Sjómannablaðið Víkingur - 01.04.2013, Page 15

Sjómannablaðið Víkingur – 15
unar og þess háttar. Tók það allt langan tíma. Þaðan var haldið
áfram um sunnanvert Sviss, ekið gegnum Lausanne og meðfram
Genfarvatni. Þar var mikil náttúrufegurð og gaman að horfa út
um lestargluggana. Við stefndum inn í Alpana og ókum um bú-
sældarlega dali og falleg sveitaþorp í átt að Simplon-skarði, sem
liggur milli Sviss og Ítalíu. Það var komið kvöld þegar við ók-
um inn í jarðgöngin, sem grafin voru undir skarðið. Lestin fór
nú mun hægar. Simplon-göngin eru með lengstu jarðgöngum
tæpra sjötíu þúsund feta löng og voru tekin í notkun 1906.
Okkur fannst þau vera ógnarlöng, enda orðnir þreyttir og
slæptir og óþolinmóðir eftir að komast til þægilegrar hvíldar
hinum megin, þar sem Ítalía beið okkar.
Þegar við komum loks út úr jarðgöngunum var komin nótt.
Þaðan ókum við um 10 mílur um myrka Ítalíu þar til lestin
nam staðar við járnbrautarstöð í Domodossola (Domo d‘
Ossola) og fór ekki lengra. Þarna átti ítölsk lest að vera og flytja
okkur áfram suður yfir Pósléttuna til Genúa, næstum því beint
í suður frá Domodossola, en enginn kom til að leiðbeina okkur.
Franska lestin var farin, mannabústaðir voru fjarri og enga
hreyfingu að sjá. Við vorum þarna yfirgefnir og vegalausir, 19
manna hópur sjómanna norðan úr Dumbshafi, ráðalausir og
mállausir, enda við engan að tala þó að við hefðum kunnað eitt-
hvað í Ítölsku. Ég kunni að vísu eina setningu, sem er svona:
„Un bicchere di vino bianco“ og þýðir: „eitt glas af hvítvíni“.
Nú brestur mig minni um það hvernig við komumst úr þess-
um vandræðum. En það muna fleiri en ég, að þarna áttum við
illa vist. Þar var hvergi hægindi til að geta hvílst, aðeins járn-
brautarteinar og harðir brautarpallar og tómir vagnar. En ein-
hvern vegin tók þetta enda.
Ég man óljóst eftir því að þegar við vorum að losna úr þess-
um óþægindum, var sem snöggvast komið inn í einhverja vín-
krá og ég gat notað ítölsku orðin, sem ég kunni og svalað sár-
um þorsta með hvítvíni. Mér er nær að halda að við höfum
hírst á þessum leiðindastað meiri hluta nætur því að það var
ekki fyrr en næsta dag, sem við komumst í lest, sem flutti
okkur suður alla Pósléttuna, gegnum Mílanó og til Genúa. Þá
vorum við loks komnir á leiðarenda eftir 15 daga viðburðaríkt
ferðalag frá Reykjavík. Þetta var síðdegis miðvikudaginn 31.
júlí.
Simplon göng eru enn þann dag í dag ein lengstu lestargöng í heimi og nánast
verkfræðilegt undur. Þau eru um 20 kílómetrar að lengd frá Iselle-brautarstöð-
inni, í samnefndum bæ á Ítalíu, til Brig-brautarstöðvarinnar í Sviss. Báðar
þessar stöðvar voru byggðar gagngert til að þjóna Simplon göngunum er voru
fyrst opnuð fyrir umferð árið 1906. Gerð þeirra lauk þó ekki endanlega fyrr en
1921 – margt tafði fyrir, meðal annars fyrra stríð.
Sjómennt – fræðslusjóður sjómanna og útgerðarfélaga
PIPA
R\TBW
A

SÍA
13
0713
SJÓMANNASAMBAND ÍSLANDS LANDSSAMBAND ÍSLENSKRA ÚTVEGSMANNA
sjomennt.is sjomennt@sjomennt.is sími: 514 9601
Kynntu þér
rétt þinn á
sjomennt.is
Félagsmenn Sjómenntar sem unnið hafa í að minnsta kosti sex mánuði
á síðastliðnum tólf mánuðum geta sótt um styrk til félagsins:
Samtök atvinnulífsins (SA), Landssamband íslenskra útvegsmanna (LÍÚ)
og Sjómannasamband Íslands (SSÍ) standa að Sjómennt.
starfstengt nám eða námskeið tómstundastyrkir meirapróf
kaup á hjálpartækjum vegna lestrar- eða ritörðugleika
Átt þú rétt á

styrk?