Heilbrigðisskýrslur - 03.12.1994, Blaðsíða 14

Lungnabólgubólusetning
Bólusetning sem getur veitt 60-70% vemd gegn lungnabólgu er hafin samkvæmt ákvörðun
Farsóttanefndar ríkisins og landlæknis á öllum heilsugæslustöðvum.21-22 Allur undirbúningur
var kostaður af Landlæknisembættinu. Nú þegar er búið að bólusetja milli 30-40% fólks 60 ára
og eldra en kostnaður hvers einstaklings er 700-800 krónur og er það nokkur fjárhæð fyrir
ellilífeyrisþega. Lungnabólga veldur oft innlögnum á sjúkrahús og er ein algengasta
dánarorsök eldra fólks en framleiðslutap er ómælt. Erlendir aðilar vilja leggja fé til þessara
aðgerða hér á landi.
Fjölónæmir lungnabólgusýklar
Á örfáum árum hefur tíðni fjölónæmra lungnabólgusýkla í innsendum sýnum aukist úr 1% í
20% (samkvæmt mælingum sýklarannsóknadeildar Landspítalans).23>24 Þetta þýðir að nú þarf
að leggja börn inn á sjúkrahús vegna þessara sýkinga og getur meðferðin með dýrum
sýklalyfjum kostað (af þriðju kynslóð) allt að 100.000 kr. fyrir utan sjúkrahúslegu en hver
dagur kostar 15-20 þús. kr. Sé ekki rétt við brugðist nú þegar, mun kostnaður vegna innlagna á
sjúkrahús aukast vemlega á næstu árum og lungnabólgumeðferð gæti farið í svipað horf og
fyrir hálfri öld.
Nú er verið að prófa nýtt bóluefni í samvinnu bandarísku heilsufræðistofnunarinnar í Atlanta
og Rannsóknastofu í ónæmisfræði (prófessor Helgi Valdimarsson) á Landspítalanum. Þetta
bóluefni gæti, ef vel tekst til, komið í veg fyrir þessa sýkingu. Þakkir eru færðar
heilbrigðismálaráðherra fyrir að veita fé í þessa tilraun.
Mynd 9:
Hlutfalts penisillín ónæmra pneumókokka
Ársfjórðungar 1990-1992
Sýklafræöideild Landspítalans 1992
12