Fréttablaðið - 31.01.2023, Blaðsíða 30

Nú verður ekki aftur
snúið og við búnir að
koma okur í enn eina
vitleysuna.
Bjarni Haukur
FRÉTTAVAKTIN
KL. 18.30 ALLA VIRKA DAGA
Fréttavaktin býðum landsmönnum upp á
fjölbreytta fréttaumfjöllun í opinni dagskrá.
Úrvalslið fjölmiðlafólks fer yfir fréttayfirlit
dagsins ásamt því að fá til sín góða gesti að
ræða helstu mál líðandi stundar.
Fréttavaktin er á dagskrá alla virka daga á
Hringbraut, dv.is og frettabladid.is
26 LÍFIÐ FRÉTTABLAÐIÐ 31. JANÚAR 2023
ÞRIÐJUDAGUR
toti@frettabladid.is
Pósthúsinu í Bændahöllinni við
Hagatorg var skellt í lás í hinsta
sinn á föstudaginn og þar með er
Íslandspóstur ekki lengur með
útibú í hinum almennt hátt skrifuðu
nágrannapóstnúmerum 101 og 107.
„Þetta eru afspyrnu vond tíðindi,“
segir bókmenntadrottningin og
blaðamaðurinn Kolbrún Bergþórs-
dóttir sem er í hópi marga fastagesta
á pósthúsinu sem harma nú hlutinn
sinn. „Maður hefði haldið að menn
vildu auka póstþjónustu í miðbæ og
vesturbæ en markmiðið er greinilega
að steindrepa hana,“ segir Kolbrún
sem eðli málsins samkvæmt pantar
nokkuð mikið að utan og þá ekki síst
bækur. En ekki hvað?
„Við sem pöntum bækur og annan
varning frá útlöndum munum svo
sem ekki telja eftir okkur að rölta
upp í Síðumúla til að sækja góssið
eða setja jólakortin þar í póst. Við
munum þó um leið hugsa hlýlega til
gömlu daganna þegar okkar leið eins
og við værum velkomin á pósthúsið
í hverfinu okkar,“ segir Kolbrún
og gefur lítið fyrir þær tæknilegu
lausnir sem eiga að leysa pósthúsið
hennar af hólmi.
„Ábendingar frá Póstinum um
það hversu mikil dásemd það sé að
geta sótt sendingar í póstbox virka
síðan eins og máttlaust mjálm á þá
sem vilja geta gengið inn í pósthús í
hverfinu sínu eða næsta nágrenni.“
Pósthúsið sem var lokað á föstu-
daginn var opnað á jarðhæð Hótels
Sögu 2018 en snarpur samdráttur
í bréfasendingum á síðustu árum
samhliða mikilli fjölgun pakka-
sendinga réð mestu um þá ákvörðun
Póstsins að lúta í gras við Hagatorg
í 107. n
Pósturinn mjálmar máttlaust í 107
Þótt nýbúið sé að loka pósthúsinu
sér Kolbrún það nú þegar í hillingum.
Áralangt samstarf leikaranna
Sigurðar Sigurjónssonar og
Bjarna Hauks Þórssonar hefur
meðal annars getið af sér
einleikina vinsælu Pabbann
og Afann. Þeir hafa hingað til
skipst á að leika og leikstýra en
þegar pabbinn fann afann og
þeir ætla að vera saman á sviði
var Gói fenginn til þess að hafa
stjórn á þeim.
toti@frettabladid.is
Bjarni Haukur Þórsson og Sigurður
Sigurjónsson hafa með reglulegu
árabili kitlað hláturtaugar þúsunda
leikhúsgesta meðal annars með
leikverkunum Pabbinn, sem var
frumsýnt í Iðnó 2007, og Afanum
í Borgarleikhúsinu 2011 en sá ein-
leikur var jafnframt sýndur ríflega
hundrað sinnum um landið þvert
og endilangt.
Bjarni Haukur segir þá félagana
njóta þess að vinna saman og að þeir
hafi hingað til, bæði í fyrrnefndum
einleikjum sem og Hellisbúanum,
How to become Icelandic, Maður
sem heiti Ove að ógleymdri bíó-
myndinni um Afann, skipst á að
leika og leikstýra hvor öðrum.
Bjarni Haukur segir að eftir því
sem liðið hafi á samstarfið hafi þeir
stundum grínast með hvort þeir séu
virkilega að fara að henda í enn einn
einleikinn og velt því fyrir sér hvort
þetta sé bara kannski komið gott.
Enn ein vitleysan
Þegar heimsfaraldurinn lagði sína
dauðu hönd yfir leikhúslífið í land-
inu segir Bjarni Haukur þá, eins og
fleiri, hafa fengið tíma til að hugsa,
þannig að þeir fóru að velta fyrir sér
hvað þá langaði að gera þegar allt
yrði vonandi eðlilegt á ný.
„Þá svona datt okkur í hug hvort
við ættum kannski að gera eitthvað
sem við hefðum aldrei gert áður og
vera saman á sviðinu. Við fórum
svo bara einhvern veginn að vinna
í þessu og nú verður ekki aftur snúið
og við búnir að koma okur í enn
eina vitleysuna.“
Pabbinn finnur afann
Þegar pabbinn hafði þarna, nokkuð
óvænt ef til vill, fundið afann blasti
við að það þyrfti að kippa þriðja
manninum, leikstjóranum Guðjóni
Davíð Karlssyni, inn á.
„Við veltum því nú fyrir okkur
hver það ætti að vera en vorum
alveg sammála um að við þyrftum
að hafa einhvern sem þekkti svolítið
okkar húmor og sagnastíl en væri
samt harður húsbóndi og Gói er
það vissulega,“ segir Bjarni Haukur
og bætir við að samvinna þeirra
þriggja sé búin að vera frábær.
Taumhald á afa og pabba
„Gói er líka bara nákvæmlega það
sem við þurfum, sko. Einhver sem
heldur okkur við efnið af því að
við eigum það nú alveg til að láta
gamminn geisa.“
Bjarni Haukur segir vinnulagið
í nokkuð föstum skorðum. Hann
byrji yfirleitt á því að skrifa uppkast
sem þeir Siggi hendi sín á milli.
„Það er sami stíll á þessu núna
nema að við erum með Góa líka
sem er alveg frábært,“ segir Bjarni
Haukur en afraksturinn verður
frumsýndur í Hörpu 15. mars. n
Vitleysan ekki einleikin á
sviðinu hjá Sigga og Bjarna
Siggi Sigurjóns og Bjarni Haukur hafa brallað ýmislegt og nú bætist Gói við og leggur pabba og afa lið. MYND/JORRI
Pabbinn finnur afann
Verkið segir frá tveimur
mönnum, pabba og afa, sem
eru á leið í golf til Tenerife.
Seinkun verður til þess að þeir
þurfa að hanga klukkustundum
saman í Leifsstöð þar sem ýmis-
legt kemur upp í samræðum
þeirra.
Gríðarleg flughræðsla afans
og erfiðleikar í hjónabandi
pabbans, ásamt áskorunum
í barnauppeldi, endalausum
tækninýjungum og óum-
flýjanlegum eftirlaunaaldri eru
aðeins nokkur af þeim krefjandi
málum sem þeir félagar þurfa
að kljást við á vellinum.