Fréttablaðið - 08.10.2022, Blaðsíða 10

Fólk er að uppgötva
þetta svæði.
Gunnar Axel
Axelsson,
bæjarstjóri í
Vogum
Álagðir fasteignaskatt-
ar sveitarfélaganna
hækkuðu um 50,2
prósent á hvern íbúa á
árunum 2015-2021.
Byggingarland fyrir íbúðir
í nágrenni Voga dugar til
að svara allri íbúafjölgun
Íslands, að sögn bæjarstjóra.
Íbúabyggð er skipulögð fyrir
tugþúsundir landsmanna.
bth@frettabladid.is
VOGAR Sveitarfélagið Vogar er
framkvæmdaglaðasta sveitarfélag
landsins þessa dagana er kemur að
nýbyggingum á íbúðarhúsnæði.
Magn íbúða í smíðum í Vogum
nemur um 22 prósentum af fjölda
allra íbúða í sveit ar fé lag inu. Þar er
þó ekki öll sagan sögð, því í burðar­
liðnum eru 800 íbúðir í 1.500 íbúða
hverfi í svokallaðri Grænubyggð.
Enn frekari áætlanir um ný og stór
hverfi eru í bígerð.
Gunnar Axel Axelsson, bæjar­
stjóri í Vogum, segir að skráðir íbú­
ar í sveitarfélaginu séu um 1.400.
Gert sé ráð fyrir tvöföldun íbúa á
næstu árum, jafnvel margföldun
síðar. Ekkert annað en innviðaupp­
bygging standi í vegi fyrir að Vogar
og nágrannasveitarfélög á Suður­
nesjum geti tekið við allri mann­
fjölgun Íslendinga næstu áratugi.
„Til langrar framtíðar erum við að
tala um að hér verði skipulögð íbúa­
byggð fyrir tugþúsundir íbúa. Hér er
nægt landrými, mikil atvinnuupp­
bygging og stutt í allar áttir,“ segir
Gunnar.
Hann segir að landsvæði á
Reykjanesi séu óplægður akur sem
gæti svarað íbúðaþörf allra lands­
manna í framtíðinni.
„Fólk er að uppgötva þetta svæði.“
Gríðarlegt byggingarland sé í
nágrenni Voga og byggðir muni
smátt og smátt þéttast í átt að
höf uð borgarsvæðinu . Hafnar­
fjörður horfi til svipaðra landsvæða
í uppbyggingu.
Ein lykilástæða fjölgunar íbúa í
Vogum er munur á fasteignaverði
miðað við höfuðborgarsvæðið.
Gunnar segir að í hans nágrenni
þurfi fólk heldur ekki að greiða
himin hátt verð fyrir lóðir líkt og
þekkist á höfuðborgarsvæðinu.
Kostur sé að sveitarfélagið sé mjög
stutt frá öðru þéttbýli.
Spurður hvort það sé þver­
sögn að mestur vöxtur Íslands sé í
sveitarfélagi sem samkvæmt jarð­
vísindum gæti orðið fyrir áhrifum
af Reykjaneseldum, segir Gunnar
mikilvægt sé að gera reglulega nýtt
áhættumat með tilliti til jarðvár.
„Við þurfum að skoða fleiri hluti
sem geta ógnað byggð í landinu.
Hætta og varnir vegna mögulegra
sjávarflóða er eitt sem þarf að setja
á dagskrá með sama hætti og við
höfum gert með góðum árangri á
sviði ofanflóðavarna,“ segir Gunnar.
„En nei, ég held að jarðeldar
standi ekki í vegi fyrir uppbyggingu
á Reykjanesi. Okkar sérfræðingar
eru sammála um að það sé hægt
að bregðast við eldgosum með til­
heyrandi vörnum ef hraunf læði
ógnar byggð.“ n
Áforma tugþúsunda byggð
Í burðarliðnum eru 800 íbúðir í hverfinu Grænubyggð. MYND/AÐSEND
bth@frettabladid.is
STJÓRNSÝSLA Bjarni Már Magnús­
son, prófessor í lögum við Háskól­
ann á Bifröst, segir svör yfirlög­
fræðings Landhelgisgæslunnar
staðfesta að mál séu í skralli hvað
varði réttar heimildir Gæslunnar til
að sinna löggæslustörfum.
Bjarni hélt fram í Fréttablaðinu
í gær að gloppa í lagatexta ylli því
að Landhelgisgæslan hefði ekki
haft vald til að beita lögregluvaldi
í hundruðum mála á hafsvæðinu
umhverfis Ísland. Ákvæði í lögum
um lögregluvald Landhelgisgæsl­
unnar vísi til efnahagslögsögu en
ekki annarra hafsvæða sem skil­
greind séu sem starfssvæði Gæsl­
unnar í lögum um hana.
Í svari yfirlögfræðings Land­
helgis gæslunnar segir að dómstólar
hafi aldrei dregið í efa að Gæslan
fari með lögregluvald innan þeirrar
línu sem marki ytri mörk efnahags­
lögsögu Íslands, jafnt innsævis sem
landhelgi. Efnahagslögsaga sé skil­
greind með öðrum hætti í lögum
nr. 41/1979, það er sem svæðið utan
landhelgi og út að ytri mörkum.
„Í fjölmörgum öðrum lögum er
heitið efnahagslögsaga hins vegar
notað sem samheiti yfir innsævi,
landhelgi og efnahagslögsögu og
getur það vissulega valdið misskiln­
ingi,“ sagði í svörum Gæslunnar.
Bjarni segir ekki skrýtið að dóm­
stólar hafi ekki dregið í efa þetta
vald þar sem dómstólar hafi aldrei
fjallað um atriðið. Dómstólar ættu
að fjalla um málið af sjálfsdáðum.
Þá segir Bjarni afhjúpandi að vísa
til ósamræmis á orðalagi í lögum.
Það sýni í raun að mál séu í skralli.
„Að mínu mati er það risavaxið
mál, því annars vegar eru réttindi
ríkja mismunandi í hverju og einu
lögsögubelti og hins vegar vegna
þess að málefni hafsins skipta
gríðarlega miklu fyrir íslenska hags­
muni.“ n
Svörin sýni mál í skralli hjá Gæslunni
gar@frettabladid.is
ÞJÓNUSTA Áform Lyfju ehf. um
að breyta fyrirkomulagi lyf ja­
afgreiðslu í Laugarási og ná samn­
ingi um að lyfjaafgreiðsla færist inn
á heilsugæsluna og í hendur starfs­
fólks þar veldur heimamönnum
áhyggjum.
„Með þessu breytta fyrirkomu­
lagi er hætt við að þjónusta við
notendur heilsugæslunnar verði
skert, til dæmis hvað það varðar
að fá lyfseðilsskyld lyf afgreidd í
beinu framhaldi af læknisheim­
sókn,“ bókar sveitarstjórn Gríms­
nes­ og Grafningshrepps og hvetur
til þess að lyfjaafgreiðsla verði með
óbreyttu sniði í Laugarási. „Um
mikilvæga þjónustu er að ræða
fyrir íbúa alls svæðisins, sem sækja
þjónustu heilsugæslu í Laugarási.“ n
Óttast skerta lyfjaþjónustu í Laugarási
Bæjarstjórnin hvetur til þess að lyfjaafgreiðsla verði með óbreyttu sniði.
gar@frettabladid.is
FJÁRMÁL „Útreikningur fasteigna­
mats er ógegnsær og uppfyllir ekki
þá einföldu kröfu að skattgreið­
andinn skilji hvernig skatturinn er
reiknaður út,“ segir í áskorun á ríki
og sveitarfélög að hindra að gífur­
legar verðhækkanir á fasteignum
skili sér í hækkun fasteignagjalda.
Félag atvinnurekenda, Hús­
eigendafélagið og Landssamband
eldri borgara segja í sameiginlegri
áskorun að ríki og sveitarfélög þurfi
að ná saman um leiðir til að breyta
„óskiljanlegu og ósanngjörnu kerfi
þar sem skattlagning fólks og fyrir­
tækja eltir sveif lur í eignaverði“.
Fasteignamat hafi hækkað um 9,9
prósent milli ára og án aðgerða leiði
sú hækkun til samsvarandi hækk­
unar fasteignaskatta og ­gjalda.
„Álagðir fasteignaskattar sveitar­
félaganna hækkuðu um 50,2 pró­
sent á hvern íbúa á árunum 2015­
2021. Það var rúmlega tvöföld
hækkun neysluverðsvísitölu á sama
tíma, sem nam 24 prósentum,“ er
bent á. Eldri borgarar séu í sérstak­
lega viðkvæmri stöðu því þeir geti
yfirleitt ekki sótt sér auknar tekjur
til að mæta hærri skattbyrði.
„Fasteignamatið er aðallega
gjaldstofn fyrir ýmsar opinberar
álögur en er að öðru leyti til lítils
gagns. Mikla peninga og mannafla
kostar að halda því úti, sem skýtur
skökku við á meðan fjármálaráð­
herra boðar einföldun og fækkun
stofnana í ríkisrekstrinum. Auðvelt
væri að nota annan gjaldstofn, til
dæmis brunabótamat, fermetra­
fjölda eða aðra viðmiðun sem fylgir
ekki sveif lum í fasteignaverði og
dregur þannig á eftir sér sjálfvirka
röð hækkana,“ segir í áskorun fyrr­
nefndra aðila.
„Hú seigendafélag ið, Lands­
samband eldri borgara og Félag
atvinnurekenda skora á Bjarna
Benediktsson fjármálaráðherra og
Sigurð Inga Jóhannsson ráðherra
sveitarstjórnarmála að beita sér
fyrir viðræðum við sveitarfélögin og
hagsmunaaðila um að breyta lögum
um fasteignamat og tekjustofna
sveitarfélaga og koma á gegnsærra
og sanngjarnara kerfi.“ n
Vilja fá sanngjarnari fasteignagjöld
Skorað er á ráðherra sveitarstjórnamála og fjármálaráðherra að beita sér
gegn hækkun fasteignagjalda. FRÉTTABLAÐIÐ/ANTON BRINK
Georg Lárus-
son, forstjóri
Landhelgis-
gæslunnar, telur
skýrt að Gæslan
hafi vald til
valdbeitingar.
Bi
rt
m
eð
fy
rir
va
ra
u
m
p
re
nt
vil
lu
r.
He
im
sfe
rð
ir
ás
kil
ja
sé
r r
ét
t t
il l
eið
ré
tti
ng
a á
sl
íku
. A
th
. a
ð v
er
ð g
et
ur
b
re
ys
t á
n
fyr
irv
ar
a.

595 1000 www.heimsferdir.is
Alicante
Flug aðra leið í október til
19.950
Flug aðra leið frá
Flugsæti
10 Fréttir 8. október 2022 LAUGARDAGURFRÉTTABLAÐIÐ