Morgunblaðið - 21.06.2022, Side 24

24 DÆGRADVÖL
MORGUNBLAÐIÐ ÞRIÐJUDAGUR 21. JÚNÍ 2022
Fiskislóð • Bíldshöfði • Smáratorg • Helluhraun • Baldursnes
www.gaeludyr.is
Njótið
sumarsins
Stjörnuspá
21. mars - 19. apríl ,
Hrútur Þér er óhætt að tala um þínar
innstu tilfinningar, en jafnvel betra að
hlusta á annan gera það. Einhverra hluta
vegna ert þú mjög sannfærandi þessa dag-
ana.
20. apríl - 20. maí +
Naut Þú gætir lent í deilum við yfirboðara
þína, foreldra eða kennara í dag. Hertu upp
hugann því nú er til mikils að vinna.
21. maí - 20. júní 6
Tvíburar Þú þarft að geta lagað þig að
breyttum aðstæðum núna. Talaðu ljóst
þegar þú segir öðrum skoðanir þínar.
21. júní - 22. júlí 4
Krabbi Sinntu vinnu þinni í friði – aðrir
eiga bara eftir að gera minna úr framsýni
þinni. Tveir ólíkir kraftar mynda nokkuð fal-
legt er þeir koma saman.
23. júlí - 22. ágúst Z
Ljón Það er hætt við að þú lendir í deilum
við vini þína eða hóp fólks í dag. Teldu upp
að tíu áður en þú hefst handa.
23. ágúst - 22. sept. l
Meyja Þegar líkaminn þarfnast lofts, vatns
og matar þarfnast sálin sýnar. Bardaga-
listamaður streitist ekki gegn mótstöðu
heldur beinir henni annað.
23. sept. - 22. okt. k
Vog Þú græðir ekki á efasemdum núna.
Taktu tillit til þess að það eru ekki allir jafn
ófeimnir og þú, og hafa margt fram að færa
þótt þeir eigi erfitt með að láta það í ljós.
23. okt. - 21. nóv. j
Sporðdreki Einhver blómstrar nálægt þér.
Hlustaðu á aldna, því þeir hafa lært svo
margt. Reyndu að miðla málum á fordóma-
lausan hátt.
22. nóv. - 21. des. h
Bogmaður Þar sem þú ert að taka skjótum
framförum skaltu skrá það einhvers staðar.
En það ríður á að þú haldir haus og standir
uppréttur. Gættu þess líka að vanrækja
ekki þína nánustu.
22. des. - 19. janúar @
Steingeit Reyndu að koma af stað já-
kvæðu orkuflæði í líkama þínum. Sýndu því
tillitssemi og virtu tilfinningar annarra.
20. jan. - 18. febr. ?
Vatnsberi Þú munt ekki sjá eftir þeirri
ákvörðun að deila sjálfum þér og jafnvel
eigum þínum með þeim sem eru þér kærir.
Heldur njóta sérhverrar mínútu.
19. feb. - 20. mars =
Fiskar Samstarfsmenn eða fjölskyldu-
meðlimir eru ekki nákvæmlega á sama máli
og þú. Ef þú ert með vindinn í fangið er
stórmannlegra að fara ekki af leið.
I
nga Jónína Backman fæddist
21. júní 1947 á Akranesi og
ólst þar upp en fjölskyldan
fluttist til Reykjavíkur eftir
að Inga tók unglingsprófið.
Hún gekk í Vogaskóla og seinna í
enskuskóla til Englands. Inga lauk
stúdentsprófi frá öldungadeild MH
og síðar söngkennaraprófi frá Söng-
skóla Reykjavíkur. Inga lagði fyrst
stund á nám í hjúkrunarfræði en
frænka hennar, Inga Þóra Geir-
laugsdóttir, stakk upp á því að sækja
um í söngskóla, sem þær gerðu. Inga
kláraði fyrsta árið í hjúkrunarfræði
en sneri sér svo alfarið að söngnum
og hefur ekki starfað við annað síð-
an. „Það var mikil músík á mínu
æskuheimili og ég hafði alltaf gaman
af söng.“ Móðir Ingu var frá Akra-
nesi en faðir hennar úr Reykjavík.
„Þau hittust í Gúttó við Tjörnina sem
var einn helsti skemmtistaðurinn í
Reykjavík og dönsuðu alla sína tíð.
Pabbi var mikill og flinkur dansari.
Hann var sendur í dansskóla þegar
hann var ungur þrátt fyrir mikla fá-
tækt og kenndi systkinum sínum
sem voru alls níu talsins og síðar
börnunum. Mínar fyrstu minningar
eru að dansa á tánum á pabba og við
vorum vön að dansa mikið saman.“
Inga og systkini hennar hafa um
ævina öll fengist við einhvers konar
listsköpun. „Við fengum hljóðfæri á
tíu ára afmælinu, Addi harmoniku og
ég píanó. Addi var strax kominn í
skólahljómsveitina á Akranesi sem
síðar varð hljómsveitin Dumbó. Ég
fór í píanónám hjá Hauki Guðlaugs-
syni organista. Þetta var góður
grunnur fyrir okkur systkinin. Við
fjögur, ég, Addi, Ernst og Edda,
æfðum um árabil kvartett ásamt
Reyni Jónassyni organista eftir að
Addi bróðir veiktist. Við hittumst
alltaf á laugardagsmorgnum og æfð-
um og þá fylgdi það með að sjóða fisk
með kartöflum og hömsum. Það
klikkaði ekki. Ég á hlýjar minningar
frá þessum tíma og þetta var okkar
aðferð til þess að efla hugann þegar
dökkar hliðar lífsins dúkkuðu upp
hjá okkur eins og gerist hjá mann-
fólkinu.
Ég hef unnið við einsöng, kór-
stjórn, kórsöng og kennslu síðan ég
lauk námi og fór í kór Neskirkju þar
sem Reynir Jónasson var organisti
og áttum við gott samstarf í 20 ár,
ásamt því að ég var kórstjóri eldri-
borgarakórsins í Neskirkju. Ég var á
meðal einsöngvara sem stofnuðu
Hljómkórinn sem söng við útfarir og
var hann starfandi í 20 ár. Ég er
núna í dásamlegum kór Fella- og
Hólakirkju þar sem Arnhildur Val-
garðsdóttir, organisti kirkjunnar,
gleður okkar sálir. Hún heldur mér á
tánum með því að biðja um einsöng-
inn minn við og við og lofar að segja
mér hvenær gott er að hætta leik.“
Arnhildur var upphaflega nemandi
Ingu í söngskólanum Dómus Vox og
spilaði síðar með henni inn á diskinn
Ó undur lífs ásamt Hjörleifi Valssyni
fiðluleikara. Inga gaf út annan disk
árið 2000 Ég hlakka til í samvinnu
við Ólaf Vigni Albertsson. Titillagið á
disknum er samið af Arnmundi,
bróður Ingu, en textinn er úr ljóði
Jóhannesar frá Kötlum. Inga fór
með hlutverk Mímíar í óperunni La
Boheme sem Óperusmiðjan sýndi í
Borgarleikhúsinu árið 1992 við góðar
undirtektir. Inga fór einnig með
hlutverk Systur Angelicu úr sam-
nefndri óperu. Hún flutti sópran-
hlutverkið í óratóríunni Messíasi
með Pólýfónkórnum og Ingólfi Guð-
brandssyni og Herði Áskelssyni org-
anista. „Ég var ekki búin í söngskól-
anum og var að ljúka við
kennaradeildina þegar Ingólfur
hafði samband við kennarann minn
og ég fór í prufu til hans. Ég hafði
enga trú á því að hann ætlaði að ráða
mig.“
Inga fór þá með sópranhlutverkið
í óratóríunni Árstíðirnar með Fíl-
harmoníunni og Úlriki Ólasyni.
„Ógleymanlegar minningar, eins ein-
söngur með Karlakór Reykjavíkur
og fleiri kórum.“
Tónleika hefur hún haldið á vegum
Inga Jónína Backman söngkona – 75 ára
Ógleymanlegar minningar
Ég hlakka til Inga samdi diskinn í samstarfi við Ólaf Vigni Albertsson.
Inga hefur farið með aðalhlutverk í
þekktum óperum og óratóríum og
sungið í kór um árabil.
Tónlist Kór Fella- og Hólakirkju söng nýverið til styrktar Úkraínu.
50 ÁRA Guðrún er fædd og uppalin á
Akureyri. Hún hefur verið eigandi lík-
amsræktarstöðva í heimabænum und-
anfarin 20 ár, ásamt því að kenna bog-
fimi, en sagði nýverið upp störfum og
flytur til Spánar í haust. „Þetta er
mjög spennandi. Það er ekki á döfinni
að opna aðra líkamsræktarstöð en mér
gengur vel í spænskunni.“ Guðrún er
grunnskólakennari að mennt frá Há-
skólanum á Akureyri. Áhugamál henn-
ar eru hreyfing, golf og ferðalög.
FJÖLSKYLDA Börn Guðrúnar eru
Ásgerður Jana Ágústsdóttir, f. 1996,
Júlíus Orri Ágústsson, f. 2001, og
Berglind Eva Ágústsdóttir, f. 2009. Faðir þeirra var Ágúst H. Guðmundsson,
f. 1967, d. 2021, fyrrverandi handboltaþjálfari og leikmaður. Foreldar Guð-
rúnar eru Gísli Jón Júlíusson, f. 1943, fyrrverandi framkvæmdastjóri og Val-
gerður Valgarðsdóttir, f. 1944, fyrrverandi hjúkrunarfræðingur og djákni.
Guðrún Gísladóttir
Til hamingju með daginn
Hafnarfjörður
Þórey Helga
Árnadóttir fæddist
14. september 2021
kl. 22.45. Hún vó
3.650 g og var 49
cm löng. Foreldrar
hennar eru Árni
Ólafur Árnason og
Lára Sif Sigurjóns-
dóttir.
Nýr borgari