Skessuhorn - 29.06.2022, Blaðsíða 10

MIÐVIKUDAGUR 29. JÚNÍ 202210
Verkefnið Römpum upp Ísland teygði
anga sína í Borgarnes og nágrenni í
síðustu viku. Rætur verkefnisins liggja
á höfuðborgarsvæðinu í verkefni sem
nefndist Römpum upp Reykjavík en
frumkvöðull þess var Haraldur Þorleifs-
son. Í Reykjavík var á síðasta ári settur
upp 101 rampur til að bæta hjólastólaað-
gengi. Það verkefni hefur svo undið upp
á sig en Haraldur vinnur nú að því að
rampa upp Ísland þar sem stefnt er að
því að koma upp eitt þúsund römpum
á landsvísu í samstarfi við sveitarfélög-
in. Öll sveitarfélög á landinu fengu boð
um að taka þátt en Borgarbyggð stökk
fyrst á vagninn af sveitarfélögum á Vest-
urlandi. Dalabyggð hefur einnig fagnað
erindinu og vísað því til umsjónarmanns
framkvæmda þar í byggð.
Hjólastólaaðgengi misjafnt
í Borgarfirði
Fimm rampar voru settir upp á tveim-
ur dögum í Borgarnesi og á Hvanneyri
í síðustu viku. Fertugasti rampurinn
á landsvísu var vígður á Hvanneyri sl.
fimmtudag við barinn Hvanneyri Pub.
Haldin var stutt en hátíðleg dagskrá þar
sem Sigrún Ólafsdóttir sveitastjórnar-
fulltrúi og Guðveig Eyglóardóttir for-
seti sveitarstjórnar tóku til máls og fögn-
uðu verkefninu. Sögðu þær að byggingar
fyrri tíma kalli oft á miklar framkvæmd-
ir til að bæta hjólastólaaðgengi en þekk-
ingarleysi væri oft ástæða hægrar þróun-
ar og ítrekuðu mikilvægi þess að sækja
sér þekkingu. Þórunn Edda Bjarnadóttir
klippti svo á borða og vígði rampinn en
hún notast við hjólastól í daglegu lífi og
segir aðgengi fyrir hjólastóla í Borgar-
firði vera misjafnt. ,,Aðgengið hefur ver-
ið allskonar. Það hefur snarskánað en má
alltaf bæta. Það er orðin svo miklu meiri
vitundarvakning í öllu í dag og einnig
erum við sem þurfum á betra aðgengi
að halda orðin meira áberandi í samfé-
laginu og þá sér fólk í hvaða hindrunum
við erum að lenda. En það er alltaf rými
til að betrumbæta,“ sagði Þórunn Edda.
Gekk hratt að koma upp
fimm römpum
Hrafnhildur Tryggvadóttir, deildar-
stjóri umhverfis- og framkvæmda-
mála, stýrir verkefninu hjá Borg-
arbyggð. Hún segir verkefnið hafa
gengið vel. ,,Ramparnir sem sett-
ir voru upp eru á Brúartorgi 4 en þar
eru komnir tveir; við Ljómalind og
við Brúartorg. Svo er kominn ramp-
ur við Hótel Borgarnes, við Rauða-
krossbúðina á Brákarbraut og svo
einn á Hvanneyri. Við erum búin að
setja upp þessa fimm rampa á tveim-
ur dögum. Það gekk rosalega hratt og
vel fyrir sig að koma römpunum upp.
Það eru í rauninni ákveðnar reglur hjá
sjóðnum Römpum upp Ísland um for-
gangsröðun sem við þurfum að fylgja.
Við fórum um bæinn til að skoða og
meta þörfina ásamt Hringi Hilmars-
syni sem hannar rampana og útfrá því
kom þessi röð,“ segir Hrafnhildur um
framvindu verkefnisins.
Svitnaði við tilhugsunina
um þúsund rampa
Þorleifur Gunnarsson vinnur verk-
efnið ásamt Haraldi Þorleifssyni en
hann kom á staðinn til að vígja ramp-
inn á Hvanneyri. Tjáði hann blaða-
manni hvernig verkefnið hefur geng-
ið fyrir sig. ,,Við komum með all-
ar græjur, tæki og tól og mannskap.
En auðvitað fyrirfram er sveitarfé-
lagið búið að vinna mikilvæga undir-
búningsvinnu. Ég verð að segja að það
er frábært hvernig Hrafnhildur hefur
haldið utan um þetta, þetta hefði ekki
gengið svona vel ef hún hefði ekki gert
það. Við höldum svo ferðinni áfram
til Hafnarfjarðar og ætlum að vígja
fimmtugasta rampinn eftir viku. Síð-
an erum við á leiðinni á Hornafjörð
en við erum mest á landsbyggðinni
núna. Við tókum 101 ramp í Reykja-
vík en þegar Haraldur nefndi hund-
rað rampa í Reykjavík á einu ári svitn-
aði ég, en svo gerðum við það á átta
mánuðum. Svo þegar hann sagði þús-
und rampa á landsvísu þá svitnaði ég
meira. En þetta byggir á mjög góðu
samstarfi við sveitarfélögin og þau
taka okkur gríðarlega vel, skanna
staðina og hjálpa okkur við að teikna
þá. Svo hafa sveitarfélögin verið svo
rausnarleg að bjóða okkur í mat á
meðan við erum að vinna. Gríðar-
leg velvild fylgir verkefninu og það
skiptir okkur miklu máli,“ sagði Þor-
leifur.
sþ
„Sameiginlegt sveitarfélag Stykkis-
hólmsbæjar og Helgafellssveitar lýs-
ir yfir þungum áhyggjum yfir þeirri
grafalvarlegu stöðu sem hefur ver-
ið uppi varðandi öryggismál Breiða-
fjarðarferjunnar Baldurs, en Stykk-
ishólmsbær hafði ítrekað bent á að
bregðast þurfi við þar sem núverandi
ferja uppfylli ekki viðeigandi öryggis-
kröfur.“ Þannig hljóðar ályktun bæj-
arstjórnar frá 23. júní síðastliðinn
sem samþykkt var samhljóða.
Sveitarfélagið minnir á að 15
mánuðir eru síðan að litlu mátti muna
að illa færi þegar núverandi ferja varð
vélarvana á miðjum firðinum 11.
mars 2021 þar sem tók rúman sólar-
hring að draga ferjuna í land í Stykk-
ishólmi við slæm skilyrði. Í millitíð-
inni hefur Breiðafjarðarferjan Baldur
tvisvar til viðbótar bilað og/eða orðið
vélarvana á Breiðafirði, nú síðast 18.
júní sl. Mikil mildi þykir að ekki skildi
fara verr í öll þau skipti sem þessar
tíðu bilanir hafa átt sér stað.
„Stykkishólmur og Helgafells-
sveit áréttar að núverandi ferja hefur
einungis eina vél, en við Breiðafjörð
hafa allar ferjurnar sem hafa þjón-
ustað svæðið frá 1955 haft tvær vél-
ar utan núverandi ferju. Það liggur í
augum uppi að ítrekaðar bilanir á því
sérstaka svæði sem Breiðafjörðurinn
er með skerjum, boðum og eyjum
ásamt sterkum straumum og úthafs-
öldu sýni svo ekki sé um villst að tvær
vélar eru nauðsynlegar fyrir ferju á
þessari siglingarleið.“
Þá segir í ályktun bæjarráðs að
innviðaráðherra og samgönguyfir-
völd beri ábyrgð á að öruggar sam-
göngur séu um Breiðafjörð. „Langur
tími er liðinn frá því að því að núver-
andi ferja varð vélavana við hættu-
legar aðstæður og enn er beðið eft-
ir að gerðar verði viðeigandi ráð-
stafanir. Ákvörðun um nauðsynlegar
breytingar á hafnarmannvirkjum í
Stykkishólmi, Flatey og Brjánslæk
og fjármögnun þeirra hefði t.a.m.
þurft að liggja fyrir á vordögum 2021
þannig að framkvæmdir gætu hafist
á fyrri hluta þessa árs. Með því hefði
verið hægt að tryggja að skip sem
uppfyllir nútíma öryggiskröfur og
þjónar betur hagsmunum samfélags-
ins væri farin að sinna ferjusiglingum
um Breiðafjörð.“
Bæjarráð leggur þunga áherslu á að
engir hagsmunir gleymist þegar verið
er að ræða um lausnir í ferjumálum,
því allir eiga þeir að vega jafn mik-
ið, hvort sem um er að ræða fiskeldi
á Vestfjörðum, ferðaþjónustu, eða
íbúa í Flatey. Ferja um Breiðafjörð
þarf að geta þjónustað allt samfélag-
ið í kringum fjörðinn og því er málið
í eðli sínu afar mikilvægt byggðamál,
ekki síst fyrir þær fjölskyldur sem búa
í Flatey og þurfa öruggar samgöng-
ur og tryggan flutning á vatni, olíu
og öðrum nauðsynjum sem og aðra
sem dvelja í eyjunni til skemmri eða
lengri tíma.
„Alþingi og ríkisstjórn, sér í lagi
innviðaráðherra, þarf að mati sveitar-
félagsins því tafarlaust að sýna fyr-
irhyggju og festu í þessu máli.
Tryggja þarf að Vegagerðin hafi skýra
stefnumörkun til þess að vinna eftir
og fjármuni til þess að bregðast við
þannig að tryggja megi öruggar ferju-
siglingar um Breiðafjörð næsta haust
ef þess er nokkur kostur. Sveitarfé-
lagið leggur áherslu á mikilvægi þess
að leita allra leiða við að finna hent-
ugt skip sem myndi geta hafið sigl-
ingar með minniháttar breytingum
á hafnarmannvirkjum, á meðan ver-
ið er að undirbúa þær breytingar sem
hugsaðar eru á hafnarmannvirkjum
til framtíðar.
Stykkishólmur og Helgafellssveit
leggur þunga áherslu á að ef önnur
ferja getur ekki hafið siglingar næsta
vetur þá þarf viðeigandi viðbún-
að í Stykkishólmi til þess að tryggja
megi betur öryggi sjófarenda, t.d.
dráttarbát staðsettan í Stykkishólmi
og efla sjóbjörgunargetu. Er slíkur
viðbúnaður jafnframt nauðsynlegur
svo hægt verði að byggja aftur upp
nauðsynlegt traust á siglingum með
núverandi ferju.“
Loks fagnar byggðarráð þeirri
skýru framtíðarsýn ríkisstjórn-
ar Katrínar Jakobsdóttur, sem inn-
viðaráðherra hefur talað fyrir, um
að framtíðarlausn í ferjusiglingum
um Breiðafjörð sé að ríkið hanni og
smíði nýja ferju sem hönnuð verð-
ur með tilliti til orkuskipta fram-
tíðarinnar. Sveitarfélagið leggur hins
vegar áherslu á mikilvægi þess að
hraða þeirri vinnu eins og hægt er og
að nægjanlegt fjármagn verði tryggt
í samgönguáætlun þannig að hægt
verði að hefja ferjusiglingar á Breiða-
firði með þeirri ferju eins fljótt og
verða má.“ mm
Lokahönd lögð á ramp við Brúartorg.
Borgarbyggð tekur þátt í að rampa upp Ísland
Fertugasti rampurinn á landsvísu vígður á Hvanneyri
Þórunn Edda Bjarnadóttir vígði rampinn við Hvanneyri Pub sem er fertugasti
rampurinn í Römpum upp Ísland.
Hrafnhildur Tryggvadóttir og Þorleifur Gunnarsson.
Þórunn Edda og hellulagður rampurinn.
Heimafólk lýsir þungum áhyggjum
yfir ástandi Baldurs
Baldur dreginn að bryggju eftir síðustu bilun sem varð í ferjunni 18. júní síðast-
liðinn. Ljósm. sá.