver lífsmottó?
Lárus:
Að lækka forgjöfina í golfi. Gefa sér
tíma fyrir annað en krefjandi störf
og hafa gaman af lífinu. Það er
lífselixír að spila golf og gerir mann
að betri manni.
Arnfríður:
Nýta öll tækifærin sem gefast til að
taka áskorunum og gera sitt besta.
Alma:
Að gera gagn og gera vel. Ganga
skrefinu lengra ef það hjálpar
einhverjum.
Líney:
Kurteisi kostar enga peninga.
Virðing fyrir öðru fólki er innifalin
í því.
Svo mörg skemmtileg og fróðleg
voru svör þessara fjögurra við­
mælenda við spurningunum sem
lagt var upp með hér. Ein ályktun
sem hægt er að draga af svörum
þeirra er til dæmis sú að góð
uppvaxtarskilyrði, ágæt menntun
og fjölbreyttur reynslubanki eru
drjúg saman í veganesti út í lífið.
Jóna Möller
Flautukonsert í Tónskóla Siglufjarðar.
Frá vinstri: Bylgja Jóhannsdóttir, Jóhanna Gunnarsdótir, Alma D. Möller, Arnfríður
Guðmundsdóttir, Sigrún Guðlaugsdóttir og Halldóra S. Björgvinsdóttir.
TILBOÐ TIL FORVITINNA SIGLFIRÐINGA.
Ferðaskrifstofunni Mundo er sannur heiður að bjóða félögum
í Siglfirðingafélaginu sérstakan og ríflegan afslátt af námskeiði
og ævintýri sem byggir á verðlaunabók Hallgríms Helgasonar
- Sextíu kíló af sólskini. Höfundur sjálfur og frændi hans Guðmundur
Andri Thorsson verða með fræðslu um bókina, auk þess sem farið verður
í kynnisferðir um söguslóðir bókarinnar. Nánar má lesa um námskeiðið
hér en meðlimir í Siglfirðingafélaginu fá 20 þúsund króna afslátt
af pakkanum: https://mundo.is/60-stundir-af-solskini/
ef þeir skrá sig fyrir 8. maí.
Með kærri kveðju,
Margrét Jónsdóttir Njarðvík