Skessuhorn - 21.09.2022, Síða 9

MIÐVIKUDAGUR 21. SEPTEMBER 2022 9
Snorrastofa, menningar- og miðaldasetur
í Reykholti
Sími 433 8000
www.snorrastofa.is
snorrastofa@snorrastofa.is
Snorrastofa í Reykholti
Minningarfyrirlestur um Snorra Sturluson
Þriðjudagurinn 27. sept. 2022
kl. 20 í Bókhlöðu Snorrastofu
„Harðmúlaðr er Skúli“:
Níðið um Snorra
Úlfar Bragason, prófessor emeritus flytur
Úlfar mun ræða tengsl Snorra
Sturlusonar og Skúla jarls
Bárðarsonar og þá ætlun Snorra
að koma á friði milli norskra
kaupmanna og Íslendinga.
Hæðst var að viðleitni Snorra og
ort um hann níðvísa, sem Úlfar
mun skoða út frá hugmyndum
13. aldar um karlmennsku.
Aðgangur ókeypis
Verið velkomin
Mikill meirihluti landsmanna,
eða 72%, er hlynntur því að tekin
verði upp leigubremsa á Íslandi.
Leigubremsa er það kallað þegar
gefið er út viðmið hversu mikið
húsaleiga má hækka yfir tiltekið
tímabil. Þetta kom fram í könnun
sem Maskína gerði fyrir Samtök
leigjenda á Íslandi. Aðeins 11%
sögust vera fremur eða mjög and­
víg því að tekin yrði upp leigu­
bremsa, 72 prósent frekar eða
mjög hlynnt.
Sama niðurstaða kom fram um
leiguþak, en leiguþak er það kallað
þegar gefið er út hámarksleiguverð
á leiguhúsnæði miðað við stærð,
gæði og staðsetningu. 71% mjög
eða frekar hlynnt því að sett yrði á
leiguþak en aðeins 13% frekar eða
mjög andvíg slíku.
„Það er ljóst að meginþorri
almennings vill verja leigjendur
fyrir því óstjórnlega okri sem hér
hefur geisað á leigumarkaði,“ segir
Guðmundur Hrafn Arngríms­
son, formaður Samtaka leigjenda.
„Og að aðeins lítill minnihluti vill
það ekki. Vandi okkar er að það er
þessi minnihluti sem ræður stefnu
stjórnvalda. Það er vandi leigjenda
og vandi okkar samfélags.“
Meirihluti er fyrir bæði leigu­
bremsu og leiguþaki í öllum tekju­
hópum, aldurshópum, kynjum og
landshlutum. Það er sama hvaða
menntun fólk hefur, hvaða flokka
það kýs eða hver staða þess er
á leigumarkaði. Alls staðar seg­
ist meirihlutinn vilja bæði leigu­
bremsu og leiguþak.
mm
Guðlaugur Þór Þórðarson,
umhverfis­, orku­ og loftslagsráð­
herra, veitti á föstudaginn Ómari
Ragnarssyni Náttúruverndarviður­
kenningu Sigríðar í Brattholti. Er
þetta í þrettánda sinn sem þessi
viðurkenning er afhent. Verðlaunin
eru ætíð afhent á Degi náttúrunnar
sem ákveðið var á sínum tíma að
hafa á afmælisdegi Ómars honum
til heiðurs.
Ómar Ragnarsson er
landsmönnum að góðu kunnur.
Hann var í störfum sínum í fjöl­
miðlum iðinn við að vekja athygli á
hinum ýmsu náttúruperlum lands­
ins og hóf í kjölfarið baráttu sína
fyrir náttúruvernd. Í máli Guð­
laugs Þórs við athöfnina á föstu­
daginn kom fram að Ómari væri
í lófa lagið að vekja athygli á mál­
efnum og að hann hafi fært þjóð­
inni hvert náttúruundrið á fætur
öðru, alla leið heim í stofu. Jafnt
með Stikluþáttum sínum og öðrum
myndum um náttúruvernd, sem og
öðru fréttaefni. Þannig hafi Ómar
t.d. myndað Holuhraun áður en
þar gaus og komið að Grímsvatna­
gosinu áður en nokkur annar hafi
komið þar að. Eins hafi Ómar
verið ötull við að vekja athygli á
rafknúnum farartækjum hin síð­
ari ár og hafi til að mynda ferðast
árið 2015 á rafhjóli frá Reykjavík
til Akureyrar, í ferðalagi sem hann
nefndi „Aðgerð orkuskipti“, þá
orðinn 75 ára.
„Þá er Ómar brautryðjandi í
notkun rafbíla á Íslandi, kynnti ef
minnið svíkur ekki, rafbíl hér fyrir
nokkrum áratugum síðan, og hefur
undanfarin ár ekið um á rafmagns­
bílum. Hann sagði einmitt í við­
tali fyrir nokkrum árum, og var því
á undan okkur stjórnvöldum sem
nú erum að takast á við málið, að
það væri ekki nóg að rafmagns­
bílar væru bara fyrir þá efnameiri.
Huga þyrfti að „rafbíl litla manns­
ins,“ sagði Guðlaugur Þór Þórðar­
son umhverfis­, orku­ og loftslags­
ráðherra í rökstuðningi sínum með
verðlaununum og bætti við:
„Íslensk náttúra væri svo miklu
fátækari ef ekki væri fyrir eld­
huga sem eru tilbúnir að leggja
allt í sölurnar fyrir hana. Ég, eins
og margir Íslendingar, erum svo
heppin að hafa átt Ómar sem
glugga inn í hluti sem eru svo
ótrúlega mikilvægir en fáir sinntu.
Einstaklingar skipta máli og skýrt
dæmi um það er Ómar Ragnars­
son. Það verður aldrei hægt að
mæla hvað hann hefur gert, með
sínum einstaka hætti, fyrir íslenska
náttúru. Mín kynslóð og margar
fleiri fengum að kynnast nátt­
úru Íslands vegna áhuga og atorku
Ómars Ragnarssonar. Fyrir það er
ég þakklátur,“ sagði Guðlaugur Þór
Þórðarson.
mm
Ómar hlaut viðurkenningu
Sigríðar í Brattholti
Guðlaugur Þór afhendir Ómari náttúruviðurkenningu Sigríðar í Brattholti og
blóm. Ljósm. Stjórnarráðið.
Mikill meirihluti vill
leigubremsu og leiguþak
Íbúðarhúsnæði í byggingu.