Fréttablaðið - 06.08.2022, Síða 8

Þrátt fyrir úrskurð úrskurðar-
nefndar um upplýsingamál
frá því í byrjun júní hefur
Seðlabanki Íslands ekki
afhent gögn um viðskipti
bankans með úkraínska apó-
tekakeðju.
kristinnhaukur@frettabladid.is
VIÐSKIPTI Seðlabanki Íslands hefur
ekki af hent sagnfræðingnum og
lögfræðingnum Birni Jóni Braga-
syni gögn sem tengdust Eignasafni
Seðlabankans ehf. (ESÍ) og Hildu ehf.
eins og úrskurðarnefnd um upplýs-
ingamál úrskurðaði í sumarbyrjun.
Segist Seðlabankinn ekki hafa
upplýsingarnar. Fyrirspurnir Björns
Jóns hafa meðal annars lotið að við-
skiptum bankans með úkraínska
apótekakeðju.
„Seðlabankinn á að hafa þessar
upplýsingar. Þessar eignir voru hluti
af samstæðu bankans og endurskoð-
endur eiga að fara yfir þetta allt
saman. Í rauninni er með hreinum
ólíkindum að bankinn hafi ekki
aðgang að umræddum gögnum,“
segir Björn Jón, sem vann mál fyrir
úrskurðarnefndinni 1. júní síðast-
liðinn.
„Að mínu viti er Seðlabankinn að
hundsa niðurstöðu nefndarinnar,“
segir hann.
Gögnin sem Björn Jón hefur
meðal annars reynt að fá frá bank-
anum um áraraðir lúta að viðskipt-
um félaganna ESÍ ehf. og Hildu ehf.
með félögin Ukrapteka Limited og
Torpedo Leisure Limited í Bretlandi,
sem ráku apótekakeðju í Úkraínu.
Eignirnar rötuðu í safn Seðlabank-
ans úr fórum MP banka eftir banka-
hrunið.
Margt er óljóst í þessari viðskipta-
sögu, sem Björn Jón vill varpa ljósi á,
en virðist sem svo að Seðlabankinn
hafi keypt aðra hluthafa, það er
Íslandsbanka, út úr keðjunni árið
2014 en þá lagt fé í félögin.
Í þeim fábrotnu gögnum sem
Björn Jón hefur fengið frá Seðla-
bankanum kemur fram að félög-
unum hafi verið slitið árið 2017 og
kaupverðið lagt inn á lögbókanda
í Úkraínu og sé þar enn. Óvíst er
hvort féð, sem sé líklega umtalsvert,
fáist nokkurn tímann endurheimt.
Sjálfur hefur Björn Jón kannað
hvort það tíðkist að leggja kaupverð
inn á lögbókanda í Úkraínu og svo
er ekki. Þessi sala þarfnist því athug-
unar við.
Einnig vantar upplýsingar um
annan kostnað sem fylgdi þessum
viðskiptum sem séu mjög ógagnsæ
því að þau voru inni í félögum sem
slitið var í Bretlandi og skiluðu ekki
ársreikningum eða í íslenskum
félögum Seðlabankans.
Björn Jón hefur ekki fengið form-
legt bréf frá Seðlabankanum eftir
úrskurðinn en í óformlegum tölvu-
pósti sem hann fékk frá lögfræð-
ingi bankans þann 22. júlí kemur
fram að skýrsla um ESÍ verði birt
á „næstu misserum“. Óvíst er hins
vegar hversu langur tími það er en
orðabókaskilgreiningin á misseri er
sex mánuðir.
Björn Jón segist ekki hættur að
reyna að varpa ljósi á viðskipti
Seðlabankans með úkraínsku apó-
tekin. „Ég held áfram að spyrjast
fyrir um þetta,“ segir hann.
Auk þess að furða sig á pukri
Seðlabankans með þessi gögn furð-
ar Björn Jón sig á skeytingarleysi
stjórnmálamanna. Þingmenn ættu
til dæmis að taka málið upp og upp-
lýsa það. Málið snúist um umtals-
verða fjármuni almennings og það
eigi að vera uppi á borðum hvernig
farið var með þá. n
Seðlabankinn hefur ekki afhent gögn
um eignasafn sitt þrátt fyrir úrskurð
Margt er á huldu varðandi viðskipti Seðlabankans með úkraínsku apótekin.
FRÉTTABLAÐIÐ/ANTON BRINK
Björn Jón
Bragason, sagn-
fræðingur og
lögfræðingur
gar@frettabladid.is
HÓLMAVÍK Strandabyggð hefur
tekið yfir umsjón með þvottaplan-
inu sem N1 rak áður við bensínstöð
sína á Hólmavík. Nokkuð er síðan
N1 lokaði planinu og sömuleiðis
hætti fyrirtækið rekstri loftdælu
fyrir bíla.
„Það sýndi sig vera rétt ákvörðun,
því notkun á planinu hefur verið
mjög mikil frá því það var opnað
aftur. Nú erum við að vinna að lausn
varðandi loftdælu. Hvort tveggja
er þjónusta sem verður að vera til
staðar fyrir alla,“ skrifar Þorgeir
Pálsson, oddviti Strandabyggðar, á
vef sveitarfélagsins.
„Fjölgun ferðamanna og aukið
mikilvægi Strandabyggðar sem
þjónustukjarna almennt, kallar
einnig á samstarf við þjónustuaðila
um frekari uppbyggingu, til dæmis
hvað varðar hleðslustöðvar fyrir
rafmagnsbíla og fleira,“ bætir Þor-
geir við. n
Sveitarfélagið tók
við þvottaplaninu
Frá Hólmavík. FRÉTTABLAÐIÐ/PJETUR
Stjórn Sýnar hf. boðar til hluthafafundar
Stjórn Sýnar hf. boðar til hluthafafundar sem haldinn verður miðvikudaginn 31. ágúst 2022
klukkan 10.00 árdegis í höfuðstöðvum félagsins að Suðurlandsbraut 8, 108, Reykjavík.
Til fundarins er boðað að kröfu Gavia Invest ehf., „sem fer með atkvæðisrétt fyrir hlutafé í Sýn hf. að nafnverði kr. 43.147.128, eða sem nemur 16,08% af heildarhlutafé Sýnar hf.“, samkvæmt bréfi Gavia Invest
ehf., dags. 26. júlí sl. Krefst Gavia Invest ehf. að á fundinum verði tekin fyrir tillaga um að umboð núverandi stjórnar verði fellt niður og ný stjórn kjörin. Telur Gavia Invest ehf. „að vegna umtalsverðra breytinga
sem orðið hafa á hluthafahópi Sýnar hf. nú nýverið sé rétt að umboð stjórnar félagsins verði endurnýjað og að stjórnarkjör fari fram.“
Með vísan til framangreinds boðar stjórn Sýnar ehf. til hluthafafundar samkvæmt ofangreindu með eftirgreindri dagskrá:
Aðrar upplýsingar
Öll skjöl og tillögur sem lögð verða fyrir hluthafafundinn verður að
finna á vefsíðu félagsins syn.is/fjarfestatengsl/hluthafafundur.
Þar má einnig finna skýrslu Tilnefningarnefndar þegar hún verður
tilbúinn, sbr. það sem síðar segir. Hluthöfum stendur einnig til boða
að nálgast skjölin í höfuðstöðvum félagsins að Suðurlandsbraut
8, Reykjavík, virka daga milli klukkan 9:00-16:00. Fundurinn fer
fram á íslensku og verða fundargögn jafnframt á íslensku.
Hluthafar geta látið umboðsmann sækja hluthafafundinn fyrir
sína hönd. Umboðsmaður skal leggja fram skriflegt umboð.
Ekki verður hægt að greiða atkvæði með rafrænum hætti á
fundinum. Hluthöfum gefst kostur á að greiða atkvæði um
mál sem eru á dagskrá fundarins bréflega. Skal beiðni um slíka
atkvæðagreiðslu hafa borist skrifstofu félagsins eða á netfangið
hluthafar@syn.is eigi síðar en fimm dögum fyrir fundinn, þ.e.
fyrir kl. 10.00 föstudaginn 26. ágúst 2022.
Dagskrá fundarins:
1. Tillaga Gavia Invest ehf. um að bundinn verði endir á kjörtímabil sitjandi stjórnar félagsins.
2. Með fyrirvara um að tillaga undir tölulið 1. hér að framan verði samþykkt, fer fram stjórnarkjör.
3. Önnur mál.
Sýn hf. Suðurlandsbraut 8 108 Reykjavík Sími 599 9000 Kennitala: 470905-1740
Hluthafar eiga rétt á að fá ákveðin mál tekin til meðferðar á
hluthafafundi ef þeir gera um það skriflega eða rafræna kröfu. Óski
hluthafi eftir að koma máli eða tillögu á dagskrá hluthafafundarins
skal slík beiðni hafa borist skrifstofu félagsins eða á netfangið
hluthafar@syn.is eigi síðar en tveimur vikum fyrir fundinn, þ.e.
fyrir kl. 10.00 miðvikudaginn 17. ágúst 2022.
Endanleg dagskrá og tillögur verða birtar viku fyrir fundinn.
Með fyrirvara um að tillaga samkvæmt 1. tölulið dagskrár verði
samþykkt, þá tekur Tilnefningarnefnd strax til starfa og tekur
við framboðum til stjórnar til kl. 10.00 fimmtudaginn 11. ágúst
2022. Tilnefningarnefnd mun skila skýrslu sinni og tillögu um
stjórnarmenn eigi síðar en kl. 10.00 föstudaginn 19. ágúst 2022,
með sama fyrirvara.
Tillaga Tilnefningarnefndar takmarkar ekki frekari framboð
til stjórnar. Samkvæmt 63. gr. a. hlutafélagalaga nr. 2/1995
ber að tilkynna um framboð til stjórnar skriflega með minnst
fimm sólarhringa fyrirvara fyrir hluthafafund, eða fyrir kl. 10.00
árdegis föstudaginn 26. ágúst 2022. Framboðum skal skila
á skrifstofu Sýnar hf., Suðurlandsbraut 8, Reykjavík, eða á
netfangið hluthafar@syn.is. Allt er þetta gert með fyrirvara um
að raunverulegt stjórnarkjör fari fram á fundinum. Upplýsingar
um frambjóðendur til stjórnar verða birtar eigi síðar en tveimur
sólarhringum fyrir hluthafafundinn. Hluthafar eiga rétt á að krefjast
hlutfallskosningar eða margfeldiskosningar við stjórnarkjör ef
beiðnin berst a.m.k. fimm sólarhringum fyrir fundinn, ef þeir hafa til
þess afl samkvæmt samþykktum, ef ekki er sjálfkjörið.
Hluthafaskrá frá lokum dags þriðjudaginn 30. ágúst 2022 gildir á
fundinum.
Aðgöngumiðar, atkvæðaseðlar og önnur fundargögn verða
afhent frá klukkan 9.30 á fundardegi.
Stjórn Sýnar hf.
8 Fréttir 6. ágúst 2022 LAUGARDAGURFRÉTTABLAÐIÐ