Skessuhorn - 21.09.2022, Blaðsíða 14

MIÐVIKUDAGUR 21. SEPTEMBER 202214
Samkvæmt tillögum svokallaðs
spretthóps, sem Svandís Svavars­
dóttir matvælaráðherra setti á lagg­
irnar vegna alvarlegrar stöðu land­
búnaðar, voru fyrstu greiðslur
greiddar út í síðustu viku. Greitt
var álag á gæðastýringu í sauðfjár­
rækt ásamt álagi á framlög til geit­
fjárræktar, samtals 895 milljónir
króna. Gert er ráð fyrir að gripa­
greiðslur í nautgriparækt verði
greiddar í þessari viku en þær nema
alls 235 milljónum.
Spretthópurinn lagði m.a. til að
greitt yrði álag á ákveðnar greiðslur
samkvæmt gildandi búvörusamn­
ingum sem og sérstakar greiðslur
til stuðnings svína­, alifugla­ og
eggjaframleiðslu, samtals 2.460
milljónir króna. Áætlað er að aðrar
álagsgreiðslur verði greiddar sam­
kvæmt eftirfarandi tímaáætlun:
September 2022
20% álag á gripagreiðslur, holdakýr
– 36 milljónir, greitt 21. september
12% álag á gripagreiðslur –
mjólkurkýr – 199 milljónir, greitt
21. september
Aðlögun að lífrænni framleiðslu í
garðyrkju – 5 milljónir
Október 2022
65% álag á jarðræktarstyrki og
landgreiðslur – 517 milljónir
65% álag vegna útiræktaðs græn­
metis – 34 milljónir
Nóvember 2022
75% álag á nautakjötsframleiðslu,
önnur álagsgreiðsla vegna fram­
leiðslu júlí­september – 41 milljón
Febrúar 2023
25% álag á beingreiðslur c í garð­
yrkju – 101 milljón
75% álag á nautakjötsfram­
leiðslu, þriðja álagsgreiðsla vegna
framleiðslu október­desember – 41
milljón
Uppgjör álags á gæðastýringu fer
jafnframt fram í febrúar samhliða
uppgjöri almennu gæðastýringar­
greiðslunnar.
Spretthópurinn lagði einnig til
að 450 milljónum króna yrði varið
til að mæta hækkun fóðurverðs
hjá svína­, alifugla­ og eggjafram­
leiðendum. Ráðuneytið vinnur að
undirbúningi umsóknarferils vegna
framangreindra stuðningsgreiðslna
sem áætlað er að fari fram snemma
árs 2023.
mm
Dagur íslenskrar náttúru var síð­
astliðinn föstudag, 16. september.
Fyrir nokkrum árum var ákveðið að
heiðra Ómar Ragnarsson með því
að velja dag náttúrunnar daginn sem
Ómar kom í þennan heim. Fugla­
vernd hefur staðið fyrir kosningu á
Fugli ársins 2022 undanfarnar vikur
og mánuði. Nú er niðurstaðan um
sigurvegarann komin, en fugl ársins
er maríuerla.
Fugl ársins er fimur og fínlegur
spörfugl. Maríuerlan er hvít með
svarta húfu og gráleitt sjal. Stélið
er langt og svart og tifar gjarnan
upp og niður. Maríuerla er far­
fugl sem hefur vetursetu í Afríku.
Hún flýgur til Íslands að vori og
heldur til m.a. á ræktarlandi og við
mannabústaði þar sem hún verpir
m.a. í útihúsum og varpkössum,
mennskum nágrönnum sínum oft­
ast til mikillar ánægju. Þá sést hún
trítla og flögra eftir flugum og fiðr­
ildum sem hún grípur á lofti eða
tínir upp af jörðinni. Hún á 5­6
egg í einu í hreiðurkörfu sem hún
gerir úr stráum og verpir einu sinni
til tvisvar á sumri. Kynslóðalengd
maríuerlu er 4,2 ár.
mm/ Ljósm. GÓ
Lög um farsæld barna voru kynnt
fyrir fullu húsi á málþingi í félags­
heimilinu Klifi í Ólafsvík á mánu­
daginn. Þar héldu Félags­ og skóla­
þjónusta Snæfellinga og grunn­ og
leikskólar á Snæfellsnesi sitt fjórða
„skólamálaþing” um málefni líð­
andi stundar. Að þessu sinni var
aðalefni þingsins farsæld barna,
nánar tiltekið efni samnefndra laga
sem nú er víða verið að innleiða hjá
sveitarfélögum.
Kynningar á inntaki og inn­
leiðingu lagaákvæða fluttu þau
Halldóra Gunnarsdóttir, sér­
fræðingur hjá Mennta­ og barna­
málaráðuneytinu og Páll Ólafs­
son, framkvæmdastjóri farsældar­
sviðs Barna­ og fjölskyldustofu. Þá
héldu fulltrúar frá Akraneskaupstað
og Árborg kynningu og lýstu inn­
leiðingarferlinu sem þegar er hafið
í þeim sveitarfélögum og svöruðu
fyrirspurnum úr sal.
Málþingið var vel sótt en auk
starfsfólks Félags­ og skólaþjón­
ustu Snæfellinga og grunn­ og leik­
skólanna á Snæfellsnesi sátu þingið
fulltrúar úr sveitarstjórn. Þá voru
einnig fulltrúar frá heilsugæsl­
unni, lögreglunni og Fjölbrauta­
skóla Snæfellinga sem og aðilar
sem starfa við íþrótta­ og félags­
starf barna.
Með málþinginu var stigið fyrsta
skrefið í undirbúningi að inn­
leiðingu og framkvæmd farsældar­
laganna hjá sveitarfélögunum á
Snæfellsnesi.
af
Síðastliðinn föstudag var byrjað
að steypa brúargólfið á brúnni yfir
Þorskafjörð í Reykhólasveit. Það
er steypt í einu lagi og var tekinn
fyrir helmingur brúarinnar, 130
metrar, í þessum áfanga. Stefnt er
að síðari áfanginn verður steyptur
eftir tvo mánuði ef tíðarfar verður
hagstætt. Í þennan hluta fóru um
1.300 rúmmetrar af steypu. Steypu­
stöð frá Steypustöðinni hefur verið
komið fyrir við Bjarkalund til að
lágmarka akstur steypubílanna.
Áður var búið að steypa sjö stöpla.
Það er byggingafyrirtækið Suður­
verk sem er aðalverktaki við brúar­
gerðina en undirverktakar eru Eykt
og Steypustöðin. Um sextíu manns
vinna nú við brúarsmíðina.
Mikinn undirbúning þarf fyrir
þetta stóra steypu og ekkert sem
má fara úrskeiðis. Því voru vara­
tæki af öllu tagi til taks; steypu­
bíll, steypudæla, hjólaskófla til að
moka í steypustöðina og varaleiðir
til vatnsöflunar. Fram kemur á
heimasíðu Reykhólahrepps að allt
hafi gengið vel og án mikilla áfalla
þessar liðlega 30 klukkustundir sem
steypuvinnan tók.
mm/ Ljósm. Guðlaugur Albertsson
Samfelld þrjátíu tíma
steypa yfir Þorskafjörð
Brúin yfir Þorskafjörð verður 260 metrar að lengd.
Steypt á fullu.
Steypustöðin setti upp steypustöð við Bjarkalund til að lágmarka akstur og hraða
verkinu.
Fyrstu greiðslur spretthóps greiddar út
Heyskapur í sumar að Hesti í Andakíl. Ljósm. mm.
Rætt um farsæld
fyrir fullu húsi í Klifi
Farsældarlögin kynnt fyrir fullu húsi í Klifi í Ólafsvík. Ljósm. af
Maríuerla er fugl
ársins 2022