Fréttablaðið - 08.10.2022, Blaðsíða 30

Djassbandið ADHD slær upp
útgáfutónleikum áttundu
plötu sveitarinnar á Húrra
þann 13. október. Sama
kvöld verður fyrsta mynd-
band ADHD frumsýnt, sem
er aldeilis tímabært þar sem
sveitin var stofnuð fyrir 13
árum síðan.
ninarichter@frettabladid.is
Liðsmönnum sveitarinnar
má lýsa með orðunum:
Úti um allt. Helmingur
bandsins er mættur í við-
tal. Magnús Trygvason
Eliassen trymbill sveitarinnar
flettir dagblöðum og býr til tifandi
takt í herbergið á meðan Óskar
Guðjónsson saxófónleikari grípur
spurningar blaðamanns og talar
stundum fyrir hönd þeirra beggja,
segir nýja myndbandið unnið út
frá grunnstefi sveitarinnar, „tele-
pathíunni“, eða hugsanalestrinum
þar sem liðsmenn renna í eitt. Hug-
myndin endurspeglast í tónlistinni,
sem er leiðandi, seiðandi og róandi.
Kemur hlustandanum á bylgju.
Liðsmenn með öllum alls staðar
Auk Magnúsar og Óskars skipa
sveitina bróðir hins síðarnefnda,
Ómar Guðjónsson gítarleikari, og
svo yngsti meðlimur sveitarinnar
Tómas Jónsson píanó- og hljóm-
borðsleikari. Fjóreykið hefur spilað
með fjölda íslenskra sveita og á
snertif leti við óteljandi útgáfur
og tónleika. Súpergrúppa, mætti
segja. Blaðamaður heyrði því fleygt
fyrir nokkru að skipuleggja þyrfti
íslenska arm Airwaves-hátíðar-
innar í kringum dagskrána hans
Magnúsar, eða Magga trommara
eins og hann er gjarnan kallaður.
Hann væri einfaldlega að spila með
öllum. „Ekki lengur, maður er orð-
inn svo gamall,“ segir Maggi hógvær
og skellihlær. Óskar bætir við þetta:
„Maggi spilaði á sínum tíma þrenna
tónleika á hverjum degi á Airwaves,
en ég náði einu sinni að vinna hann
á Djasshátíð. Ég var giggmaster og
náði 27 giggum á 21 degi,“ segir
hann. Maggi svarar um hæl: „Já, en
þú varst náttúrulega heldur ekki á
lífi eftir það dæmi.“
Hefur blótað öllum í sand og ösku
Óskar játar því. „Maður er alveg tvö
ár að jafna sig eftir það,“ segir hann
og það liggur á milli hluta hvort
honum sé alvara. „En maður getur
sneitt sig of þunnt. Ég held að við
allir finnum fyrir því þegar maður
eldist, þá vill maður fókusera sig.
Það er hluti af þroskaferlinu að í
byrjun vill maður spila allt,“ segir
hann og bætir við að ADHD hafi
þó alltaf verið ofarlega í forgangs-
röðinni hjá þeim öllum. „En ég hef
alveg reytt af mér hárið heima,
alveg brjálaður af því að við séum
allir bókaðir úti um allt. Ég skal
viður kenna það og vera alveg
hreinskilinn. Ég hef blótað þeim
öllum í sand og ösku,“ segir Óskar.
„Takk fyrir það,“ segir Maggi glett-
inn.
Rosalega erfitt í faraldrinum
Það má velta því fyrir sér hvað
svona ástríðufullir tónlistarmenn
væru að fást við, væru þeir ekki
í tónlistinni. Óskar segist aldrei
gætu unnið níu til fimm vinnu. „En
listrænn hæfileiki er úti um allt og
ég held að allir séu listamenn. Það
þarf listamann til að ala upp barn.
Það þarf listamann til að gera dag-
blað og til að gera allt, þannig að
ég held að við myndum bara finna
farveg fyrir þessa skapandi orku,“
segir hann. „Ég hef stundum djókað
með að ég væri örugglega að kokka
á leikskóla. Ég myndi örugglega
gefast upp á því, smíða og nálgast
þannig föður minn sem er bygg-
ingameistari. Svo myndi ég sauma
kjóla eins og mamma. Maður væri
bara úti um allt að leita,“ segir hann
og bætir við að í rauninni hefðu
þeir þurft að gera einmitt það í
heimsfaraldrinum.
„Þetta var skrýtinn tími og fyrir
mig var þetta rosalega erfitt. Maður
er búinn að fá tilfinningalega útrás
og vera maður sjálfur uppi á sviði
síðan maður var fimmtán ára gam-
all. Svo ertu settur í sófann í tvö ár,“
segir Óskar. Tónlistin sé þannig svo
stór hluti af sjálfinu að ekkert annað
geti komið í staðinn fyrir það, og
það sé mannskemmandi að geta
ekki sinnt henni.
Maggi samsinnir því. „Tónlistin
er örugglega töluvert meira af okkar
sjálfi en við gerum okkur grein fyrir
líka.“
Tónlistin í heilögum þríhyrningi
Óskar segist hafa liðið eins og tígris-
dýri í búri. „Það myglaði eitthvað
inni í manni, sem braust síðan út
í einhverjum tígrísdýraöskrum.
Maður var eins og mannýgt tígris-
dýr inni í sama herberginu að reyna
að æfa sig,“ segir hann og líkir tón-
listarsköpuninni við einhvers konar
heilagan þríhyrning. „Maður æfir
einn, maður æfir sig með bandi og
svo spilar maður fyrir framan fólk,“
segir hann og ítrekar að ef hann geti
ekki spilað fyrir framan annað fólk,
þá deyi eitthvað í hinu. „Það gengur
bara ekki upp að sitja einn.“ Maggi
segir að bein streymi hafi verið góða
tilraun sem skildi þó ekkert eftir sig.
„Svo ertu með dauðan hlut í and-
litinu.“
Tónleikar snúast um raforkuna
Óskar samsinnir því og segist ekki
heldur hafa getað horft á streymis-
tónleika, þrátt fyrir tilraunir. „Ég
reyndi að horfa, ég keypti mér
eitthvert streymi. En ég gafst upp
í öðru lagi. Þetta snýst ekkert um
þetta. Við sitjum hérna saman inni
í herbergi og við finnum fyrir raf-
orku hver annars. Þú finnur um
leið hvort þér líður vel í kringum
fólk eða ekki. Það er það sem þú
ert að sækja í tónleika, að líða vel
í kringum fólk sem er að segja þér
eitthvað,“ segir Óskar. Þegar fólk sé
ekki saman í rými heyri það aðeins
hluta skilaboðanna. „Við þurftum
kannski Covid til að sjá mikilvægi
sviðslista, sjá hvað gerist þegar þær
detta út. Manni fannst ekkert voða-
lega sanngjarnt að vinir manns
gætu allir unnið og á meðan átti
maður að sitja heima,“ segir hann.
Davíð Þór hætti eftir sjöttu plötu
Áttunda plata ADHD er uppgjör
við Covid-tímabilið. Hin sjöunda
hafi einnig verið uppgjörsplata
við mannabreytingar hjá sveitinni
þegar Davíð Þór Jónsson píanisti,
sem hafði leikið með bandinu á
fyrstu sex plötunum, fór í önnur
verkefni. „Hann fór í tímabundið
leyfi, eins og ég kalla það,“ segir
Óskar glettinn. „Hann hætti vegna
þess að hann átti tvær mjög ungar
dætur á þessum tíma og vildi ekki
túra. Við höfðum mikinn skilning á
því. Þetta var gert í algjöru bróðerni
og vináttu,“ segir hann. Þannig kom
Tómas, yngsti meðlimur sveitarinn-
ar, til skjalanna. Hann hafði fyrst
komið inn í ADHD til að leysa Davíð
af, en þá var Tómas aðeins sextán
ára. Maggi segir hljómsveitina hafa
fengið leyfi hjá foreldrum Tómasar
til að taka hann með til Akureyrar
að spila.
Nýtt upphaf á
fæðingarstað ADHD
„Og þá gerðum við plötu sem var
svona uppgjör eða þakkargjörð
fyrir það tímabil sem við áttum
með Davíð,“ segir Óskar. „Þannig
að plata átta er nýtt upphaf og við
fórum á byrjunarstað hljómsveitar-
innar. Við fórum á Höfn í Hornafirði
og tókum plötuna upp í kirkjunni.“
Óskar segir hljómsveitarmeðlimi
hafa fundið að þar væri á ferðinni
eitthvað einstakt sem þeir þyrftu
að grandskoða alla leið. Þannig leið
ekki á löngu þar til þeir voru byrj-
aðir að túra, sem hann tekur fram
að þeir hafi ekki skipulagt sjálfir og
þeir félagar þakka sínu samstarfs-
fólki innilega fyrir það. „Þetta var
gífurleg heppni að við byrjuðum
að túra og við höfum ekkert hætt
að túra.“
Segja tónlist eiga alltaf erindi
ADHD spilar tónlist inn í gerólíkt
samfélag því sem var á fyrstu árun-
um og með tilkomu samfélagsmiðla
er auðveldara fyrir alla að hafa
skoðun á öllu, og aldrei verið auð-
veldara að miðla téðri skoðun.
Hvað varðar tónlistarlegt erindi
og boðskap, má spyrja hvort tónlist
þurfi að eiga erindi til að skipta máli
og vera góð list?
„Tónlist á alltaf erindi,“ segir
Óskar alvarlegur. Aðspurður hvort
að það eigi við um alla tónlist, svara
þeir báðir játandi. „Tónlist er ein-
hvers konar eilífð með þessari raf-
orku. Þetta er bara fyrir hvern og
einn að finna hvaða músík það er
fyrir hann sem virkar,“ segir Óskar.
Maggi bætir við að öll tónlist eigi
erindi vegna þess að einhver hlusti
á eitthvað af allri tónlist. Óskar segir
að músíkantinn sé alltaf að hlusta.
Þannig að það er engin tónlist sem
skiptir engu máli?
„Neibb, það er ekki til,“ svarar
Óskar. „Hvort sem okkur líkar betur
eða verr,“ bætir Maggi við. n
En maður getur sneitt
sig of þunnt. Ég held að
við allir finnum fyrir
því þegar maður eldist,
þá vill maður fókusera
sig. Það er hluti af
þroskaferlinu að í
byrjun vill maður spila
allt.
Óskar Guðjónsson,
saxófónleikari
Öll tónlist á erindi
hvort sem okkur líkar betur eða verr
Djasssveitin ADHD fagnar útgáfu áttundu breiðskífu sinnar með útgáfutónleikum á Húrra. Platan kemur út á bæði
vínyl og geisladiski, auk þess að vera aðgengileg á Spotify. FRÉTTABLAÐIÐ/ANTON BRINK
30 Helgin 8. október 2022 LAUGARDAGURFRÉTTABLAÐIÐ