Skessuhorn - 29.06.2022, Blaðsíða 2

2 MIÐVIKUDAGUR 29. JÚNÍ 2022
Framundan eru ýmsar skemmt-
anir í landshlutanum; bæjarhá-
tíðir og sérhæfðari skemmtan-
ir m.a. í Stykkishólmi. Vafalítið
verður hvarvetna líf og fjör. Í ljósi
veðurs undanfarna daga hvetj-
um við fólk til að klæða sig eftir
veðri hvort sem stefnan er sett á
lopapeysuball, þjóðbúningahá-
tíð eða brekkusöng.
Í dag verður norðlæg eða breyti-
leg átt og áfram dálítil úrkoma
fyrir austan fram eftir degi, víða
skúrir en yfirleitt þurrt hér á
vestlægum slóðum. Á fimmtu-
dag verður hæg breytileg átt
og víða skúrir, hiti 8 til 18 stig en
svalast við norðvesturströndina.
Á föstudag verður norðlæg
eða breytileg átt, rigning með
köflum austanlands en annars
úrkomulítið. Á laugardag verður
norðvestanátt og rigning norð-
an- og norðaustantil en skýjað
með köflum og þurrt að mestu
sunnan- og vestanlands. Kólnar
heldur. Á sunnudag verður vest-
læg átt og víða væta. Hiti 4 til 14
stig og hlýjast syðst.
Í síðustu viku spurðum við á
vefnum viðkvæmrar spurningar,
eða hversu oft fólk hefði fengið
hraðasekt við akstur. Flestir, eða
39% aðspurðra, viðurkenna að
þeir hafi nokkrum sinnum feng-
ið hraðasekt. Rúmur fjórðung-
ur, eða 27%, sögðust hafa feng-
ið eina hraðasekt. Réttur fjórð-
ungur hefur aldrei fengið hraða-
sekt. En 6% eru í slæmum mál-
um; hafa ekki tölu á þeim fjölda
hraðasekta sem þeir hafa greitt
í gegnum tiðina. Loks voru 3%
stikkfrí, hafa ekki bílpróf.
Í næstu viku er spurt: Á eyði-
eyju; hvaða drykk tækir þú
með þér?
Við erum í sumarskapi. Vest-
lendingar vikunnar að þessu
sinni eru þeir sem skipuleggja
og standa fyrir viðburðum
víðsvegar um landshlutann, öðr-
um og vonandi einnig sjálfum
sér til ánægju og gleði.
Spurning
vikunnar
Til minnis
Vestlendingur
vikunnar
Veðurhorfur
Fimmtudag-
laugardag
T
I
L
B
O
Ð
verslunin_bjarg
15%
afsláttur af öllum
fatnaði og snyrti-
vörum fyrir dömur
og herra

Sértilboð á
snyrtivörum og
fatnaði
Opið:
Mánudaga- til föstudaga
kl. 10 til kl.18
Laugardaga
kl.10.til kl.15.
Fylgist með okkur
á Facebook
Síðastliðinn mánudag var við hátíð-
lega athöfn í Hafbjargarhúsinu á
Breið á Akranesi kynnt niðurstaða
í veglegri hönnunarsamkeppni
á um ellefu hektara landsvæði á
Breiðinni. Það er Breið þróunarfé-
lag sem hélt utan um samkeppnina
í umboði Brims hf, sem á megin-
hluta landsins sem um ræðir, og
Akraneskaupstaðar. Dómnefnd hef-
ur nú metið þær 24 tillögur sem
sendar voru inn til keppni, en á bak
við þessar tillögur eru yfir 50 aðilar,
að stærstum hluta alþjóðlegar arki-
tekta-, hönnunar- og skipulagsstof-
ur. Markmið samkeppninnar var að
fá fagaðila til að leggja fram tillög-
ur í samræmi við þá framtíðarsýn að
svæðið verði íbúðabyggð fyrir ólíka
aldurshópa í bland við atvinnusköp-
un með áherslu á hátækni, nýsköp-
un og sjálfbærni. Framtíðarsýn
yrði forsenda breytinga á aðal- og
deiliskipulagi svæðisins á næstu
árum, en það er nú skilgreint sem
hafnar- og iðnaðarsvæði.
Guðmundur Kristjánsson for-
stjóri Brims og formaður dóm-
nefndar kynnti vinningstillögur og
afhenti verðlaun. Í hlut verðlauna-
tillögunnar falla 15 milljónir króna
í verðlaunafé, annað sætið fær fimm
milljónir króna og þriðja sætið þrjár
milljónir. Einnig ávarpaði Sævar
Freyr Þráinsson bæjarstjóri gesti.
Fagnaði hann niðurstöðu keppn-
innar: „Við erum mjög spennt fyr-
ir möguleikunum sem þessar tillög-
ur færa okkur. Nú höfum við unnið
síðan í júní 2020 með Brimi að því
að efla atvinnustarfsemi við Breiðina
og hluti af því verkefni var að fara í
gang með hugmyndasamkeppnina.“
Vinningstillagan kom frá
Arkþing/Nordic
Fyrstu verðlaun í samkeppninni,
og sú tillaga sem nú verður áfram
unnið með, fékk Arkþing/Nordic
í samstarfi við Eflu verkfræðistofu.
Tillaga þess nefnist Lifandi samfé-
lag við sjó. Önnur verðlaun hlaut
tillaga án titils frá finnsku arki-
tektastofunni Muuan og þriðju
verðlaun hlaut Breiðin til framtíð-
ar, frá hollensku hönnunarstofunni
Super World VOF.
Í umsögn um vinningstillöguna
segir:
„Lifandi samfélag við sjó, lát-
laus og skýr tillaga sem leggur til
blandaða uppbyggingu á Breiðinni.
Atvinnusvæði er byggt upp ofan við
Steinsvör og núverandi byggingar
eru endurnýttar. Útisvæði við vörina
virkar sannfærandi með veitingasölu
og annarri starfsemi. Íbúðabyggðin
er fjölbreytt en þróa mætti húsagerð-
ir enn frekar með tilliti til þéttleika
og skjólmyndunar. Strandstígur
liggur umhverfis nýju byggðina og
tengist fjölbreyttri uppbyggingu og
afþreyingu við sjóinn. Annar stígur
liðast í gegnum hverfið frá norðri til
suðurs og tengist leiksvæðum, gróð-
urhúsi og veitingatorgi. Staðsetning
hótels og baðlóns sunnarlega á nes-
inu virkjar það svæði vel og býður
upp á spennandi þróunarmöguleika.
Styrkur tillögunnar er einfaldleiki
með skýru samgönguneti og góð-
um tengingum við sjóinn. Staðsetn-
ing allra lykilþátta er skynsamleg
og virðist áreynslulaus. Tillagan er
jarðbundin og raunsæ og býður upp
á mikla möguleika til frekari þró-
unar. Mannvirki við Skarfavör og
Steinsvör sem ganga í sjó fram þarf
að skoða með tilliti til ágangs sjáv-
ar.“
mm
Arkþing sigurvegari í
hönnunarsamkeppni um Breið á Akranesi
Mynd af vinningstillögunni.
Guðmundur Kristjánsson ásamt fulltrúum verðlaunahafa fyrir vinningstillöguna.
Fjölmenni fylgist með þegar úrslit voru kynnt.
Næstu vikur verður hægt að kynna sér tillögurnar sem bárust í keppnina á veggj-
um Hafbjargarhússins.
Hér ræðast þeir við Einar Brandsson bæjarfulltrúi, Sævar Freyr Þráinsson bæjar-
stjóri og Guðmundur Kristjánsson forstjóri Brims.