Verktækni - 2020, Page 20

20

Mynd 6: Þættir sem spila inn í við tímasetningu á kaupum á sjálfakandi bíl.
Bösch og félagar hafa sýnt fram á að útlagður kostnaður við hverja ferð gæti verið töluvert
lægri fyrir sjálfakandi bíla í einkaeigu í samanburði við aðra ferðamáta (Bösch, Becker,
Becker & Axhausen, 2018). Hins vegar ef litið er til heildarkostnaðar hverrar ferðar væri mun
dýrara að eiga sjálfakandi bíl. Það er því ljóst að þeir sem þegar eiga bíl munu alltaf kjósa að
nota bílinn sé hann í boði.
Vöruflutningar
Svarendur eru mun jákvæðari gagnvart vöruflutningi eigin vara í samanburði við
fólksflutninga. Mynd 7 sýnir, líkt og með viðhorf til fólksflutninga á Mynd 2 og Mynd 3 að
traust til ferða með ökutækjunum eykst með auknu eftirliti. Samanburður á Mynd 2 og Mynd
7 sýnir að svarendur eru jákvæðari gagnvart því að vörur þeirra séu fluttar með sjálfakandi
ökutækjum frekar en fólk. Þetta gæti auðveldað flutningafyrirtækjum að fá samþykki fyrir
notkun ökutækjanna, en þó með öryggisupplifun annarra vegfarenda í huga (sjá „Upplifun
öryggis í nálægð við ökutæki“)