Sjómannablaðið Víkingur - 01.04.2014, Blaðsíða 29

Sjómannablaðið Víkingur – 29
útvarp, það eina í sveitinni á þessum
tíma. Þangað kom síðan fólk af öðrum
bæjum til að hlusta á herlegheitin.
Þannig var það einmitt, bóndi af ná-
grannabæ heyrði fréttina tilkynnta í út-
varpinu, hann var djúpt snortinn tíð-
indunum, fannst þau raunar það
merkileg að hann stökk á bak hrossi sínu
og reið um alla sveitina til að færa bænd-
um þessi válegu tíðindi.
6.
Nokkrum dögum síðar var ellefu ára
dama sem síðar varð eiginkona Guð-
mundar, Ingibjörg Dan Kristjánsdóttir,
stödd í Austurstræti í Reykjavík og varð
vitni að því þegar líkfylgdin fór hjá, allar
líkkisturnar með franska fánann breidd-
an yfir sem verið var að flytja upp í
kaþólsku kirkjuna. Og þótt ung væri
fann Ingibjörg greinilega þá miklu og
þungu sorg sem hvíldi yfir borginni,
sársaukann og samúðina og þetta hafði
svo djúp áhrif á hana að hún man þetta
vel enn þann dag í dag. Öll Reykjavík,
allt Ísland syrgði þessar frönsku sjó-
hetjur.
Til marks um mikilvægi framlags
Charcots til vísindasögunnar má nefna
að nýjasta hafrannsóknaskip frönsku haf-
rannsóknastofnunarinnar, Ifremer, nefn-
ist Pourquoi-Pas? en með því vill franska
vísindasamfélagið heiðra minningu
Charcots og manna hans á fyrri hluta 20.
aldarinnar.
Í Þekkingarsetri Suðurnesja er lítið
safn tileinkað minningu Charcot og
óslökkvandi þekkingarþrá og sýning sem
ber yfirskriftina „Heimskautin heilla“.
Sjá nánar á vefnum: http://stofnanir.hi.is/
sudurnes/charcot_verkefnid. Þar eru
sögulegt safn og nútímalegar vísindar-
annsóknir stundaðar undir einu þaki og
unnið að öflun nýrrar þekkingar á lífrík-
inu í hafinu, unnið í anda Jean-Baptiste
Charcots og samstarfsmanna hans sem
lögðu lífið í sölurnar fyrir þekkingar-
leitina.
Höfundur er þýðandi og situr í verkefnis-
stjórn sýningarinnar Heimskautin heilla.
Sálumessa var flutt í Landakotskirkju. Meulenberg biskup minntist hinna látnu og sérstaklega dr. Charcots,
trúarhita hans og örlætis – en hann gaf kirkjunni líkneski af Jóhönnu af Örk, upplýsti biskupinn. Orð hans
hljómuðu yfir hafið, alla leið til Parísar, þar sem sorgmæddir borgarbúar námu hvert orð eins og það væri
talað yfir borðið til þeirra. Stuttbylgjutæknin fleytti ræðu biskups yfir hafið. Hluttekning og sorg íslensku
þjóðarinnar var líka mikil sem hún sýndi í verki. Mikinn mannfjölda dreif að Landakotskirkju og þéttar
raðir fólks voru á milli hennar og skips er beið að flytja líkin utan. Fjölmennari líkfylgd hefur naumast sést
í Reykjavík, hvorki fyrr né síðar.
Líkfylgdin kemur niður á Grófarbryggju, búin að fara um Túngötu, Kirkjustræti, Pósthússtræti og Tryggvagötu. Herflutningaskipið Aude bíður þess að flytja líkin utan