Sjómannablaðið Víkingur - 01.04.2014, Qupperneq 22

22 – Sjómannablaðið Víkingur
Í þættinum, Utan úr heimi hér aftar í blaðinu, dregur Hilmar
Snorrason athygli okkar að beittari stefnu Svía í málefnum
kaupskipaflota síns. Á næstu 6 árum ætla þeir að margfalda
kaupskipaflotann að stærð sem mun hafa mikil áhrif á sænskt
efnahagslíf. Hér á landi er engin stefna eða framtíðarsýn í þess-
um málum – nema ef kalla má uppgjöf stefnu.
„Nú er svo komið að aðeins eru 7 kaupskip mönnuð sjó-
mönnum búsettum á Íslandi“, var upplýst á ráðstefnunni. Þessu
verður að snúa við. „Það er ekki frjáls þjóð sem ekki ræður yfir
kaupskipaflota sínum,“ fullyrða formennirnir og skora á íslensk
stjórnvöld að grípa strax til aðgerða. „Íslensk kaupskipaútgerð
er þegar aflögð en tryggja verður að atvinnugreinin geti lifnað
við og átt möguleika til framtíðar. Ljóst má vera að inn- og út-
flutningur þjóðarinnar mun ávallt byggjast á sjóflutningum.“
*
Landhelgisgæslan var til umræðu og vöruðu fundarmenn
eindregið við þeirri sparnaðartilhneigingu sem gætt hefur
undanfarin ár í garð Gæslunnar. „Það er óviðunandi að skip
Landhelgisgæslunnar liggi bundin við bryggju meirihluta árs-
ins. Það eru lágmarkskröfur að minnsta kosti einu skipi sé
haldið á miðunum kringum landið á hverjum tíma. Öryggi
sjófarenda er í húfi.“
Sama hefur verið uppi á teningnum varðandi Hafrannsókna-
stofnun. Þar er sparað og sparað jafnvel þótt viðfangsefnið sé
sjálft lífsblóð hinnar íslensku þjóðar, fiskurinn og miðin. Um
þetta var meðal annars ályktað: „Ómæld verðmæti fara forgörð-
um að óbreyttu ástandi. Það er algjör lágmarkskrafa að tryggt sé
að rannsóknarskip stofnunarinnar séu nýtt til rannsókna af full-
um krafti allt árið, en liggi ekki í höfn langtímum saman vegna
fjárskorts.“
*
Í hálfa öld þótti íslenskum stjórnvöldum rétt að taka tillit til
eðlis sjómennskunnar. Og þótt það hafi ef til vill ekki verið
kannað vísindalega má gera því skóna að meirihluti íslensku
þjóðarinnar sé þessu sammála. Sem sé að sjómenn eigi að njóta
skattalegra hlunninda. Engu að síður sáu þáverandi oddvitar
þjóðarinnar ástæðu til að reka hornin í sjómannaafsláttinn og
afnema hann. Þessu var mótmælt á formannaráðstefnu Far-
manna- og fiskimannasambands Íslands: „Hjá öllum siðmennt-
uðum þjóðum þar sem sjómennska er stunduð njóta sjómenn
Þeim tilmælum var beint til sameiginlegrar samninganefndar fiskimanna „að kvika í engu frá þeim árangri sem náðst hefur í slysatryggingu fiskimanna.“ Það hefði
tekið marga áratugi að koma þeim í það horf sem sjómenn þekkja í dag og því „óðs manns æði“ að gefa nokkuð eftir í þeim efnum. Mynd: Davíð Már Sigurðsson
Skrúfupressur
og stimpilpressur
Lofthreinsibúnaður
Loftkútar - Loftsíur
Lofttengibúnaður
Loftþurrkarar
Ýmsar stærðir og gerðir
Einstaklega hljóðlátar
Þýsk gæði
Skeifan 3E-F · Sími 581-2333 · Fax 568-0215 · www.rafver.is
F A G M E N N S K A A L L A L E I Ð