Sjómannablaðið Víkingur - 01.04.2014, Blaðsíða 50

50 – Sjómannablaðið Víkingur
„Hvernig gengur, Valli minn?“
Valla varð hins vegar svo mikið um að stilliskrúfan hrökk
ofan í hann og varð Drangeyjan ásamt mannskap að bíða í ein-
hverja daga eftir því að skrúfan skilaði sér niður!
*
Nokkrir sjóarar á Króknum sátu um árið og sögðu sögur í
beituskúrunum á gömlu trébryggjunni sem stóð sunnan við
Skjöld, eða Verið í dag. Meðal þeirra voru Agnar Sveinsson og
Hörður Guðmundsson, eða Hörður Fríðu. Skömmu áður hafði
Agnar veitt risaþorsk úti á firði sem vó heil 24 kíló, sem var
með því allra mesta sem hafði veiðst á þeim slóðum. Hörður
hafði hins vegar verið á snurvoð og flækt netin í Willys-jeppa
frá Hellulandi sem flotið hafði út á sjó eftir að hafa stöðvast úti
í miðjum Héraðsvötnum nokkrum árum áður.
Hófst sagnastundin á því að Agnar sagðist hafa fengið þenn-
an svakalega þorsk á færi.
„Hann var 36 kíló á þyngd,“ sagði Agnar og baðaði út öllum
öngum.
„Þetta er nú ekki merkilegt,“ sagði Hörður. „Ég fékk Willys-
inn frá Hellulandi í snurvoð um daginn og þegar ég sá hann
koma að bátnum var engu líkara en að hann kæmi keyrandi
upp úr hafinu og um borð. Og það merkilega var að ljósin voru
enn kveikt á honum.“
„Nei, nú ýkirðu,“ sagði Agnar, „ljósin hafa nú ekki verið
kveikt á honum!“
Þá svaraði Hörður að bragði:
„Ja, ef þú tekur 10 kíló af þorskinum þá skal ég slökkva
ljósin á bílnum!“
*
Guðjón Sigurðsson bakari var athafnasamur í bæjarlífinu, á
kafi í pólitíkinni fyrir Sjálfstæðisflokkinn og einn af burðarás-
um Leikfélags Sauðárkróks um árabil, svo fátt eitt sé nefnt.
Guðjón var gamansamur og átti það til að gera mönnum grikk
ef sá gállinn var á honum. Eitt sinn kom hann labbandi utan af
bryggju með reiðinnar býsn af hrefnukjöti undir höndum. Mæt-
ir hann þá einum félaga sínum, Friðriki Júlíussyni, Frissa Júll,
sem spyr hvar hann hafi fengið allt þetta hrefnukjöt. Frissi
hafði fyrir stóru heimili að sjá, líkt og algengt var á Krók, og
leituðu menn allra leiða til að færa björg í bú.
„Elsku drengurinn,“ segir Guðjón, „ég fékk þetta hjá honum
Jóni Friðbjarnar. Farðu bara til hans.“
Grunlaus arkar Frissi af stað heim til Jóns og bankar uppá.
Jón kemur til dyra og Frissi ber upp erindið:
„Átt þú hrefnu?“ spyr hann.
„Ha, hrefnu?“ segir Jón og Frissi bætir þá við:
„Já, mér er sagt að þú sért með hrefnukjöt.“
Verður Jón þá hvumsa við og skellir hurðinni framan á nefið
á Frissa, sem hafði bitið á agnið hjá Guðjóni og gleymt því um
stund að kona Jóns hét nefnilega Hrefna!
O p t i m a r - I c e l a n d | S t a n g a r h y l 6 | 1 1 0 R e y k j a v í k | S í m i 5 8 7 1 3 0 0 | F a x 5 8 7 1 3 0 1 | o p t i m a r @ o p t i m a r . i s | w w w . o p t i m a r . i s
Mjög mikilvægt er að kæla aflann hratt fyrstu klukkustundirnar eftir veiði, það lengir geymsluþol verulega.

Notkun ísþykknis frá Optimar Ísland er góð aðferð til að ná fram hámarks kælihraða því flotmikið og fínkristallað
ísþykknið umlykur allt hráefnið og orkuyfirfærslan er því gríðarlega hröð. Þessi hraða orkuyfirfærsla hamlar
bakteríu- og örveruvexti og hámarks gæði aflans eru tryggð.
Hröð niðurkæling er það sem Optim-Ice® ísþykknið snýst um.
Tryggir gæðin alla leið!
16
14
12
10
8
6
4
2
0
-2
0 1 2 3 4 5 6
Tími (klst)
H
ita
st
ig
(°
C
)
Hefðbundinn ís
Ísþykkni
NIÐURKÆLING Á ÝSU
Heimild: Seafish Scotland
Sjáumst á bás B 20