Morgunblaðið - 07.06.2022, Qupperneq 24

24 DÆGRADVÖL
MORGUNBLAÐIÐ ÞRIÐJUDAGUR 7. JÚNÍ 2022
Nýmalað, engin hylki.
Suðurlandsbraut 20 · 108 Reykjavík
Sími: +354 5880200 · www.eirvik.is
Z10 fyrir heita og kalda kaffidrykki.
Ný kvörn, Product Recognising Grinder (P.R.G.), breytir sjálfkrafa
grófleika mölunar á milli mismunandi kaffidrykkja. Þetta gerir það
að verkum að í fyrsta skipti er hægt að hella upp á bæði heita og
kalda drykki með espresso aðferð. Upplifðu algerlega nýja leið til
þess að njóta kaffidrykkja. JURA – If you love coffee.
50 ÁRA Einar Már er Akureyringur en
býr í Kópavogi. Hann er sjávarútvegs-
fræðingur að mennt frá HA og MBA frá
CBS í Kaupmannahöfn. Einar Már er for-
stöðumaður viðhaldssviðs hjá Icelandair.
Hann situr í stjórn knattspyrnudeildar
Þórs og helstu áhugamálin eru laxveiði,
knattspyrna, útivist og fjallgöngur.
FJÖLSKYLDA Eiginkona Einars Más
er Katrín Melstað Jónsdóttir, f. 1972,
sjúkraliði á Sameind rannsóknarstofu.
Dætur þeirra eru Kamilla, f. 1996, og
Telma, f. 2004. Afabarnið er Erika Stef-
ánsdóttir, f. 2021. Foreldrar Einars Más:
Guðmundur Sigurbjörnsson, f. 1949, d.
1998, hafnarstjóri á Akureyri og formað-
ur Þórs, og Bjarney Sigríður Sigvalda-
dóttir, f. 1951, hársnyrtir. Hún er búsett á
Akureyri.
Einar Már Guðmundsson
Stjörnuspá
21. mars - 19. apríl ,
Hrútur Sæktu mál þín af festu en gakktu
ekki á rétt annarra, því það leiðir aðeins
til erfiðleika í samskiptum. Ástarsamband
stendur föstum fótum.
20. apríl - 20. maí +
Naut Nýjar upplýsingar leiða til þess að
þú átt erfitt með að treysta vissri mann-
eskju. Þú ættir að hafa samband við vini
og fá ráð.
21. maí - 20. júní 6
Tvíburar Einhver sýnir sitt rétta andlit og
þú þarft að hugsa um framhaldið. Hafðu
vakandi auga með börnunum.
21. júní - 22. júlí 4
Krabbi Þú gætir lent í óþægilegri að-
stöðu er þú leitast við að aðstoða vin í
vanda. Þolinmæðin þrautir vinnur allar.
23. júlí - 22. ágúst Z
Ljón Það getur skipt sköpum fyrir árang-
ur þinn að þú flytjir mál þitt af festu en
um leið þannig að allir skilji. Njóttu þess
að geta um frjálst höfuð strokið.
23. ágúst - 22. sept. l
Meyja Snúðu þér að nútíðinni og láttu
reynslu þína verða þér og öðrum til góðs.
Það þarf sterk bein til að þola góða daga.
23. sept. - 22. okt. k
Vog Þú ert hátt stemmd/-ur og það þarf
lítið til að hlutirnir fari í skapið á þér.
Reyndu samt að taka eftir því þegar
klappað er fyrir þér.
23. okt. - 21. nóv. j
Sporðdreki Nú er lag til þess að skjóta á
fundi með vinum og vandamönnum.
Gakktu hægt um gleðinnar dyr og gættu
heilsunnar.
22. nóv. - 21. des. h
Bogmaður Varastu að misnota góðvild
vinar þíns þótt þægilegt sé að þurfa ekki
að ganga í málin sjálf/-ur. Gamalt mál
skýtur upp kollinum, þér til mikils ama.
22. des. - 19. janúar @
Steingeit Þú óttast ekki það sem öðrum
finnst, sem gerir þig flinka/-n í því að
koma sjónarmiðum þínum áleiðis á frum-
legan máta. Dagdraumar eru af hinu
góða.
20. jan. - 18. febr. ?
Vatnsberi Farðu varlega inn í nýjar að-
stæður. Kannski þarftu að leggja talsvert
á þig. Allt sem þú snertir breytist í gull.
19. feb. - 20. mars =
Fiskar Gættu þess að tala tæpitungu-
laust svo enginn þurfi að fara í grafgötur
um það sem þú vilt. Ekki einblína á það
sem gengur illa, heldur það sem gengur
vel og byggðu á því.
UMSE og í stjórn Búnaðarsam-
bands Eyjafjarðar. Helgi var einn-
ig lengi í veiðifélagi Hörgár og
fjárræktarfélaginu Neista.
kjörstjórnar í Hörgársveit. Helgi
hefur sinnt ýmsum öðrum félags-
störfum. Hann var í stjórn Ung-
mennafélags Skriðuhrepps og
H
elgi Bjarni Steinsson
fæddist á Akureyri
þann 6. júní 1962 og
varð því sextugur í
gær. Helgi ólst upp
á Syðri-Bægisá í Öxnadal, gekk í
grunnskóla á Þelamörk en tók
seinasta árið í Hrafnagilsskóla, þar
sem ekki var hægt að klára grunn-
skólanámið á Þelamörk á þeim
tíma. Helgi lauk grunnskóla-
náminu vorið 1978. Öll sumur var
hann á Syðri-Bægisá og vann við
hin ýmsu sveitastörf þar. „Eftir
grunnskólann vann ég í heilt ár á
Syðri-Bægisá til þess að geta feng-
ið inngöngu í bændaskólann á
Hvanneyri. Ég var þar árin 1979
og 1980, dvaldi þá mestallan tím-
ann á Hvanneyri en ef eitthvert frí
féll til, var ég fljótt mættur heim
aftur á Syðri-Bægisá.“
Helsta atvinna Helga hefur allt-
af verið að sinna öllum sveitastörf-
unum á Syðri-Bægisá. „Við erum
með kýr og kindur en þeim fylgir
mikil vinna allt árið um kring.“
Helgi var í félagsbúskap með for-
eldrum sínum 1981-1992 en Helgi
og Ragnheiður, konan hans,
keyptu búið af foreldrum Helga
árið 1992 og hafa búið þar síðan.
Nú reikna tvær dætur Helga, þær
Gunnella og Jónína, með því að
taka við búinu þegar að því
kemur.
Með bændastörfunum var Helgi
einnig starfandi búfjáreftirlits-
maður 1984-1998. Frá 1996 var
hann varamaður í sveitarstjórn
Öxnadalshrepps og kom inn í
sveitarstjórn árið 1997. Að auki
varð hann oddviti Öxnadalshrepps
1998-2000. Árið 2000 voru Öxna-
dalshreppur, Glæsibæjarhreppur
og Skriðuhreppur sameinaðir í eitt
sveitarfélag, sem hét þá Hörgár-
byggð. Því var Helgi 2000-2002 í
sveitarstjórn Hörgárbyggðar. Frá
2002-2010 var Helgi oddviti Hörg-
árbyggðar og sat einnig í sveit-
arstjórn. Árið 2010 sameinuðust
síðan Hörgárbyggð og Arnarnes-
hreppur og heitir nú Hörgársveit.
Frá árunum 2010-2018 var Helgi í
sveitarstjórn Hörgársveitar og frá
2014 hefur Helgi verið formaður
„Áhugi dætranna, Gunnellu og
Jónínu, dreif mig áfram í að leggj-
ast í framkvæmdir við byggingu á
nýju fjósi á bænum, þar sem
gamla fjósið uppfyllti ekki lengur
reglugerðir um aðbúnað og velferð
dýra. Þann 13.6. 2017 var hafist
handa við byggingu á nýja fjósinu
en 13 mánuðum síðar var það tekið
í notkun. Nýja fjósið er fyrir 70
kýr og með pláss fyrir um 60
kálfa. Nýja fjósið er með mjalta-
þjón, sem þykir mikil breyting frá
gamla fjósinu sem var með braut-
arkerfi.“
Búið hefur hlotið alls kyns verð-
laun yfir árin, mörg verðlaun fyrir
kýr og kindur en einnig verðlaun
fyrir snyrtilega umgengni. Búið
hlaut til að mynda Landbúnaðar-
verðlaunin 2005. Árið 2019 var það
valið fyrirmyndarbú ársins hjá
Landssambandi kúabænda. Syðri-
Bægisá var fyrsti bærinn til þess
að fá fullt hús stiga, en í úttektinni
eru um 70 atriði skoðuð.
Helgi Bjarni Steinsson, bóndi á Syðri-Bægisá – 60 ára
Fjölskyldan Efri röð frá vinstri: Ragnheiður Margrét, Hulda Kristín og
Helgi. Neðri röð frá vinstri: Gunnella og Jónína Þórdís.
Búið hlaut fullt hús stiga
Á Syðri-Bægisá Nýja fjósið sem var tekið í notkun árið 2018.
Afmælisbarnið Helgi í göngu upp á
Öræfajökul árið 2021.
Til hamingju með daginn
Syðri-Bægisá Steinar Helgi Arnþórs-
son fæddist 18. mars 2022 á Sjúkra-
húsinu á Akureyri. Hann vó 3.718 g og
var 51 cm langur. Foreldrar hans eru
Jónína Þórdís Helgadóttir og Arnþór
Gylfi Finnsson.
Nýr borgari