Sjómannablaðið Víkingur - 01.04.2014, Blaðsíða 42
42 – Sjómannablaðið Víkingur
gera lífverum erfitt um vik að komast í gegn. Til margra ára var
hindrun í gamla skurðinum sem var Bitter Lake en þar var mjög salt
vatn en á heilli öld tapaðist virkni þess með sífelldum breytingum á
skurðinum. Bent var á að Súesskurðurinn væri besta dæmið í heim-
inu um þá breytingu sem er að verða um öll heimsins höf og þetta
væru mjög erfið og flókin vandamál sem verið væri að etja við.
Slæmt vaktakerfi
Breska sjóslysanefndin (MAIB) hefur enn eina ferðina hafið herferð
gegn tveggja vakta kerfinu sem gjarnan gengur undir heitinu 6/6
vaktakerfi. Fyrir nokkrum árum lagði sjóslysanefndin að breskum
stjórnvöldum að leggja til á vettvangi Alþjóðasiglingastofnunarinn-
ar (IMO) að skylda skip til að vera með að lágmarki tvo stýrimenn
auk skipstjóra. Ekki áttu Bretar erindi sem erfiði því tillaga þeirra
var felld. Fram hefur komið í máli MAIB að gífurleg þreyta sé með-
al þeirra sem ganga vaktir eftir þessu kerfi og hefur mátt rekja
mörg alvarlegustu sjóslys síðari ára til þess að stjórnendur hafa
sofnað á vaktinni og siglt í strand eða lent í árekstri. Samtök kaup-
skipaútgerða hafa bent á að lausnin sé í sjónmáli með nýju STCW
reglunum sem taka að fullu gildi 1. janúar 2017 en þar er komið
inn ákvæði um vinnu- og hvíldartíma sem og að skylt sé að skrá
vinnutíma hvers skipverja fyrir sig. Hinsvegar hefur verið bent á að
í rannsókn sem framkvæmd var af Southampton Solent háskólanum
(SSU) um skráningar á vinnutíma kom fram að 80% 177 skipstjórn-
armanna og undirmanna sem ganga vaktir viðurkenndu að hafa
falsað skráningar á vinnu- og hvíldartíma sínum til að eiga ekki á
hættu að skip þeirra yrðu kyrrsett. Einnig kom í ljós að sumir
viðurkenndu að ástæða þess að þeir fölsuðu skráningar sínar mætti
rekja til þess að þeir hefðu áhyggjur af viðbrögðum félaga sinna.
Dæmdur skipstjóri
Nýlega dæmdi skoskur dómstóll skipstjóra til fjögurra mánaða
fangelsis. Hann var fundinn sekur um að hafa verið undir áhrifum
áfengis við stjórn skipsins. Mældist hann fjórfalt yfir leyfilegum
mörkum eftir að skipið kom til hafnar í Dundee. Það var hafnsögu-
maðurinn sem tók skipið, Frifjord (1.212 BT), inn til hafnarinnar
sem lét lögregluna vita. Hafði hann séð á skipstjóranum, Andrejs
Borodins, að hann var ófær um að taka við fyrirmælum sem og að
hann var mjög óstöðugur. Fyrir dómaranum sagðist Andrejs hafa
verið orðinn útkeyrður eftir margra vikna 6/6 vaktir fram og til
baka. Hann hafi af þeim ástæðum byrjað að drekka. Hann hefði nú
líklegast sloppið við dóm hér á landi miðað við sögu íslenska
dómskerfisins.
Redding sem kostaði sitt
Kínverskur annar stýrimaður og skipstjóri á stórflutningaskipinu
Bulk Ingenuity, sem skráð er í Hong Kong, voru sektaðir fyrir að
hafa ekki um borð viðeigandi sjókort og leiðsögubækur yfir það
svæði sem þeir voru að sigla um Great Barrier rifið og Torres Strait
í Ástralíu. Voru þeir dæmdir til sekta sem samanlagt hljóðuðu upp
á 13 milljónir króna. Stjórnstöð siglinga þar í landi varð vör við að
skipið sigldi utan skipulagðrar siglingaleiðar og vaknaði þá grunur
um að eitthvað væri að og voru því þegar sendir um borð
skoðunarmenn þegar skipið kom til hafnar. Menn urðu afar undr-
andi þegar þeir komust að því að sjókortin um borð fyrir svæðið
sem skipið sigldi um voru ljósrit en ekki eiginleg sjókort.
Dýr tjón
Í nýlegri skýrslu um tryggingar fyrir árin 2009 til 2013 kemur í
ljós að tjón af völdum skipsstranda voru dýrustu tjón sem
tryggingafélögin urðu að greiða út í sjótjónum. Það mun þó aðeins
vera eitt atvik sem ýtir þessum flokki upp í hæstu hæðir og það er
strand Costa Concordia. Það bendir allt til þess að það strand geti
orðið dýrasta sjótjón allra tíma en á þeim vafasama toppi eru líka
Exxon Valdez og Rena. Það sem af er árinu 2014 eru 80% tjóna
tryggingafélaganna sem tengjast flugi en þar á eftir koma eldsvoðar
sem tengjast orkuöflun.
Hulduskip
Þann 1. desember sl. urðu vegfarendur á grísku eyjunni Zakynthos
varir við flutningaskip sem siglt hafði verið á land við flóa sem
heitir Porto Vromi í Anafonitria. Þegar yfirvöld komu á vettvang
var farið um borð til að kanna hversu sætti. Kom þá í ljós að
enginn var um borð. Við nánari leit reyndist lest skipsins hálffull af
kössum sem innihéldu sígarettur. Skipsskjöl fundust um borð sem
gáfu til kynna að skipið bæri nafnið Amaranthus en einnig voru
skjöl um að það héti Isik 2 og bar skipið fána Moldavíu. Skipið
reyndist vera rúmir 55 metrar að lengd og gat lestað um 700 tonn.
Um borð fannst einnig áhafnarlisti og gáfu nöfn skipverja til kynna
að þeir væru úkraínskir. Ekki hefur fundist tangur né tetur af skip-
verjunum. Sjór var tekinn að leka inn í lest skipsins en göt komu á
skrokk þess þegar það lamdist utan í grjót. Var slökkvilið fengið til
að dæla úr skipinu og þétta göt svo unnt yrði að draga það til
hafnar. Telja menn að þarna hafi verið á ferðinni skip smyglara sem
komist hafi í óvænt vandræði.
Amaranthus yfirgefið hálffullt af sígarettum